ବିଦେଶ ରେ ଚାକିରୀ କରୁଥିବା ଯୁବକଙ୍କ ଓଡ଼ିଶା ପ୍ରିତୀ। ଓଡ଼ିଶା ଆସି କଲେ କୁକୁଡ଼ା ଚାଷ। ଫୁଲବାଣୀ -୧୬/ ୦୯ ( କୃତିଦିପନ୍ ଭୋଇ) ବିଦେଶରେ ମାସିକ ପ୍ରାୟ ଲକ୍ଷେ ଟଙ୍କାର ଚାକିରି । ହେଲେ ମନ ବାନ୍ଧି ହୋଇ ରହିପାରିଲାନି ବିଦେଶ ମାଟିରେ । ନିଜ ଜନ୍ମମାଟି, ବାପା-ମାଆ ଓ ପରିବାରର ସ୍ନେହ ତାଙ୍କୁ ଫେରାଇ ଆଣିଲା ଗାଁକୁ । ଆଉ ଗାଁକୁ ଫେରି ଆରମ୍ଭ କଲେ ନିଜର ବ୍ୟବସାୟ । ପ୍ରଥମେ ଛତୁ ଚାଷରେ ବିଫଳ ହେଲେ, କିନ୍ତୁ ହାର ମାନିଲେନି । ଶେଷରେ କୁକୁଡ଼ା ଚାଷକୁ ଆପଣାଇ ସଫଳତାର ନୂଆ ରାସ୍ତା ଖୋଜିଛନ୍ତି କନ୍ଧମାଳ ଖଜୁରିପଡ଼ା ବ୍ଲକ ସୁଡୁକୁମ୍ପା ପଞ୍ଚାୟତ ବାଡ଼ିଗୁଡ଼ା ଗାଁର ସୂରଜ କୁମାର କହଁର । ଫୁଲବାଣୀ କଲେଜରୁ +୨ ପାଠପଢ଼ା ପରେ ୨୦୧୩ରେ ବଲାଙ୍ଗୀରରେ ହୋଟେଲ ମ୍ୟାନେଜମେଣ୍ଟ ଶିକ୍ଷା ଗ୍ରହଣ କରିଥିଲେ ସୂରଜ । ପରେ ଆଇଟିଡିଏ ପକ୍ଷରୁ କଲକାତାରେ ୬ ମାସିଆ ହଷ୍ଟେଲ ମ୍ୟାନେଜମେଣ୍ଟ ପ୍ରଶିକ୍ଷଣ ନେଇ ବିଭିନ୍ନ ପ୍ରତିଷ୍ଠିତ ହୋଟେଲରେ କାମ କରିଥିଲେ । ଦକ୍ଷତା ଓ ଅଭିଜ୍ଞତା ବଳରେ ୨୦୧୯ରେ କାତାର ଯିବାର ସୁଯୋଗ ପାଇଥିଲେ । ସେଠାରେ ଏକ ହୋଟେଲରେ ସୁପରଭାଇଜର ଭାବେ କାମ କରି ମାସକୁ ପ୍ରାୟ ୧ ଲକ୍ଷ ଟଙ୍କା ଦରମା ପାଉଥିଲେ । ତେବେ ଅର୍ଥ ରୋଜଗାର ଅପେକ୍ଷା ନିଜ ଭିଟାମାଟି ଓ ପରିବାରର ଭଲପାଇବାକୁ ଅଧିକ ଗୁରୁତ୍ୱ ଦେଇ ୨୦୨୪ ଡିସେମ୍ବରରେ ବିଦେଶ ଚାକିରି ଛାଡ଼ି ଗାଁକୁ ଫେରି ଆସିଥିଲେ ସୂରଜ । ଗାଁକୁ ଫେରିବା ପରେ ନିଜେ ସ୍ୱାବଲମ୍ବୀ ହେବା ସହ ଅନ୍ୟମାନଙ୍କୁ ରୋଜଗାର ଦେବାର ଲକ୍ଷ୍ୟ ରଖିଥିଲେ । ନିଜସ୍ୱ ପୁଞ୍ଜିରେ ପ୍ରଥମେ ଛତୁ ଚାଷ ଆରମ୍ଭ କରିଥିଲେ । ହେଲେ ସେଥିରେ ସଫଳତା ମିଳିଲାନି । କିନ୍ତୁ ବିଫଳତାରେ ଭାଙ୍ଗି ନପଡ଼ି ନୂଆ ଆଶା ନେଇ ଆରମ୍ଭ କଲେ କୁକୁଡ଼ା ଚାଷ । ନିଜ ପୁଞ୍ଜି ବିନିଯୋଗ କରି ନିର୍ମାଣ କଲେ କୁକୁଡ଼ା ଫାର୍ମ । ଗାଉଳି ଦେଶୀ ଓ ସୋନାଲି ପ୍ରଜାତିର କୁକୁଡ଼ା ପାଳନ କରି ଧୀରେ ଧୀରେ ସଫଳତା ହାସଲ କରିଥିଲେ । ସୂରଜଙ୍କ ଏହି ସଫଳତାକୁ ଦେଖି ତାଙ୍କୁ ମୁଖ୍ୟମନ୍ତ୍ରୀ ଜନଜାତି ଜୀବିକା ମିଶନରେ ସାମିଲ କରାଯାଇଛି । ଡିପ୍ ଲିଟର ପଦ୍ଧତିରେ ୨ ହଜାର କ୍ଷମତା ବିଶିଷ୍ଟ ବ୍ରଏଲର କୁକୁଡ଼ା ପାଳନ ପାଇଁ ଖଜୁରିପଡ଼ା ପ୍ରାଣୀ ସମ୍ପଦ ବିଭାଗ ପକ୍ଷରୁ ୪ ଲକ୍ଷ ୩୨ ହଜାର ଟଙ୍କା ଏବଂ ଫୁଲବାଣୀ ଆଇଟିଡିଏ ପକ୍ଷରୁ ୫୦ ହଜାର ଟଙ୍କାର ଅନୁମୋଦନ ରାଶି ମିଳିଛି । ଏଥିସହ ନିଜସ୍ୱ ପ୍ରତିପୋଷଣ ଆକାରରେ ୨ ଲକ୍ଷ ୩୮ ହଜାର ଟଙ୍କା ବିନିଯୋଗ କରିବାକୁ ପରାମର୍ଶ ଦିଆଯାଇଛି । ଫଳରେ ମୋଟ ୭ ଲକ୍ଷ ୨୦ ହଜାର ଟଙ୍କାର ପ୍ରକଳ୍ପ ମାଧ୍ୟମରେ ସୂରଜଙ୍କ କୁକୁଡ଼ା ଚାଷକୁ ମିଳିଛି ନୂଆ ଦିଗ । ବର୍ତ୍ତମାନ ୫ ଟଙ୍କା ଦରରେ କୁକୁଡ଼ା ଛୁଆ କିଣି ୨ ହଜାର କୁକୁଡ଼ା ପାଳନ କରୁଛନ୍ତି ସୂରଜ । ପ୍ରାୟ ୪୫ ଦିନ ପାଳନ ପରେ ଏଗୁଡ଼ିକୁ ବଜାରରେ ବିକ୍ରି କରିବାକୁ ଯୋଜନା ରହିଛି । ଆଗାମୀ ଦିନରେ ୧୦ ହଜାର କ୍ଷମତା ବିଶିଷ୍ଟ ବଡ଼ କୁକୁଡ଼ା ଫାର୍ମ ନିର୍ମାଣ କରି ସ୍ଥାନୀୟ ଯୁବକ-ଯୁବତୀଙ୍କୁ ରୋଜଗାର ଯୋଗାଇବା ତାଙ୍କର ଲକ୍ଷ୍ୟ । ବିଦେଶର ଚାକିରି ଛାଡ଼ି ଗାଁକୁ ଫେରିବା ସୂରଜଙ୍କ ନିଷ୍ପତ୍ତି ହୁଏତ ଅନେକଙ୍କୁ ଆଶ୍ଚର୍ଯ୍ୟ କରିପାରେ । ହେଲେ ନିଜ ମାଟିରେ ପରିଶ୍ରମ କରି ସଫଳ ହେବାର ତାଙ୍କ ପ୍ରୟାସ ଆଜି ଅନେକ ଯୁବକ-ଯୁବତୀଙ୍କ ପାଇଁ ଏକ ଉଦାହରଣ । ବିଦେଶରେ ଚାକିରି ପରିବର୍ତ୍ତେ ନିଜ ଅଞ୍ଚଳରେ ରହି ରୋଜଗାର ସୃଷ୍ଟି କରିବାର ସ୍ୱପ୍ନ ଦେଖୁଥିବା ଯୁବପିଢ଼ିଙ୍କ ପାଇଁ ସୂରଜଙ୍କ କାହାଣୀ ନିଶ୍ଚିତ ଭାବେ ପ୍ରେରଣାଦାୟୀ ।

Krutidipan Bhoi

Phulabani, Kandhamal•

1 day ago

ବିଦେଶ ରେ ଚାକିରୀ କରୁଥିବା ଯୁବକଙ୍କ ଓଡ଼ିଶା ପ୍ରିତୀ। ଓଡ଼ିଶା ଆସି କଲେ କୁକୁଡ଼ା ଚାଷ। ଫୁଲବାଣୀ -୧୬/ ୦୯ ( କୃତିଦିପନ୍ ଭୋଇ) ବିଦେଶରେ ମାସିକ ପ୍ରାୟ ଲକ୍ଷେ ଟଙ୍କାର ଚାକିରି । ହେଲେ ମନ ବାନ୍ଧି ହୋଇ ରହିପାରିଲାନି ବିଦେଶ ମାଟିରେ । ନିଜ ଜନ୍ମମାଟି, ବାପା-ମାଆ ଓ ପରିବାରର ସ୍ନେହ ତାଙ୍କୁ ଫେରାଇ ଆଣିଲା ଗାଁକୁ । ଆଉ ଗାଁକୁ ଫେରି ଆରମ୍ଭ କଲେ ନିଜର ବ୍ୟବସାୟ । ପ୍ରଥମେ ଛତୁ ଚାଷରେ ବିଫଳ ହେଲେ, କିନ୍ତୁ ହାର ମାନିଲେନି । ଶେଷରେ କୁକୁଡ଼ା ଚାଷକୁ ଆପଣାଇ ସଫଳତାର ନୂଆ ରାସ୍ତା ଖୋଜିଛନ୍ତି କନ୍ଧମାଳ ଖଜୁରିପଡ଼ା ବ୍ଲକ ସୁଡୁକୁମ୍ପା ପଞ୍ଚାୟତ ବାଡ଼ିଗୁଡ଼ା ଗାଁର ସୂରଜ କୁମାର କହଁର । ଫୁଲବାଣୀ କଲେଜରୁ +୨ ପାଠପଢ଼ା ପରେ ୨୦୧୩ରେ ବଲାଙ୍ଗୀରରେ ହୋଟେଲ ମ୍ୟାନେଜମେଣ୍ଟ ଶିକ୍ଷା ଗ୍ରହଣ କରିଥିଲେ ସୂରଜ । ପରେ ଆଇଟିଡିଏ ପକ୍ଷରୁ କଲକାତାରେ ୬ ମାସିଆ ହଷ୍ଟେଲ ମ୍ୟାନେଜମେଣ୍ଟ ପ୍ରଶିକ୍ଷଣ ନେଇ ବିଭିନ୍ନ ପ୍ରତିଷ୍ଠିତ ହୋଟେଲରେ କାମ କରିଥିଲେ । ଦକ୍ଷତା ଓ ଅଭିଜ୍ଞତା ବଳରେ ୨୦୧୯ରେ କାତାର ଯିବାର ସୁଯୋଗ ପାଇଥିଲେ । ସେଠାରେ ଏକ ହୋଟେଲରେ ସୁପରଭାଇଜର ଭାବେ କାମ କରି ମାସକୁ ପ୍ରାୟ ୧ ଲକ୍ଷ ଟଙ୍କା ଦରମା ପାଉଥିଲେ । ତେବେ ଅର୍ଥ ରୋଜଗାର ଅପେକ୍ଷା ନିଜ ଭିଟାମାଟି ଓ ପରିବାରର ଭଲପାଇବାକୁ ଅଧିକ ଗୁରୁତ୍ୱ ଦେଇ ୨୦୨୪ ଡିସେମ୍ବରରେ ବିଦେଶ ଚାକିରି ଛାଡ଼ି ଗାଁକୁ ଫେରି ଆସିଥିଲେ ସୂରଜ । ଗାଁକୁ ଫେରିବା ପରେ ନିଜେ ସ୍ୱାବଲମ୍ବୀ ହେବା ସହ ଅନ୍ୟମାନଙ୍କୁ ରୋଜଗାର ଦେବାର ଲକ୍ଷ୍ୟ ରଖିଥିଲେ । ନିଜସ୍ୱ ପୁଞ୍ଜିରେ ପ୍ରଥମେ ଛତୁ ଚାଷ ଆରମ୍ଭ କରିଥିଲେ । ହେଲେ ସେଥିରେ ସଫଳତା ମିଳିଲାନି । କିନ୍ତୁ ବିଫଳତାରେ ଭାଙ୍ଗି ନପଡ଼ି ନୂଆ ଆଶା ନେଇ ଆରମ୍ଭ କଲେ

କୁକୁଡ଼ା ଚାଷ । ନିଜ ପୁଞ୍ଜି ବିନିଯୋଗ କରି ନିର୍ମାଣ କଲେ କୁକୁଡ଼ା ଫାର୍ମ । ଗାଉଳି ଦେଶୀ ଓ ସୋନାଲି ପ୍ରଜାତିର କୁକୁଡ଼ା ପାଳନ କରି ଧୀରେ ଧୀରେ ସଫଳତା ହାସଲ କରିଥିଲେ । ସୂରଜଙ୍କ ଏହି ସଫଳତାକୁ ଦେଖି ତାଙ୍କୁ ମୁଖ୍ୟମନ୍ତ୍ରୀ ଜନଜାତି ଜୀବିକା ମିଶନରେ ସାମିଲ କରାଯାଇଛି । ଡିପ୍ ଲିଟର ପଦ୍ଧତିରେ ୨ ହଜାର କ୍ଷମତା ବିଶିଷ୍ଟ ବ୍ରଏଲର କୁକୁଡ଼ା ପାଳନ ପାଇଁ ଖଜୁରିପଡ଼ା ପ୍ରାଣୀ ସମ୍ପଦ ବିଭାଗ ପକ୍ଷରୁ ୪ ଲକ୍ଷ ୩୨ ହଜାର ଟଙ୍କା ଏବଂ ଫୁଲବାଣୀ ଆଇଟିଡିଏ ପକ୍ଷରୁ ୫୦ ହଜାର ଟଙ୍କାର ଅନୁମୋଦନ ରାଶି ମିଳିଛି । ଏଥିସହ ନିଜସ୍ୱ ପ୍ରତିପୋଷଣ ଆକାରରେ ୨ ଲକ୍ଷ ୩୮ ହଜାର ଟଙ୍କା ବିନିଯୋଗ କରିବାକୁ ପରାମର୍ଶ ଦିଆଯାଇଛି । ଫଳରେ ମୋଟ ୭ ଲକ୍ଷ ୨୦ ହଜାର ଟଙ୍କାର ପ୍ରକଳ୍ପ ମାଧ୍ୟମରେ ସୂରଜଙ୍କ କୁକୁଡ଼ା ଚାଷକୁ ମିଳିଛି ନୂଆ ଦିଗ । ବର୍ତ୍ତମାନ ୫ ଟଙ୍କା ଦରରେ କୁକୁଡ଼ା ଛୁଆ କିଣି ୨ ହଜାର କୁକୁଡ଼ା ପାଳନ କରୁଛନ୍ତି ସୂରଜ । ପ୍ରାୟ ୪୫ ଦିନ ପାଳନ ପରେ ଏଗୁଡ଼ିକୁ ବଜାରରେ ବିକ୍ରି କରିବାକୁ ଯୋଜନା ରହିଛି । ଆଗାମୀ ଦିନରେ ୧୦ ହଜାର କ୍ଷମତା ବିଶିଷ୍ଟ ବଡ଼ କୁକୁଡ଼ା ଫାର୍ମ ନିର୍ମାଣ କରି ସ୍ଥାନୀୟ ଯୁବକ-ଯୁବତୀଙ୍କୁ ରୋଜଗାର ଯୋଗାଇବା ତାଙ୍କର ଲକ୍ଷ୍ୟ । ବିଦେଶର ଚାକିରି ଛାଡ଼ି ଗାଁକୁ ଫେରିବା ସୂରଜଙ୍କ ନିଷ୍ପତ୍ତି ହୁଏତ ଅନେକଙ୍କୁ ଆଶ୍ଚର୍ଯ୍ୟ କରିପାରେ । ହେଲେ ନିଜ ମାଟିରେ ପରିଶ୍ରମ କରି ସଫଳ ହେବାର ତାଙ୍କ ପ୍ରୟାସ ଆଜି ଅନେକ ଯୁବକ-ଯୁବତୀଙ୍କ ପାଇଁ ଏକ ଉଦାହରଣ । ବିଦେଶରେ ଚାକିରି ପରିବର୍ତ୍ତେ ନିଜ ଅଞ୍ଚଳରେ ରହି ରୋଜଗାର ସୃଷ୍ଟି କରିବାର ସ୍ୱପ୍ନ ଦେଖୁଥିବା ଯୁବପିଢ଼ିଙ୍କ ପାଇଁ ସୂରଜଙ୍କ କାହାଣୀ ନିଶ୍ଚିତ ଭାବେ ପ୍ରେରଣାଦାୟୀ ।