पुणे जिल्ह्यातील शिरूर तालुक्यातील पिंपळसुटी येथे शेतातील पाण्याची पाईपलाईन तोडल्याच्या कारणावरून झालेल्या वादातून एका कुटुंबाला मारहाण करण्यात आली आहे. ९ जुलै २०२६ रोजी दुपारी दोन वाजण्याच्या सुमारास घडलेल्या या घटनेप्रकरणी शिरूर पोलीस ठाण्यात गुन्हा दाखल करण्यात आला असून, कमल मच्छिंद्र भोसले यांनी यासंदर्भात फिर्याद दिली आहे. फिर्यादीनुसार, कमल भोसले आणि त्यांचा मुलगा अक्षय शेतात काम करत असताना शेजारील शेतजमीन असलेले काही लोक जेसीबी मशीन घेऊन तेथे आले. जेसीबीच्या साहाय्याने पाण्याची पाईपलाईन तोडल्याने वाद निर्माण झाला. पाईपलाईन तोडू नका असे सांगितल्याचा राग धरून कमल भोसले आणि अक्षय यांना लाकडी काठीने, हाताने व लाथाबुक्क्यांनी मारहाण करण्यात आली. तसेच, भांडण सोडविण्यासाठी आलेल्या शुभम आणि पुतळाबाई यांनाही मारहाण झाली असून, शुभमच्या उजव्या खांद्यावर चावा घेतल्याचा आरोपही फिर्यादीत करण्यात आला आहे. घटनेदरम्यान शिवीगाळ व दमदाटी करून जीवे मारण्याची धमकी देण्यात आली असून, अक्षय भोसले यात जखमी झाले आहेत. या प्रकरणी शिरूर पोलीस ठाण्यात गुरनं. ६३१/२०२६ नुसार सुधाकर दत्तात्रय मोरे, संग्राम सुधाकर मोरे, सुनिता सुधाकर मोरे आणि पंकाबाई संभाजी सोनवणे यांच्याविरुद्ध भारतीय न्याय संहितेच्या विविध कलमान्वये गुन्हा दाखल करण्यात आला आहे. पोलीस हवालदार गवळी या प्रकरणाचा पुढील तपास करत आहेत.

Nitin Aba Pawar

Media Consultant शिरूर, पुणे, महाराष्ट्र•

1 day ago

पुणे जिल्ह्यातील शिरूर तालुक्यातील पिंपळसुटी येथे शेतातील पाण्याची पाईपलाईन तोडल्याच्या कारणावरून झालेल्या वादातून एका कुटुंबाला मारहाण करण्यात आली आहे. ९ जुलै २०२६ रोजी दुपारी दोन वाजण्याच्या सुमारास घडलेल्या या घटनेप्रकरणी शिरूर पोलीस ठाण्यात गुन्हा दाखल करण्यात आला असून, कमल मच्छिंद्र भोसले यांनी यासंदर्भात फिर्याद दिली आहे. फिर्यादीनुसार, कमल भोसले आणि त्यांचा मुलगा अक्षय शेतात काम करत असताना शेजारील शेतजमीन असलेले काही लोक जेसीबी मशीन घेऊन तेथे आले. जेसीबीच्या साहाय्याने पाण्याची पाईपलाईन तोडल्याने वाद निर्माण झाला. पाईपलाईन तोडू नका असे सांगितल्याचा राग धरून कमल भोसले आणि अक्षय यांना लाकडी काठीने, हाताने व लाथाबुक्क्यांनी मारहाण करण्यात आली. तसेच, भांडण सोडविण्यासाठी आलेल्या शुभम आणि पुतळाबाई यांनाही मारहाण झाली असून, शुभमच्या उजव्या खांद्यावर चावा घेतल्याचा आरोपही फिर्यादीत करण्यात आला आहे. घटनेदरम्यान शिवीगाळ व दमदाटी करून जीवे मारण्याची धमकी देण्यात आली असून, अक्षय भोसले यात जखमी झाले आहेत. या प्रकरणी शिरूर पोलीस ठाण्यात गुरनं. ६३१/२०२६ नुसार सुधाकर दत्तात्रय मोरे, संग्राम सुधाकर मोरे, सुनिता सुधाकर मोरे आणि पंकाबाई संभाजी सोनवणे यांच्याविरुद्ध भारतीय न्याय संहितेच्या विविध कलमान्वये गुन्हा दाखल करण्यात आला आहे. पोलीस हवालदार गवळी या प्रकरणाचा पुढील तपास करत आहेत.