पुणे आणि पिंपरी-चिंचवड परिसरातील फुगेवाडी, दापोडी आणि हडपसर येथे विषारी गावठी दारूच्या सेवनामुळे १८ जणांचा मृत्यू झाल्याची धक्कादायक घटना समोर आली आहे. या गंभीर घटनेच्या पार्श्वभूमीवर, अन्न व औषध प्रशासनाने (एफडीए) तात्काळ कारवाई करत भिवंडी येथील मेसर्स रेक्स इंटरनॅशनल या कंपनीवर छापा टाकला. या छाप्यात ५,९२९ किलो मिथेनॉलचा मोठा साठा जप्त करण्यात आला. प्राथमिक तपासात, पुणे प्रकरणातील दारूमध्ये वापरण्यात आलेले विषारी मिथेनॉल याच कंपनीकडून पुरवण्यात आल्याचे निष्पन्न झाले आहे, जी दारू अवघ्या ३० रुपयांना विकली जात होती. या प्रकारात दारूमध्ये 'मिथेनॉल' हे विषारी रसायन मिसळण्यात आल्याचे उघड झाल्यानंतर, आयुक्त तुकाराम मुंढे यांनी राज्यभरात मिथेनॉलच्या अवैध साठ्यांविरोधात तातडीने कारवाईचे आदेश दिले. जनतेच्या आरोग्याशी खेळणाऱ्या कोणत्याही व्यक्ती अथवा आस्थापनेला कोणतीही सवलत दिली जाणार नाही, असे त्यांनी ठामपणे सांगितले. औषधे व सौंदर्यप्रसाधने अधिनियम, १९४० तसेच संबंधित कायदे व नियमांचे उल्लंघन करणाऱ्यांविरोधात कठोर कायदेशीर व न्यायालयीन कारवाई केली जाईल, असेही आयुक्तांनी स्पष्ट केले. सुरक्षित अन्न व औषधे हा प्रत्येक नागरिकाचा मूलभूत अधिकार असून तो सुनिश्चित करणे हीच त्यांची सर्वोच्च जबाबदारी असल्याचे त्यांनी म्हटले आहे. नागरिकांना औषधांच्या गुणवत्तेबाबत शंका असल्यास किंवा अवैध साठवणुकीची माहिती मिळाल्यास तात्काळ एफडीएकडे तक्रार करण्याचे आवाहन करण्यात आले आहे. तक्रारीमध्ये नाव, पत्ता, संपर्क क्रमांक, संशयित आस्थापनेचा अचूक पत्ता आणि संबंधित औषध अथवा पदार्थाची माहिती नमूद करावी लागेल. अन्न व औषध प्रशासनाने नागरिकांच्या सर्व तक्रारींची गोपनीयतेने पडताळणी करून तातडीने कायदेशीर कारवाई केली जाईल असे आश्वासन दिले आहे. याशिवाय, नागरिकांना तक्रार नोंदवणे अधिक सुलभ व्हावे यासाठी लवकरच स्वतंत्र मोबाईल ॲप विकसित करण्यात येणार असून, टोल-फ्री हेल्पलाईन सुविधाही उपलब्ध करून देण्यात येणार असल्याची माहिती सहआयुक्तांनी (औषधे) दिली आहे.

EXPRESS NEWS

Press advisory Miraj, Sangli•

2 hrs ago

पुणे आणि पिंपरी-चिंचवड परिसरातील फुगेवाडी, दापोडी आणि हडपसर येथे विषारी गावठी दारूच्या सेवनामुळे १८ जणांचा मृत्यू झाल्याची धक्कादायक घटना समोर आली आहे. या गंभीर घटनेच्या पार्श्वभूमीवर, अन्न व औषध प्रशासनाने (एफडीए) तात्काळ कारवाई करत भिवंडी येथील मेसर्स रेक्स इंटरनॅशनल या कंपनीवर छापा टाकला. या छाप्यात ५,९२९ किलो मिथेनॉलचा मोठा साठा जप्त करण्यात आला. प्राथमिक तपासात, पुणे प्रकरणातील दारूमध्ये वापरण्यात आलेले विषारी मिथेनॉल याच कंपनीकडून पुरवण्यात आल्याचे निष्पन्न झाले आहे, जी दारू अवघ्या ३० रुपयांना विकली जात होती. या प्रकारात दारूमध्ये 'मिथेनॉल' हे विषारी रसायन मिसळण्यात आल्याचे उघड झाल्यानंतर, आयुक्त तुकाराम मुंढे यांनी राज्यभरात मिथेनॉलच्या अवैध साठ्यांविरोधात तातडीने कारवाईचे आदेश दिले. जनतेच्या आरोग्याशी खेळणाऱ्या कोणत्याही व्यक्ती अथवा आस्थापनेला कोणतीही सवलत दिली जाणार नाही, असे त्यांनी ठामपणे सांगितले. औषधे व सौंदर्यप्रसाधने अधिनियम, १९४० तसेच संबंधित कायदे व नियमांचे उल्लंघन करणाऱ्यांविरोधात कठोर कायदेशीर व न्यायालयीन कारवाई केली जाईल, असेही आयुक्तांनी स्पष्ट केले. सुरक्षित अन्न व औषधे हा प्रत्येक नागरिकाचा मूलभूत अधिकार असून तो सुनिश्चित करणे हीच त्यांची सर्वोच्च जबाबदारी असल्याचे त्यांनी म्हटले आहे. नागरिकांना औषधांच्या गुणवत्तेबाबत शंका असल्यास किंवा अवैध साठवणुकीची माहिती मिळाल्यास तात्काळ एफडीएकडे तक्रार करण्याचे आवाहन करण्यात आले आहे. तक्रारीमध्ये नाव, पत्ता, संपर्क क्रमांक, संशयित आस्थापनेचा अचूक पत्ता आणि संबंधित औषध अथवा पदार्थाची माहिती नमूद करावी लागेल. अन्न व औषध प्रशासनाने नागरिकांच्या सर्व तक्रारींची गोपनीयतेने पडताळणी करून तातडीने कायदेशीर कारवाई केली जाईल असे आश्वासन दिले आहे. याशिवाय, नागरिकांना तक्रार नोंदवणे अधिक सुलभ व्हावे यासाठी लवकरच स्वतंत्र मोबाईल ॲप विकसित करण्यात येणार असून, टोल-फ्री हेल्पलाईन सुविधाही उपलब्ध करून देण्यात येणार असल्याची माहिती सहआयुक्तांनी (औषधे) दिली आहे.