कर्जत तालुक्यातील करमाळा रोडवरील एका फर्निचर दुकानासमोर कर्जत पोलिसांनी धडाकेबाज कारवाई करत सुमारे ३०० किलो गोमांस आणि एक इर्टिगा कार असा एकूण ६ लाख ६० हजार रुपयांचा मुद्देमाल जप्त केला आहे. या बेकायदेशीर गोमांस वाहतूक प्रकरणी दोघांविरुद्ध कर्जत पोलीस ठाण्यात गुन्हा दाखल करण्यात आला आहे. पोलीस कॉन्स्टेबल मनोज मुरकुटे यांनी दिलेल्या फिर्यादीनुसार, १० जुलै २०२६ रोजी सायंकाळी साडेसहा वाजण्याच्या सुमारास सहायक फौजदार अण्णासाहेब चव्हाण यांना गुप्त बातमीदारामार्फत माहिती मिळाली होती की, करमाळा येथून गोवंशाची कत्तल करून त्याचे गोमांस विक्रीसाठी मारुती सुझुकी इर्टिगा कारमधून कर्जतकडे आणले जात आहे. या माहितीच्या आधारे सहायक पोलीस निरीक्षक चव्हाण यांनी तातडीने कारवाईचे आदेश दिले. त्यानुसार पोलीस हेडकॉन्स्टेबल प्रविण सुतार, पोलीस कॉन्स्टेबल योगेश सुपेकर, सचिन झुनगुरे, गोविंद हिंगे व पोलिसांच्या पथकाने करमाळा रोडवर सापळा लावला होता. दरम्यान, संशयित इर्टिगा कार (एमएच १६, डीएस ३७२२) तेथे आल्यानंतर पोलिसांनी वाहन अडवून तपासणी केली असता, वाहनामध्ये सात प्लास्टिकच्या गोण्यांमध्ये काळ्या प्लास्टिकमध्ये पॅक केलेले सुमारे ३०० किलो गोमांस आढळून आले. पोलिसांनी ६० हजार रुपये किमतीचे गोमांस आणि ६ लाख रुपये किमतीची कार जप्त केली. या कारवाईत पोलिसांनी सैफाली मुहम्मद हफिज कुरेशी (वय ३२ वर्षे, रा. मौला अलीचा माळ, करमाळा, जि. सोलापूर) आणि नागनाथ मच्छिंद्र देवकर (वय ४५ वर्षे, रा. शिंदे गल्ली, करमाळा, जि. सोलापूर) यांना ताब्यात घेतले असून चौकशीत ते गोमांस विक्रीसाठी वाहतूक करत असल्याचे निष्पन्न झाले आहे.

संस्कार न्यूज

Advertising agency कर्जत, अहमदनगर, महाराष्ट्र•

1 hr ago

कर्जत तालुक्यातील करमाळा रोडवरील एका फर्निचर दुकानासमोर कर्जत पोलिसांनी धडाकेबाज कारवाई करत सुमारे ३०० किलो गोमांस आणि एक इर्टिगा कार असा एकूण ६ लाख ६० हजार रुपयांचा मुद्देमाल जप्त केला आहे. या बेकायदेशीर गोमांस वाहतूक प्रकरणी दोघांविरुद्ध कर्जत पोलीस ठाण्यात गुन्हा दाखल करण्यात आला आहे. पोलीस कॉन्स्टेबल मनोज मुरकुटे यांनी दिलेल्या फिर्यादीनुसार, १० जुलै २०२६ रोजी सायंकाळी साडेसहा वाजण्याच्या सुमारास सहायक फौजदार अण्णासाहेब चव्हाण यांना गुप्त बातमीदारामार्फत माहिती मिळाली होती की, करमाळा येथून गोवंशाची कत्तल करून त्याचे गोमांस विक्रीसाठी मारुती सुझुकी इर्टिगा कारमधून कर्जतकडे आणले जात आहे. या माहितीच्या आधारे सहायक पोलीस निरीक्षक चव्हाण यांनी तातडीने कारवाईचे आदेश दिले. त्यानुसार पोलीस हेडकॉन्स्टेबल प्रविण सुतार, पोलीस कॉन्स्टेबल योगेश सुपेकर, सचिन झुनगुरे, गोविंद हिंगे व पोलिसांच्या पथकाने करमाळा रोडवर सापळा लावला होता. दरम्यान, संशयित इर्टिगा कार (एमएच १६, डीएस ३७२२) तेथे आल्यानंतर पोलिसांनी वाहन अडवून तपासणी केली असता, वाहनामध्ये सात प्लास्टिकच्या गोण्यांमध्ये काळ्या प्लास्टिकमध्ये पॅक केलेले सुमारे ३०० किलो गोमांस आढळून आले. पोलिसांनी ६० हजार रुपये किमतीचे गोमांस आणि ६ लाख रुपये किमतीची कार जप्त केली. या कारवाईत पोलिसांनी सैफाली मुहम्मद हफिज कुरेशी (वय ३२ वर्षे, रा. मौला अलीचा माळ, करमाळा, जि. सोलापूर) आणि नागनाथ मच्छिंद्र देवकर (वय ४५ वर्षे, रा. शिंदे गल्ली, करमाळा, जि. सोलापूर) यांना ताब्यात घेतले असून चौकशीत ते गोमांस विक्रीसाठी वाहतूक करत असल्याचे निष्पन्न झाले आहे.