मुख्यमंत्री देवेंद्र फडणवीस यांच्या वाढदिवसाचे औचित्य साधून तसेच स्वर्गीय अजितदादा यांच्या जयंतीनिमित्त जळगाव जामोद विधानसभा मतदारसंघातील संग्रामपूर तालुक्यातील वानखेड फाटा (शिवसृष्टी) येथे २२ जुलै रोजी 'छत्रपती शिवाजी महाराज महसूल अभियान' उत्साहात पार पडले. आमदार डॉ. संजय कुटे यांच्या प्रमुख उपस्थितीत आयोजित या महाशिबिराला परिसरातील नागरिकांनी मोठ्या संख्येने उपस्थित राहून उत्स्फूर्त प्रतिसाद दिला. यावेळी आमदार डॉ. संजय कुटे यांनी नागरिकांच्या समस्या जाणून घेत संबंधित अधिकाऱ्यांना नागरिकांची कामे शक्यतो पहिल्याच भेटीत पूर्ण करण्याचे निर्देश दिले. शासनाच्या लोककल्याणकारी योजना प्रत्येक पात्र लाभार्थ्यापर्यंत प्रभावीपणे पोहोचण्यासाठी प्रशासनाने अशा उपक्रमांचे सातत्याने आयोजन करावे आणि नागरिकांनीही योजनांचा लाभ घेण्यासाठी पुढाकार घ्यावा, असे आवाहन त्यांनी केले. या महाशिबिरात तहसील कार्यालयामार्फत महसुली सेवा, पंचायत समितीमार्फत ग्रामविकास योजनांची माहिती, तर बँक विभागामार्फत खाते उघडणे, कर्ज आणि आधार लिंकिंगच्या सुविधा देण्यात आल्या. याशिवाय महिला बचत गटांसाठी नोंदणी, कर्ज व मार्गदर्शनासह कृषी, आरोग्य, आधार आणि इतर विभागांकडून विविध शासकीय सेवांचा लाभ नागरिकांना उपलब्ध करून देण्यात आला. कार्यक्रमादरम्यान तहसील, पंचायत समिती आणि महिला बचत गटांच्या विविध योजनांतील लाभार्थ्यांना धनादेश व विविध योजनांच्या लाभांचे वाटप करण्यात आले. विविध योजना प्रभावीपणे राबविणाऱ्या अधिकाऱ्यांचे आमदार डॉ. संजय कुटे यांनी कौतुक करून अभिनंदन केले. एकाच ठिकाणी अनेक शासकीय सेवा उपलब्ध झाल्यामुळे नागरिकांना विविध कार्यालयांच्या वारंवार फेऱ्या माराव्या लागल्या नाहीत, ज्यामुळे नागरिकांनी समाधान व्यक्त करत या उपक्रमाचे स्वागत केले. या प्रसंगी महसूल विभागाचे उपविभागीय अधिकारी शैलेश काळे, परिविक्षाधीन उपजिल्हाअधिकारी वैभव गायकवाड, संग्रामपूर तहसीलदार प्रशांत पाटील, जळगाव जामोद तहसीलदार पवन पाटील, गटविकास अधिकारी माधव पायघन यांच्यासह विविध शासकीय विभागांचे अधिकारी, कर्मचारी, स्थानिक लोकप्रतिनिधी, राजकीय पदाधिकारी व नागरिक मोठ्या संख्येने उपस्थित होते.

अनिल भगत पत्रकार

जळगाव (जामोद), बुलढाणा, महाराष्ट्र•

14 hrs ago

मुख्यमंत्री देवेंद्र फडणवीस यांच्या वाढदिवसाचे औचित्य साधून तसेच स्वर्गीय अजितदादा यांच्या जयंतीनिमित्त जळगाव जामोद विधानसभा मतदारसंघातील संग्रामपूर तालुक्यातील वानखेड फाटा (शिवसृष्टी) येथे २२ जुलै रोजी 'छत्रपती शिवाजी महाराज महसूल अभियान' उत्साहात पार पडले. आमदार डॉ. संजय कुटे यांच्या प्रमुख उपस्थितीत आयोजित या महाशिबिराला परिसरातील नागरिकांनी मोठ्या संख्येने उपस्थित राहून उत्स्फूर्त प्रतिसाद दिला. यावेळी आमदार डॉ. संजय कुटे यांनी नागरिकांच्या समस्या जाणून घेत संबंधित अधिकाऱ्यांना नागरिकांची कामे शक्यतो पहिल्याच भेटीत पूर्ण करण्याचे निर्देश दिले. शासनाच्या लोककल्याणकारी योजना प्रत्येक पात्र लाभार्थ्यापर्यंत प्रभावीपणे पोहोचण्यासाठी प्रशासनाने अशा उपक्रमांचे सातत्याने आयोजन करावे आणि नागरिकांनीही योजनांचा लाभ घेण्यासाठी पुढाकार घ्यावा, असे आवाहन त्यांनी केले. या महाशिबिरात तहसील कार्यालयामार्फत महसुली सेवा, पंचायत समितीमार्फत ग्रामविकास योजनांची माहिती, तर बँक विभागामार्फत खाते उघडणे, कर्ज आणि आधार लिंकिंगच्या सुविधा देण्यात आल्या. याशिवाय महिला बचत गटांसाठी नोंदणी, कर्ज व मार्गदर्शनासह कृषी, आरोग्य, आधार आणि इतर विभागांकडून विविध शासकीय सेवांचा लाभ नागरिकांना उपलब्ध करून देण्यात आला. कार्यक्रमादरम्यान तहसील, पंचायत समिती आणि महिला बचत गटांच्या विविध योजनांतील लाभार्थ्यांना धनादेश व विविध योजनांच्या लाभांचे वाटप करण्यात आले. विविध योजना प्रभावीपणे राबविणाऱ्या अधिकाऱ्यांचे आमदार डॉ. संजय कुटे यांनी कौतुक करून अभिनंदन केले. एकाच ठिकाणी अनेक शासकीय सेवा उपलब्ध झाल्यामुळे नागरिकांना विविध कार्यालयांच्या वारंवार फेऱ्या माराव्या लागल्या नाहीत, ज्यामुळे नागरिकांनी समाधान व्यक्त करत या उपक्रमाचे स्वागत केले. या प्रसंगी महसूल विभागाचे उपविभागीय अधिकारी शैलेश काळे, परिविक्षाधीन उपजिल्हाअधिकारी वैभव गायकवाड, संग्रामपूर तहसीलदार प्रशांत पाटील, जळगाव जामोद तहसीलदार पवन पाटील, गटविकास अधिकारी माधव पायघन यांच्यासह विविध शासकीय विभागांचे अधिकारी, कर्मचारी, स्थानिक लोकप्रतिनिधी, राजकीय पदाधिकारी व नागरिक मोठ्या संख्येने उपस्थित होते.