नाशिक रोड येथील महापालिकेच्या बिटको रुग्णालयासारख्या संवेदनशील ठिकाणी मोठ्या आवाजात स्पीकरवर गाणी लावल्याने रुग्णांनी तीव्र संताप व्यक्त केला. या कर्कश आवाजामुळे रुग्ण, नवजात बालके, गंभीर आजारी रुग्ण तसेच त्यांच्या नातेवाईकांना मोठा मनस्ताप सहन करावा लागला. ही घटना रुग्णालयातील सेवापूर्ती सत्कार सोहळ्याशी संबंधित होती. रुग्णालयात अनेक वर्षांची सेवा देणारे एक पुरुष आणि तीन महिला कर्मचारी अशा एकूण चार जणांचा शनिवारी दुपारी रुग्णालयाच्या आतील पोर्चमध्ये सेवापूर्ती सत्कार सोहळा पार पडला. त्यानंतर, एका सेवानिवृत्त महिला कर्मचाऱ्याच्या सेवापूर्तीनिमित्त रुग्णालयाच्या इमारतीच्या मुख्य प्रवेशद्वारासमोर लाऊड स्पीकर असलेली गाडी आणण्यात आली आणि त्यावर मोठ्या आवाजात गाणी वाजवण्यात आली. या प्रकारामुळे त्रासलेल्या रुग्णांच्या नातेवाईकांनी बिटको रुग्णालय प्रशासनाकडे तत्काळ तक्रार केली. प्रशासनाने या तक्रारीची दखल घेत, स्पीकर असलेली गाडी रुग्णालयाच्या बाहेर घेऊन जाण्याची सूचना केली, त्यानंतर संबंधित व्यक्ती गाडी घेऊन निघून गेले. रुग्ण, त्यांचे नातेवाईक आणि नागरिकांनी यापुढे शांतता व संवेदनशील क्षेत्र असलेल्या रुग्णालयात असे प्रकार घडू नयेत अशी अपेक्षा व्यक्त केली आहे.

Anil GUNJAL

नाशिक, नाशिक, महाराष्ट्र•

3 hrs ago

नाशिक रोड येथील महापालिकेच्या बिटको रुग्णालयासारख्या संवेदनशील ठिकाणी मोठ्या आवाजात स्पीकरवर गाणी लावल्याने रुग्णांनी तीव्र संताप व्यक्त केला. या कर्कश आवाजामुळे रुग्ण, नवजात बालके, गंभीर आजारी रुग्ण तसेच त्यांच्या नातेवाईकांना मोठा मनस्ताप सहन करावा लागला. ही घटना रुग्णालयातील सेवापूर्ती सत्कार सोहळ्याशी संबंधित होती. रुग्णालयात अनेक वर्षांची सेवा देणारे एक पुरुष आणि तीन महिला कर्मचारी अशा एकूण चार जणांचा शनिवारी दुपारी रुग्णालयाच्या आतील पोर्चमध्ये सेवापूर्ती सत्कार सोहळा पार पडला. त्यानंतर, एका सेवानिवृत्त महिला कर्मचाऱ्याच्या सेवापूर्तीनिमित्त रुग्णालयाच्या इमारतीच्या मुख्य प्रवेशद्वारासमोर लाऊड स्पीकर असलेली गाडी आणण्यात आली आणि त्यावर मोठ्या आवाजात गाणी वाजवण्यात आली. या प्रकारामुळे त्रासलेल्या रुग्णांच्या नातेवाईकांनी बिटको रुग्णालय प्रशासनाकडे तत्काळ तक्रार केली. प्रशासनाने या तक्रारीची दखल घेत, स्पीकर असलेली गाडी रुग्णालयाच्या बाहेर घेऊन जाण्याची सूचना केली, त्यानंतर संबंधित व्यक्ती गाडी घेऊन निघून गेले. रुग्ण, त्यांचे नातेवाईक आणि नागरिकांनी यापुढे शांतता व संवेदनशील क्षेत्र असलेल्या रुग्णालयात असे प्रकार घडू नयेत अशी अपेक्षा व्यक्त केली आहे.