पूर्णा येथे धावत्या रेल्वेच्या धडकेत शेतकऱ्याचा दुर्दैवी मृत्यू पूर्णा (प्रतिनिधी) – तालुक्यातील गौर शिवारात पूर्णा–नांदेड रेल्वेमार्गावर शनिवारी धावत्या रेल्वेची धडक लागून एका ३५ वर्षीय शेतकऱ्याचा जागीच दुर्दैवी मृत्यू झाल्याची घटना घडली. या प्रकरणी चुडावा पोलीस ठाण्यात आकस्मिक मृत्यूची नोंद करण्यात आली आहे. मृत शेतकऱ्याचे नाव कैलास चिंतामणी जोगदंड (वय ३५, रा. गौर, ता. पूर्णा) असे आहे. मिळालेल्या माहितीनुसार, जोगदंड हे शनिवारी सकाळी घरातून पूर्णा येथे जाण्यासाठी निघाले होते. त्याआधी ते रेल्वेमार्गालगत असलेल्या आपल्या शेतात गेले होते. दुपारच्या सुमारास गौर शिवारातील पूर्णा ते चुडावा दरम्यानच्या रेल्वेमार्गावरून जात असताना त्यांना धावत्या रेल्वेची धडक लागली. या भीषण अपघातात त्यांचा जागीच मृत्यू झाला. घटनेची माहिती संबंधित रेल्वे चालकाने चुडावा स्टेशन मास्टरमार्फत पोलिसांना दिली. माहिती मिळताच चुडावा पोलिसांनी तात्काळ घटनास्थळी धाव घेत पंचनामा केला. या कारवाईत सहायक पोलीस निरीक्षक सुशांत किनगे, फौजदार नारमोड यांच्यासह पोलीस कर्मचाऱ्यांचा सहभाग होता. मृतदेह शवविच्छेदनासाठी पाठवून नंतर नातेवाईकांच्या ताब्यात देण्यात आला आहे. अपघात अत्यंत भीषण स्वरूपाचा असून धडकेत मृताच्या डोक्याचे गंभीर नुकसान झाले आहे. तसेच शरीराचे काही अवयव वेगळे झाल्याची माहिती समोर आली आहे. या घटनेचा पुढील तपास बिट जमादार राठोड करीत आहेत. मृताच्या पश्चात आई, भाऊ, पत्नी, एक मुलगा व एक मुलगी असा परिवार आहे. या दुर्दैवी घटनेमुळे गौर गावावर शोककळा पसरली आहे.

Kapil Ashokrao Shinde

मानवत, परभणी, महाराष्ट्र•

9 hrs ago

पूर्णा येथे धावत्या रेल्वेच्या धडकेत शेतकऱ्याचा दुर्दैवी मृत्यू पूर्णा (प्रतिनिधी) – तालुक्यातील गौर शिवारात पूर्णा–नांदेड रेल्वेमार्गावर शनिवारी धावत्या रेल्वेची धडक लागून एका ३५ वर्षीय शेतकऱ्याचा जागीच दुर्दैवी मृत्यू झाल्याची घटना घडली. या प्रकरणी चुडावा पोलीस ठाण्यात आकस्मिक मृत्यूची नोंद करण्यात आली आहे. मृत शेतकऱ्याचे नाव कैलास चिंतामणी जोगदंड (वय ३५, रा. गौर, ता. पूर्णा) असे आहे. मिळालेल्या माहितीनुसार, जोगदंड हे शनिवारी सकाळी घरातून पूर्णा येथे जाण्यासाठी निघाले होते. त्याआधी ते रेल्वेमार्गालगत असलेल्या आपल्या शेतात गेले होते. दुपारच्या सुमारास गौर शिवारातील पूर्णा ते चुडावा दरम्यानच्या रेल्वेमार्गावरून जात असताना त्यांना धावत्या रेल्वेची धडक लागली. या भीषण अपघातात त्यांचा जागीच मृत्यू झाला. घटनेची माहिती संबंधित रेल्वे चालकाने चुडावा स्टेशन मास्टरमार्फत पोलिसांना दिली. माहिती मिळताच चुडावा पोलिसांनी तात्काळ घटनास्थळी धाव घेत पंचनामा केला. या कारवाईत सहायक पोलीस निरीक्षक सुशांत किनगे, फौजदार नारमोड यांच्यासह पोलीस कर्मचाऱ्यांचा सहभाग होता. मृतदेह शवविच्छेदनासाठी पाठवून नंतर नातेवाईकांच्या ताब्यात देण्यात आला आहे. अपघात अत्यंत भीषण स्वरूपाचा असून धडकेत मृताच्या डोक्याचे गंभीर नुकसान झाले आहे. तसेच शरीराचे काही अवयव वेगळे झाल्याची माहिती समोर आली आहे. या घटनेचा पुढील तपास बिट जमादार राठोड करीत आहेत. मृताच्या पश्चात आई, भाऊ, पत्नी, एक मुलगा व एक मुलगी असा परिवार आहे. या दुर्दैवी घटनेमुळे गौर गावावर शोककळा पसरली आहे.