వేటపాలెం మండలం దేశాయిపేట పంచాయతీ కప్పలదొడ్డి కాలనీలో భార్యను మొబైల్ ఫోన్ ఛార్జింగ్ కేబుల్‌తో గొంతు బిగించి హత్య చేసిన భర్తను పోలీసులు శనివారం అరెస్టు చేశారు. కొత్తపేటలోని డీఎస్పీ కార్యాలయంలో ఏర్పాటు చేసిన విలేకరుల సమావేశంలో డీఎస్పీ మోయిన్ ఈ వివరాలను వెల్లడించారు. పోలీసుల కథనం ప్రకారం, నిందితుడు షేక్ రఫీ (50), మృతురాలు అన్నపురెడ్డి వీరమ్మ అలియాస్ షేక్ ఆషా (39)లకు 13 సంవత్సరాల క్రితం కులాంతర వివాహం జరిగింది. రఫీ తరచూ మద్యం సేవించి ఇంటికి వచ్చి భార్య శీలాన్ని శంకిస్తూ వేధింపులకు గురిచేసేవాడు. ఇటీవల మృతురాలి మొదటి భర్త కుమార్తె ఇంటికి రావడంతో ఆమెను చదివించాలని భార్య కోరగా, పనికి పంపాలని భర్త పట్టుబట్టడంతో ఇద్దరి మధ్య తరచూ గొడవలు జరిగాయి. ఈ క్రమంలో రఫీ భార్య, పిల్లలపై దాడులు కూడా చేశాడు. ఈ నెల 10వ తేదీ తెల్లవారుజామున మరోసారి గొడవ జరగడంతో, తీవ్ర ఆగ్రహానికి గురైన షేక్ రఫీ ఇంట్లో ఉన్న మొబైల్ ఫోన్ ఛార్జింగ్ కేబుల్‌తో భార్య మెడకు బిగించి హత్య చేసి అక్కడి నుంచి పరారయ్యాడు. మృతురాలి కుమార్తె ఉమా వెంకటలక్ష్మి ఫిర్యాదు మేరకు వేటపాలెం పోలీసులు భారతీయ న్యాయ సంహిత (BNS) సెక్షన్లు 103(1), 85 కింద కేసు నమోదు చేసి దర్యాప్తు చేపట్టారు. శనివారం ఉదయం వేటపాలెంలోని రావూరు రైల్వే గేటు సమీపంలో ఉన్న కోళ్ల ఫారం వద్ద నిందితుడిని అరెస్టు చేశారు. అతని ఒప్పుకోలు మేరకు హత్యకు ఉపయోగించిన మొబైల్ ఛార్జింగ్ కేబుల్‌ను పోలీసులు స్వాధీనం చేసుకున్నారు. అనంతరం నిందితుడిని కోర్టులో హాజరుపరిచి రిమాండ్‌కు తరలించారు. ఈ సమావేశంలో రూరల్ సీఐ ఉప్పుటూరి సుధాకర్ రావు, వేటపాలెం ఎస్సై జనార్దన్ మరియు పోలీస్ సిబ్బంది పాల్గొన్నారు.

M.Vijay Kishore

Cherukupalle H/O Arumbaka, Bapatla•

22 hrs ago

వేటపాలెం మండలం దేశాయిపేట పంచాయతీ కప్పలదొడ్డి కాలనీలో భార్యను మొబైల్ ఫోన్ ఛార్జింగ్ కేబుల్‌తో గొంతు బిగించి హత్య చేసిన భర్తను పోలీసులు శనివారం అరెస్టు చేశారు. కొత్తపేటలోని డీఎస్పీ కార్యాలయంలో ఏర్పాటు చేసిన విలేకరుల సమావేశంలో డీఎస్పీ మోయిన్ ఈ వివరాలను వెల్లడించారు. పోలీసుల కథనం ప్రకారం, నిందితుడు షేక్ రఫీ (50), మృతురాలు అన్నపురెడ్డి వీరమ్మ అలియాస్ షేక్ ఆషా (39)లకు 13 సంవత్సరాల క్రితం కులాంతర వివాహం జరిగింది. రఫీ తరచూ మద్యం సేవించి ఇంటికి వచ్చి భార్య శీలాన్ని శంకిస్తూ వేధింపులకు గురిచేసేవాడు. ఇటీవల మృతురాలి మొదటి భర్త కుమార్తె ఇంటికి రావడంతో ఆమెను చదివించాలని భార్య కోరగా, పనికి పంపాలని భర్త పట్టుబట్టడంతో ఇద్దరి మధ్య తరచూ గొడవలు జరిగాయి. ఈ క్రమంలో రఫీ భార్య, పిల్లలపై దాడులు కూడా చేశాడు. ఈ నెల 10వ తేదీ తెల్లవారుజామున మరోసారి గొడవ జరగడంతో, తీవ్ర ఆగ్రహానికి గురైన షేక్ రఫీ ఇంట్లో ఉన్న మొబైల్ ఫోన్ ఛార్జింగ్ కేబుల్‌తో భార్య మెడకు బిగించి హత్య చేసి అక్కడి నుంచి పరారయ్యాడు. మృతురాలి కుమార్తె ఉమా వెంకటలక్ష్మి ఫిర్యాదు మేరకు వేటపాలెం పోలీసులు భారతీయ న్యాయ సంహిత (BNS) సెక్షన్లు 103(1), 85 కింద కేసు నమోదు చేసి దర్యాప్తు చేపట్టారు. శనివారం ఉదయం వేటపాలెంలోని రావూరు రైల్వే గేటు సమీపంలో ఉన్న కోళ్ల ఫారం వద్ద నిందితుడిని అరెస్టు చేశారు. అతని ఒప్పుకోలు మేరకు హత్యకు ఉపయోగించిన మొబైల్ ఛార్జింగ్ కేబుల్‌ను పోలీసులు స్వాధీనం చేసుకున్నారు. అనంతరం నిందితుడిని కోర్టులో హాజరుపరిచి రిమాండ్‌కు తరలించారు. ఈ సమావేశంలో రూరల్ సీఐ ఉప్పుటూరి సుధాకర్ రావు, వేటపాలెం ఎస్సై జనార్దన్ మరియు పోలీస్ సిబ్బంది పాల్గొన్నారు.