लातूर जिल्हा पोलीस दलाने कायदा व सुव्यवस्था राखण्यासोबतच नागरिकांशी विश्वासाचे नाते दृढ करण्यासाठी सुरू केलेल्या "पोलीस आपल्या सोसायटीत" या उपक्रमाला नागरिकांकडून, विशेषतः महिलांकडून उत्स्फूर्त प्रतिसाद मिळत आहे. १५ जून २०२६ पासून सुरू झालेला हा अभिनव उपक्रम नागरिकांसाठी संवाद आणि विश्वासाचा एक प्रभावी मंच ठरला असून, यामध्ये महिलांचा वाढता सहभाग अत्यंत लक्षवेधी ठरत आहे. अनेक वर्षांपासून मनात दडवून ठेवलेल्या समस्या आणि सुरक्षेच्या चिंता महिला आता थेट पोलीस अधिकाऱ्यांसमोर मांडत आहेत. पोलीस अधीक्षक अमोल तांबे यांच्या मार्गदर्शनाखाली हा उपक्रम राबविला जात आहे. या अंतर्गत पोलीस अधिकारी आणि अंमलदार दररोज विविध गृहनिर्माण सोसायट्या, निवासी संकुले आणि वसाहतींना प्रत्यक्ष भेटी देत आहेत. तिथे नागरिकांशी थेट संवाद साधून त्यांच्या अडीअडचणी आणि स्थानिक प्रश्न समजून घेतले जात असून त्यावर त्वरित उपाययोजना करण्याचा प्रयत्न केला जात आहे. पोलिसांच्या या प्रत्यक्ष भेटींमुळे नागरिकांमध्ये विश्वासाचे वातावरण निर्माण होत आहे. पूर्वी पोलीस ठाण्यात जाण्यास संकोच वाटणाऱ्या महिला आता पोलीस थेट दारात पोहोचल्याने मोकळेपणाने चर्चा करत आहेत. घरगुती वाद, महिला सुरक्षा, छेडछाड, सायबर गुन्हे, सोशल मीडियाचा गैरवापर, अल्पवयीन मुलांचे संरक्षण, व्यसनाधीनता आणि शेजारील वाद यांसारख्या विविध सामाजिक समस्यांवर महिला पोलिसांशी संवाद साधून कायदेशीर मार्गदर्शन व समुपदेशन घेत आहेत. यामुळे महिलांमधील आत्मविश्वास कमालीचा वाढला आहे. या उपक्रमाच्या माध्यमातून नागरिकांना डायल ११२ आपत्कालीन सेवा, सायबर सुरक्षा, ऑनलाइन आर्थिक फसवणुकीपासून बचाव, दामिनी पथकाचे कार्य, महिला व बाल सुरक्षा, ज्येष्ठ नागरिक सुरक्षा, वाहतूक नियम आणि अमली पदार्थांविरोधातील जनजागृती याविषयी सविस्तर माहिती दिली जात आहे. यामुळे नागरिकांमध्ये कायद्याबाबत जागरूकता वाढून प्रतिबंधात्मक पोलिसािंगला अधिक बळ मिळत आहे.

Nitin Chalak

Media company शिरूर-अनंतपाळ, लातूर, महाराष्ट्र•

5 hrs ago

लातूर जिल्हा पोलीस दलाने कायदा व सुव्यवस्था राखण्यासोबतच नागरिकांशी विश्वासाचे नाते दृढ करण्यासाठी सुरू केलेल्या "पोलीस आपल्या सोसायटीत" या उपक्रमाला नागरिकांकडून, विशेषतः महिलांकडून उत्स्फूर्त प्रतिसाद मिळत आहे. १५ जून २०२६ पासून सुरू झालेला हा अभिनव उपक्रम नागरिकांसाठी संवाद आणि विश्वासाचा एक प्रभावी मंच ठरला असून, यामध्ये महिलांचा वाढता सहभाग अत्यंत लक्षवेधी ठरत आहे. अनेक वर्षांपासून मनात दडवून ठेवलेल्या समस्या आणि सुरक्षेच्या चिंता महिला आता थेट पोलीस अधिकाऱ्यांसमोर मांडत आहेत. पोलीस अधीक्षक अमोल तांबे यांच्या मार्गदर्शनाखाली हा उपक्रम राबविला जात आहे. या अंतर्गत पोलीस अधिकारी आणि अंमलदार दररोज विविध गृहनिर्माण सोसायट्या, निवासी संकुले आणि वसाहतींना प्रत्यक्ष भेटी देत आहेत. तिथे नागरिकांशी थेट संवाद साधून त्यांच्या अडीअडचणी आणि स्थानिक प्रश्न समजून घेतले जात असून त्यावर त्वरित उपाययोजना

करण्याचा प्रयत्न केला जात आहे. पोलिसांच्या या प्रत्यक्ष भेटींमुळे नागरिकांमध्ये विश्वासाचे वातावरण निर्माण होत आहे. पूर्वी पोलीस ठाण्यात जाण्यास संकोच वाटणाऱ्या महिला आता पोलीस थेट दारात पोहोचल्याने मोकळेपणाने चर्चा करत आहेत. घरगुती वाद, महिला सुरक्षा, छेडछाड, सायबर गुन्हे, सोशल मीडियाचा गैरवापर, अल्पवयीन मुलांचे संरक्षण, व्यसनाधीनता आणि शेजारील वाद यांसारख्या विविध सामाजिक समस्यांवर महिला पोलिसांशी संवाद साधून कायदेशीर मार्गदर्शन व समुपदेशन घेत आहेत. यामुळे महिलांमधील आत्मविश्वास कमालीचा वाढला आहे. या उपक्रमाच्या माध्यमातून नागरिकांना डायल ११२ आपत्कालीन सेवा, सायबर सुरक्षा, ऑनलाइन आर्थिक फसवणुकीपासून बचाव, दामिनी पथकाचे कार्य, महिला व बाल सुरक्षा, ज्येष्ठ नागरिक सुरक्षा, वाहतूक नियम आणि अमली पदार्थांविरोधातील जनजागृती याविषयी सविस्तर माहिती दिली जात आहे. यामुळे नागरिकांमध्ये कायद्याबाबत जागरूकता वाढून प्रतिबंधात्मक पोलिसािंगला अधिक बळ मिळत आहे.