ബസ് യാത്രയ്ക്കിടെ വീട്ടമ്മയുടെ സ്വർണ്ണമാല മോഷ്ടിച്ചു; തമിഴ്നാട് സ്വദേശിനി അറസ്റ്റിൽ പാലക്കാട്: ബസ് യാത്രയ്ക്കിടെ മംഗലംഡാം സ്വദേശിനിയായ വീട്ടമ്മയുടെ ബാഗിൽ നിന്ന് രണ്ട് പവൻ സ്വർണ്ണമാല മോഷ്ടിച്ച കേസിൽ തമിഴ്നാട് സ്വദേശിനിയെ പാലക്കാട് ടൗൺ സൗത്ത് പോലീസ് അറസ്റ്റ് ചെയ്തു. സേലം സ്വദേശിനിയും മണികണ്ഠന്റെ ഭാര്യയുമായ ആറായി (40) ആണ് അറസ്റ്റിലായത്. കഴിഞ്ഞ മെയ് 19-നാണ് കേസിനാസ്പദമായ സംഭവം. മംഗലംഡാം സ്വദേശിനി ലീലയുടെ രണ്ട് പവൻ സ്വർണ്ണമാലയാണ് മോഷണം പോയത്. പാലക്കാട് ടൗൺ സൗത്ത് പോലീസ് സ്റ്റേഷൻ പരിധിയിലെ എസ്.ബി.ഐ ജംഗ്ഷനിൽ നിന്ന് ബസ് സ്റ്റാൻഡ് ഭാഗത്തേക്ക് ബസിൽ യാത്ര ചെയ്യുന്നതിനിടെയായിരുന്നു സംഭവം. ബസിലെ സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെക്കുറിച്ച് പോലീസിന് സൂചന ലഭിച്ചത്. തുടർന്ന് നടത്തിയ നിരീക്ഷണത്തിനിടെ ഓണത്തിരക്കിൽ ഗോവിന്ദാപുരത്ത് നിന്ന് തൃശ്ശൂരിലേക്ക് പോകുന്ന ബസിൽ പ്രതി യാത്ര ചെയ്യുന്നുണ്ടെന്ന വിവരം ലഭിച്ചു. വിവരം കൊല്ലങ്കോട് പോലീസിന് കൈമാറിയതിനെ തുടർന്ന് അവരുടെ സഹായത്തോടെ പാലക്കാട് ടൗൺ സൗത്ത് പോലീസ് പ്രതിയെ പിടികൂടുകയായിരുന്നു. തിരക്കേറിയ ബസ് റൂട്ടുകളിൽ യാത്ര ചെയ്ത് സ്ത്രീകളുടെ സൈഡ് ബാഗുകളിൽ നിന്ന് സ്വർണ്ണാഭരണങ്ങളും മറ്റ് വിലപിടിപ്പുള്ള വസ്തുക്കളും മോഷ്ടിക്കുന്നതാണ് പ്രതിയുടെ രീതിയെന്ന് പോലീസ് പറഞ്ഞു. ഒരു ദിവസം തന്നെ പലതവണ മോഷണം നടത്തിയ ശേഷം ഓട്ടോറിക്ഷകളിൽ കയറി രക്ഷപ്പെടുന്നതും ഇവരുടെ രീതിയാണെന്നാണ് പോലീസ് വ്യക്തമാക്കിയത്. സംഭവത്തിൽ കൂടുതൽ അന്വേഷണം തുടരുകയാണ്.

Risban Mohamed

ആലത്തൂർ, പാലക്കാട്, കേരളം•

2 hrs ago

ബസ് യാത്രയ്ക്കിടെ വീട്ടമ്മയുടെ സ്വർണ്ണമാല മോഷ്ടിച്ചു; തമിഴ്നാട് സ്വദേശിനി അറസ്റ്റിൽ പാലക്കാട്: ബസ് യാത്രയ്ക്കിടെ മംഗലംഡാം സ്വദേശിനിയായ വീട്ടമ്മയുടെ ബാഗിൽ നിന്ന് രണ്ട് പവൻ സ്വർണ്ണമാല മോഷ്ടിച്ച കേസിൽ തമിഴ്നാട് സ്വദേശിനിയെ പാലക്കാട് ടൗൺ സൗത്ത് പോലീസ് അറസ്റ്റ് ചെയ്തു. സേലം സ്വദേശിനിയും മണികണ്ഠന്റെ ഭാര്യയുമായ ആറായി (40) ആണ് അറസ്റ്റിലായത്. കഴിഞ്ഞ മെയ് 19-നാണ് കേസിനാസ്പദമായ സംഭവം. മംഗലംഡാം സ്വദേശിനി ലീലയുടെ രണ്ട് പവൻ സ്വർണ്ണമാലയാണ് മോഷണം പോയത്. പാലക്കാട് ടൗൺ സൗത്ത് പോലീസ് സ്റ്റേഷൻ പരിധിയിലെ എസ്.ബി.ഐ ജംഗ്ഷനിൽ നിന്ന് ബസ് സ്റ്റാൻഡ് ഭാഗത്തേക്ക് ബസിൽ യാത്ര ചെയ്യുന്നതിനിടെയായിരുന്നു സംഭവം. ബസിലെ സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെക്കുറിച്ച് പോലീസിന് സൂചന ലഭിച്ചത്. തുടർന്ന് നടത്തിയ നിരീക്ഷണത്തിനിടെ ഓണത്തിരക്കിൽ ഗോവിന്ദാപുരത്ത് നിന്ന് തൃശ്ശൂരിലേക്ക് പോകുന്ന ബസിൽ പ്രതി യാത്ര ചെയ്യുന്നുണ്ടെന്ന വിവരം ലഭിച്ചു. വിവരം കൊല്ലങ്കോട് പോലീസിന് കൈമാറിയതിനെ തുടർന്ന് അവരുടെ സഹായത്തോടെ പാലക്കാട് ടൗൺ സൗത്ത് പോലീസ് പ്രതിയെ പിടികൂടുകയായിരുന്നു. തിരക്കേറിയ ബസ് റൂട്ടുകളിൽ യാത്ര ചെയ്ത് സ്ത്രീകളുടെ സൈഡ് ബാഗുകളിൽ നിന്ന് സ്വർണ്ണാഭരണങ്ങളും മറ്റ് വിലപിടിപ്പുള്ള വസ്തുക്കളും മോഷ്ടിക്കുന്നതാണ് പ്രതിയുടെ രീതിയെന്ന് പോലീസ് പറഞ്ഞു. ഒരു ദിവസം തന്നെ പലതവണ മോഷണം നടത്തിയ ശേഷം ഓട്ടോറിക്ഷകളിൽ കയറി രക്ഷപ്പെടുന്നതും ഇവരുടെ രീതിയാണെന്നാണ് പോലീസ് വ്യക്തമാക്കിയത്. സംഭവത്തിൽ കൂടുതൽ അന്വേഷണം തുടരുകയാണ്.