Shuru
Apke Nagar Ki App…
દાહોદ તાલુકાના જેકોટ રેલ્વે સ્ટેશન નજીક પસાર થઈ રહેલી ટ્રેનના એન્જિનમાંથી અચાનક ભારે ધુમાડો નીકળતા વિસ્તારમાં અફરાતફરી અને ભયનો માહોલ સર્જાયો હતો. એન્જિનમાં આગ લાગવાની ઘટનાને પગલે સ્થળ પર દોડધામ મચી ગઈ હતી. ઘટનાની જાણ થતાં જ દાહોદ નગરપાલિકાની ફાયર વિભાગની ટીમ તાત્કાલિક ઘટનાસ્થળે પહોંચી હતી. ફાયર ફાઈટરના જવાનોએ યુદ્ધના ધોરણે કામગીરી હાથ ધરીને એન્જિનમાં લાગેલી આગ અને ધુમાડા પર ટૂંક સમયમાં જ કાબુ મેળવી લીધો હતો. ફાયર ટીમની સમયસૂચકતાને કારણે આગ વધુ ફેલાતી અટકી હતી અને એક મોટી રેલ દુર્ઘટના ટળી ગઈ હતી. આ ઘટનામાં કોઈ મોટી જાનહાનિ કે આર્થિક નુકસાન થયું નથી, જેના કારણે રેલ્વે પ્રશાસન અને સ્થાનિક લોકોએ રાહતનો શ્વાસ લીધો છે. પ્રાથમિક માહિતી મુજબ, શોર્ટ સર્કિટના કારણે એન્જિનમાંથી ધુમાડો નીકળ્યો હોવાનું અનુમાન લગાવવામાં આવી રહ્યું છે.
Bullet 26 Gujarat News
દાહોદ તાલુકાના જેકોટ રેલ્વે સ્ટેશન નજીક પસાર થઈ રહેલી ટ્રેનના એન્જિનમાંથી અચાનક ભારે ધુમાડો નીકળતા વિસ્તારમાં અફરાતફરી અને ભયનો માહોલ સર્જાયો હતો. એન્જિનમાં આગ લાગવાની ઘટનાને પગલે સ્થળ પર દોડધામ મચી ગઈ હતી. ઘટનાની જાણ થતાં જ દાહોદ નગરપાલિકાની ફાયર વિભાગની ટીમ તાત્કાલિક ઘટનાસ્થળે પહોંચી હતી. ફાયર ફાઈટરના જવાનોએ યુદ્ધના ધોરણે કામગીરી હાથ ધરીને એન્જિનમાં લાગેલી આગ અને ધુમાડા પર ટૂંક સમયમાં જ કાબુ મેળવી લીધો હતો. ફાયર ટીમની સમયસૂચકતાને કારણે આગ વધુ ફેલાતી અટકી હતી અને એક મોટી રેલ દુર્ઘટના ટળી ગઈ હતી. આ ઘટનામાં કોઈ મોટી જાનહાનિ કે આર્થિક નુકસાન થયું નથી, જેના કારણે રેલ્વે પ્રશાસન અને સ્થાનિક લોકોએ રાહતનો શ્વાસ લીધો છે. પ્રાથમિક માહિતી મુજબ, શોર્ટ સર્કિટના કારણે એન્જિનમાંથી ધુમાડો નીકળ્યો હોવાનું અનુમાન લગાવવામાં આવી રહ્યું છે.
More news from Surat and nearby areas
- સુરત શહેરમાં તાજેતરમાં પડેલા ભારે વરસાદ અને તેનાથી પ્રભાવિત લોકોની પીડાને શબ્દો તેમજ સંગીતના માધ્યમથી રજૂ કરવાનો પ્રયાસ કરવામાં આવ્યો છે. શહેરના વરિષ્ઠ તબીબ ડૉ. નિર્મલ વાણિયાવાલા દ્વારા લખાયેલા એક પ્રેરણાદાયી ગીતને પારસ મ્યુઝિક સ્ટુડિયોમાં સંગીતબદ્ધ અને મિક્સ કરવામાં આવ્યું છે. ત્યારબાદ, આ ગીતને વરસાદ સાથે જોડાયેલા દ્રશ્યો સાથે તૈયાર કરીને લોકો વચ્ચે જાહેર કરવામાં આવ્યું છે. પારસ મ્યુઝિક સ્ટુડિયોમાં તૈયાર થયેલું આ ગીત લોકોની લાગણીઓનો અવાજ બન્યું છે અને તેના દ્વારા સેવાનો સંદેશ આપવામાં આવ્યો છે.1Amarjeet Nishad
- સુરત શહેરમાં અખિલ ભારતીય કોંગ્રેસ કમિટી (AICC) દ્વારા યોજાયેલી પત્રકાર પરિષદમાં કોંગ્રેસના રાષ્ટ્રીય સચિવ અભિષેક દત્તે રામ મંદિર નિર્માણ માટે એકત્ર કરાયેલા ચંદા અને ચઢાવામાં થયેલી કથિત ગેરરીતિઓનો મુદ્દો ઉઠાવ્યો છે. મીડિયાને સંબોધતા તેમણે કેન્દ્ર સરકાર અને શ્રી રામ જન્મભૂમિ તીર્થ ક્ષેત્ર ટ્રસ્ટ પર અનેક સવાલો ઉભા કર્યા છે અને સમગ્ર મામલાની સુપ્રીમ કોર્ટની દેખરેખ હેઠળ સ્વતંત્ર તપાસ કરાવવાની માંગ કરી છે. અભિષેક દત્તે જણાવ્યું કે કરોડો શ્રદ્ધાળુઓની આસ્થા સાથે જોડાયેલા આ મામલામાં સંપૂર્ણ પારદર્શિતા સાથે સત્ય સામે આવવું જોઈએ. તેમણે પ્રહાર કરતા કહ્યું કે જો ટ્રસ્ટની કામગીરીમાં કોઈ ગેરરીતિ થઈ નથી, તો સ્વતંત્ર તપાસથી ડરવાની કોઈ જરૂર નથી. ટ્રસ્ટના કેટલાક હોદ્દેદારોના રાજીનામાનો ઉલ્લેખ કરીને તેમણે ગંભીર સવાલો ઉઠાવ્યા હતા અને વડાપ્રધાન નરેન્દ્ર મોદી પાસે સમગ્ર મામલે જવાબ આપવાની માંગ કરી છે. આ સાથે જ તેમણે રામ મંદિર માટે મળેલા ચંદા, ચઢાવા, જમીનની ખરીદી, નિર્માણ કાર્ય અને અન્ય ખર્ચાઓનું સ્વતંત્ર ફોરેન્સિક ઓડિટ કરાવવાની માંગ પણ કરી છે. કોંગ્રેસે દોષિતો સામે નિષ્પક્ષ કાર્યવાહી કરવા અને જરૂર પડ્યે ટ્રસ્ટની પુનઃરચના કરવાની હિમાયત કરી છે, કારણ કે ભગવાન શ્રીરામ કરોડો દેશવાસીઓની આસ્થાના પ્રતીક હોવાથી આ દાનના ઉપયોગમાં સંપૂર્ણ પારદર્શિતા અને જવાબદારી સુનિશ્ચિત થવી જોઈએ. આ પત્રકાર પરિષદમાં સુરત શહેર કોંગ્રેસ પ્રમુખ વિપુલ ઉધનાવાલા, પ્રદેશ પ્રવક્તા નૈષધ દેસાઈ, સંગઠન મહામંત્રી રોહિત સાવલિયા, પાર્ષદ અરશદ જરીવાલા અને સેવાદળ પ્રમુખ સંતોષ પાટીલ સહિત કોંગ્રેસના અનેક હોદ્દેદારો હાજર રહ્યા હતા.1PREM KUMAR
- સુરતના લિંબાયત મીઠી ખાડી વિસ્તારમાં ખાડી પૂરના પાણી ઉતર્યા પછી પણ ગંદકીના ડગલા જોવા મળી રહ્યા છે. આ ગંભીર પરિસ્થિતિમાં સાફ સફાઈની કામગીરીને લઈને SMC તંત્રની આંખ બંધ છે. ગંદકીના કારણે વિસ્તારમાં રોગચાળો ફેલાવવાની બીક સેવાઈ રહી છે, જેના લીધે સ્થાનિક લોકો તંત્ર સામે લાચાર બની ગયા છે. આટલી ગંભીર સ્થિતિ હોવા છતાં પણ મુલાકાત લેવા માટે SMCના ઉચ્ચ અધિકારીઓ સ્થળ પર હાજર નથી.1S A NEWS SACH KI AAWAZ
- અમદાવાદ પોલીસે એક બાળકી સાથે દુષ્કર્મ આચરનાર વૃદ્ધની ધરપકડ કરી લીધી છે. આ ગંભીર મામલામાં આરોપી સામે પોક્સો (POSCO) એક્ટ હેઠળ કાયદેસરની કાર્યવાહી પણ શરૂ કરી દેવામાં આવી છે.1Rafiuddin Jalaluddin
