ढाणकीकरांवर पुन्हा 'अंधारयुग' सोसण्याची वेळ; कामचुकार कर्मचाऱ्यांमुळे नागरिक संतप्त.. ​ वातावरणात झालेल्या बदलामुळे ढाणकी शहराला सलग दुसऱ्यांदा रात्र अंधारात काढावी लागली आहे. केवळ किरकोळ तांत्रिक बिघाड असतानाही महावितरणच्या कर्मचाऱ्यांच्या उदासीनतेमुळे संपूर्ण शहराला रात्रभर जागून काढावी लागल्याने नागरिकांमध्ये तीव्र संताप व्यक्त होत आहे.काल सायंकाळी वातावरणात अचानक बदल झाला आणि सोसाट्याचा वारा वाहू लागला. दरवेळेप्रमाणे वारा सुटताच शहराचा वीजपुरवठा खंडित झाला. वारा थांबल्यानंतर वीज येईल, अशी आशा नागरिकांना होती. मात्र, रात्र उलटत येऊनही वीज सकाळी 4 वाजेच्या जवळ पास आली. शहरातील किरकोळ बिघाड शोधण्यासाठी केवळ चार कर्मचारी प्रयत्न करत होते, ज्यामुळे संपूर्ण शहराला रात्रभर अंधारात राहावे लागले.शहरातील वीज समस्या गंभीर होण्यामागे महावितरणच्या अधिकारी आणि कर्मचाऱ्यांची कार्यपद्धती कारणीभूत असल्याचे बोलले जात आहे: सहायक अभियंता आणि प्रिन्सिपल टेक्निशियन हे मुख्यालयी हजर राहत नाहीत.अनेक लाईनमनना मुख्यालयात राहण्याची 'अॅलर्जी' असून, त्यांच्या या वृत्तीचा फटका सर्वसामान्य ग्राहकांना बसत आहे.शहरातील सर्वपक्षीय नेत्यांनी आंदोलनाचा इशारा दिला होता, मात्र वरिष्ठ अधिकाऱ्यांनी त्याकडे जाणीवपूर्वक दुर्लक्ष केल्याचा आरोप होत आहे.​ चौकट: सहायक अभियंत्यांची उद्धट वागणूक ​सहायक अभियंता नाखले यांना नागरिकांनी वीजपुरवठ्याबाबत विचारणा करण्यासाठी फोन केला असता, त्यांनी अतिशय खालच्या भाषेत संवाद साधून ग्राहकांचा अवमान केल्याची तक्रार विद्युत ग्राहकांनी केली आहे. ​रात्रभर शहराला अंधारात ठेवणाऱ्या आणि कर्तव्यात कसूर करणाऱ्या कामचुकार कर्मचाऱ्यांवर तात्काळ कडक कारवाई करावी, अशी मागणी आता ढाणकीतील संतप्त नागरिक करत आहेत. जर ही परिस्थिती सुधारली नाही, तर मोठे जनआंदोलन छेडण्याचा इशाराही देण्यात आला आहे.

Sk Chand

मी सॅटॅलाइट न्यूज पत्रकार आहे. उमरखेड, यवतमाळ, महाराष्ट्र•

4 hrs ago

ढाणकीकरांवर पुन्हा 'अंधारयुग' सोसण्याची वेळ; कामचुकार कर्मचाऱ्यांमुळे नागरिक संतप्त.. ​ वातावरणात झालेल्या बदलामुळे ढाणकी शहराला सलग दुसऱ्यांदा रात्र अंधारात काढावी लागली आहे. केवळ किरकोळ तांत्रिक बिघाड असतानाही महावितरणच्या कर्मचाऱ्यांच्या उदासीनतेमुळे संपूर्ण शहराला रात्रभर जागून काढावी लागल्याने नागरिकांमध्ये तीव्र संताप व्यक्त होत आहे.काल सायंकाळी वातावरणात अचानक बदल झाला आणि सोसाट्याचा वारा वाहू लागला. दरवेळेप्रमाणे वारा सुटताच शहराचा वीजपुरवठा खंडित झाला. वारा थांबल्यानंतर वीज येईल, अशी आशा नागरिकांना होती. मात्र, रात्र उलटत येऊनही वीज सकाळी 4 वाजेच्या जवळ पास आली. शहरातील किरकोळ बिघाड शोधण्यासाठी केवळ चार कर्मचारी प्रयत्न करत होते, ज्यामुळे संपूर्ण शहराला रात्रभर अंधारात राहावे लागले.शहरातील वीज समस्या गंभीर होण्यामागे महावितरणच्या अधिकारी आणि कर्मचाऱ्यांची कार्यपद्धती कारणीभूत असल्याचे बोलले जात आहे: सहायक अभियंता आणि प्रिन्सिपल टेक्निशियन हे मुख्यालयी हजर राहत नाहीत.अनेक लाईनमनना मुख्यालयात राहण्याची 'अॅलर्जी' असून, त्यांच्या या वृत्तीचा फटका सर्वसामान्य ग्राहकांना बसत आहे.शहरातील सर्वपक्षीय नेत्यांनी आंदोलनाचा इशारा दिला होता, मात्र वरिष्ठ अधिकाऱ्यांनी त्याकडे जाणीवपूर्वक दुर्लक्ष केल्याचा आरोप होत आहे.​ चौकट: सहायक अभियंत्यांची उद्धट वागणूक ​सहायक अभियंता नाखले यांना नागरिकांनी वीजपुरवठ्याबाबत विचारणा करण्यासाठी फोन केला असता, त्यांनी अतिशय खालच्या भाषेत संवाद साधून ग्राहकांचा अवमान केल्याची तक्रार विद्युत ग्राहकांनी केली आहे. ​रात्रभर शहराला अंधारात ठेवणाऱ्या आणि कर्तव्यात कसूर करणाऱ्या कामचुकार कर्मचाऱ्यांवर तात्काळ कडक कारवाई करावी, अशी मागणी आता ढाणकीतील संतप्त नागरिक करत आहेत. जर ही परिस्थिती सुधारली नाही, तर मोठे जनआंदोलन छेडण्याचा इशाराही देण्यात आला आहे.