अमळनेरमध्ये मुसळधार पावसाचा कहर; एक महिन्याच्या चिमुकल्यासह कुटुंबाची थरारक सुटका अमळनेर | प्रतिनिधी : अमळनेर शहरात सुरू असलेल्या मुसळधार पावसामुळे जनजीवन विस्कळीत झाले असून भाळेराव नगर येथील गुरुकृपा कॉलनीत नाल्याला आलेल्या अचानक पुरामुळे एका घरात पाणी शिरले. परिणामी, अवघ्या एका महिन्याच्या बाळासह संपूर्ण कुटुंब घरात अडकून पडले. घरात झपाट्याने पाणी शिरत असल्याने कुटुंबीयांच्या जीवाला मोठा धोका निर्माण झाला होता. घटनेची माहिती मिळताच मुख्याधिकारी गणेश शिंदे यांच्या तातडीच्या निर्देशानुसार आरोग्य विभागाचे निरीक्षक किरण कंडारे, गोल्डी बिऱ्हाडे तसेच अग्निशमन दलाचे रोख, दिनेश बिऱ्हाडे, भिका सदानंदशीव आणि पवन बिऱ्हाडे यांचे पथक घटनास्थळी दाखल झाले. पुराच्या पाण्याचा प्रवाह अत्यंत वेगवान असल्याने बचावकार्य मोठे आव्हानात्मक ठरत होते. मात्र, दोर, लाइफ जॅकेट आणि आवश्यक बचाव साहित्याच्या साहाय्याने पथकाने तब्बल दोन तास अथक प्रयत्न करत पाण्यात अडकलेल्या कुटुंबापर्यंत पोहोचून त्यांची सुखरूप सुटका केली. या बचाव मोहिमेतील सर्वात भावनिक क्षण म्हणजे अवघ्या एका महिन्याच्या चिमुकल्याला प्लास्टिकच्या टबमध्ये सुरक्षित ठेवून पुराच्या पाण्यातून बाहेर काढण्यात आले. त्यानंतर बाळासह सर्व कुटुंबीयांना जवळील इमारतीच्या तिसऱ्या मजल्यावर सुरक्षित हलविण्यात आले. सुदैवाने या संपूर्ण घटनेत कोणतीही जीवितहानी झाली नाही. संकटाच्या काळात धाडस, तत्परता आणि सेवाभावाचे दर्शन घडवत आरोग्य विभाग व अग्निशमन दलाच्या पथकाने एका कुटुंबाचे प्राण वाचविल्याने सर्व स्तरांतून त्यांचे कौतुक होत आहे. या धाडसी बचावकार्यातून अमळनेरच्या आपत्कालीन यंत्रणेने पुन्हा एकदा आपल्या कर्तव्यदक्षतेची आणि तत्परतेची प्रचिती दिली आहे.

Police chaufer news

मुक्ताईनगर, जळगाव, महाराष्ट्र•

10 hrs ago

अमळनेरमध्ये मुसळधार पावसाचा कहर; एक महिन्याच्या चिमुकल्यासह कुटुंबाची थरारक सुटका अमळनेर | प्रतिनिधी : अमळनेर शहरात सुरू असलेल्या मुसळधार पावसामुळे जनजीवन विस्कळीत झाले असून भाळेराव नगर येथील गुरुकृपा कॉलनीत नाल्याला आलेल्या अचानक पुरामुळे एका घरात पाणी शिरले. परिणामी, अवघ्या एका महिन्याच्या बाळासह संपूर्ण कुटुंब घरात अडकून पडले. घरात झपाट्याने पाणी शिरत असल्याने कुटुंबीयांच्या जीवाला मोठा धोका निर्माण झाला होता. घटनेची माहिती मिळताच मुख्याधिकारी गणेश शिंदे यांच्या तातडीच्या निर्देशानुसार आरोग्य विभागाचे निरीक्षक किरण कंडारे, गोल्डी बिऱ्हाडे तसेच अग्निशमन दलाचे रोख, दिनेश बिऱ्हाडे, भिका सदानंदशीव आणि पवन बिऱ्हाडे यांचे पथक घटनास्थळी दाखल झाले. पुराच्या पाण्याचा प्रवाह अत्यंत वेगवान असल्याने बचावकार्य मोठे आव्हानात्मक ठरत होते. मात्र, दोर, लाइफ जॅकेट आणि आवश्यक बचाव साहित्याच्या साहाय्याने पथकाने तब्बल दोन तास अथक प्रयत्न करत पाण्यात अडकलेल्या कुटुंबापर्यंत पोहोचून त्यांची सुखरूप सुटका केली. या बचाव मोहिमेतील सर्वात भावनिक क्षण म्हणजे अवघ्या एका महिन्याच्या चिमुकल्याला प्लास्टिकच्या टबमध्ये सुरक्षित ठेवून पुराच्या पाण्यातून बाहेर काढण्यात आले. त्यानंतर बाळासह सर्व कुटुंबीयांना जवळील इमारतीच्या तिसऱ्या मजल्यावर सुरक्षित हलविण्यात आले. सुदैवाने या संपूर्ण घटनेत कोणतीही जीवितहानी झाली नाही. संकटाच्या काळात धाडस, तत्परता आणि सेवाभावाचे दर्शन घडवत आरोग्य विभाग व अग्निशमन दलाच्या पथकाने एका कुटुंबाचे प्राण वाचविल्याने सर्व स्तरांतून त्यांचे कौतुक होत आहे. या धाडसी बचावकार्यातून अमळनेरच्या आपत्कालीन यंत्रणेने पुन्हा एकदा आपल्या कर्तव्यदक्षतेची आणि तत्परतेची प्रचिती दिली आहे.