తన జన్మభూమి అభివృద్ధికి నిరంతరం కృషి చేస్తా: ఎమ్మెల్యే వేముల ప్రశాంత్ రెడ్డి ​తనకు జన్మనిచ్చిన నిజామాబాద్ జిల్లా బాల్కొండ నియోజకవర్గం వేల్పూర్ మండలం వేల్పూరు గ్రామ అభివృద్ధికి శ్వాస ఉన్నంత వరకు కృషి చేస్తానని మాజీ మంత్రి, బాల్కొండ ఎమ్మెల్యే వేముల ప్రశాంత్ రెడ్డి స్పష్టం చేశారు. ఆదివారం మండల కేంద్రంలోని మినీ స్టేడియంలో నూతనంగా ఏర్పాటు చేసిన హైమాక్స్ లైట్లు, మినీ వాటర్ ట్యాంక్, ముస్లిం స్మశాన వాటిక ప్రహరీ గోడను ఆయన ప్రారంభించారు. ​ఈ సందర్భంగా ఏర్పాటు చేసిన సమావేశంలో ఎమ్మెల్యే మాట్లాడుతూ ... అధికారంలో ఉన్న సమయంలో గ్రామంలో కోట్ల రూపాయల వ్యయంతో అనేక అభివృద్ధి పనులను పూర్తి చేశామని గుర్తు చేశారు. పదవిలో ఉన్నా లేకున్నా, వేల్పూర్ ప్రగతికి తనవంతు సహకారం ఎల్లప్పుడూ ఉంటుందని హామీ ఇచ్చారు. గ్రామంలో ఇంకా ఏవైనా సమస్యలు ఉంటే నేరుగా తన దృష్టికి తీసుకురావాలని, వాటిని తక్షణమే పరిష్కరించేందుకు చొరవ చూపుతానని గ్రామస్తులకు భరోసా ఇచ్చారు. అభివృద్ధి కార్యక్రమాల ప్రారంభోత్సవానికి విచ్చేసిన ఎమ్మెల్యేకు గ్రామ ప్రజలు, పార్టీ శ్రేణులు ఘన స్వాగతం పలికారు. ఈ కార్యక్రమంలో స్థానిక ప్రజాప్రతినిధులు ముఖ్య నేతలు పాల్గొన్నారు. ఈ కార్యక్రమంలో గ్రామ సర్పంచ్ మొండి అశోక్, ఉప సర్పంచ్ సాకలి బాలయ్య, గ్రామ కమిటీ అధ్యక్షుడు రమేష్, మండల కన్వీనర్ నాగధర్, నాయకులు రేగుల రాములు, బొబ్బురు ప్రతాప్, సుంకరి రాము, దుల్ల రాజేశ్వర్, గంగారెడ్డి, గ్రామ కార్యదర్శి వినోద్ మరియు పెద్ద సంఖ్యలో క్రీడాకారులు, గ్రామస్తులు పాల్గొన్నారు.

MOHAMMAD SHAIK HUSSAIN

బాల్కొండ, నిజామాబాద్, తెలంగాణ•

18 hrs ago

తన జన్మభూమి అభివృద్ధికి నిరంతరం కృషి చేస్తా: ఎమ్మెల్యే వేముల ప్రశాంత్ రెడ్డి ​తనకు జన్మనిచ్చిన నిజామాబాద్ జిల్లా బాల్కొండ నియోజకవర్గం వేల్పూర్ మండలం వేల్పూరు గ్రామ అభివృద్ధికి శ్వాస ఉన్నంత వరకు కృషి చేస్తానని మాజీ మంత్రి, బాల్కొండ ఎమ్మెల్యే వేముల ప్రశాంత్ రెడ్డి స్పష్టం చేశారు. ఆదివారం మండల కేంద్రంలోని మినీ స్టేడియంలో నూతనంగా ఏర్పాటు చేసిన హైమాక్స్ లైట్లు, మినీ వాటర్ ట్యాంక్, ముస్లిం స్మశాన వాటిక ప్రహరీ గోడను ఆయన ప్రారంభించారు. ​ఈ సందర్భంగా ఏర్పాటు చేసిన సమావేశంలో ఎమ్మెల్యే మాట్లాడుతూ ... అధికారంలో ఉన్న సమయంలో గ్రామంలో కోట్ల రూపాయల వ్యయంతో అనేక అభివృద్ధి పనులను పూర్తి చేశామని గుర్తు చేశారు. పదవిలో ఉన్నా లేకున్నా, వేల్పూర్ ప్రగతికి తనవంతు సహకారం ఎల్లప్పుడూ ఉంటుందని హామీ ఇచ్చారు. గ్రామంలో ఇంకా ఏవైనా సమస్యలు ఉంటే నేరుగా తన దృష్టికి తీసుకురావాలని, వాటిని తక్షణమే పరిష్కరించేందుకు చొరవ చూపుతానని గ్రామస్తులకు భరోసా ఇచ్చారు. అభివృద్ధి కార్యక్రమాల ప్రారంభోత్సవానికి విచ్చేసిన ఎమ్మెల్యేకు గ్రామ ప్రజలు, పార్టీ శ్రేణులు ఘన స్వాగతం పలికారు. ఈ కార్యక్రమంలో స్థానిక ప్రజాప్రతినిధులు ముఖ్య నేతలు పాల్గొన్నారు. ఈ కార్యక్రమంలో గ్రామ సర్పంచ్ మొండి అశోక్, ఉప సర్పంచ్ సాకలి బాలయ్య, గ్రామ కమిటీ అధ్యక్షుడు రమేష్, మండల కన్వీనర్ నాగధర్, నాయకులు రేగుల రాములు, బొబ్బురు ప్రతాప్, సుంకరి రాము, దుల్ల రాజేశ్వర్, గంగారెడ్డి, గ్రామ కార్యదర్శి వినోద్ మరియు పెద్ద సంఖ్యలో క్రీడాకారులు, గ్రామస్తులు పాల్గొన్నారు.