এইবেলি নিকেতনখনৰ পৰা মুঠ ৮১ গৰাকী পৰীক্ষাৰ্থী অৱতীৰ্ণ হৈছিল হাইস্কুল শিক্ষান্ত পৰীক্ষাত। তাৰে ৩ জনে ডিষ্টিংচন, ৫ জনে ষ্টাৰ, ৪৫ জনে প্ৰথম বিভাগ, ৩২ জনে দ্বিতীয় বিভাগ আৰু এজনে তৃতীয় বিভাগত উত্তীৰ্ণ হ'বলৈ সক্ষম হয়। পাহাৰীয়া জিলা কাৰ্বি আংলঙত সৰ্বোচ্চ নম্বৰৰ লগতে সংস্কৃত বিষয়ত এশ শতাংশ নম্বৰ লাভ কৰা এই নিকেতনৰ ছাত্ৰী অলংকৃতা বৰকটকীকো অভিনন্দন জ্ঞাপন কৰা হয়। এক গাম্ভীৰ্যপূৰ্ণ পৰিৱেশত কৃতী ছাত্ৰ-ছাত্ৰীসকলক নিকেতন প্ৰাংগণত এখনি সম্বৰ্ধনা অনুষ্ঠানৰ আয়োজন কৰা হয়। নিকেতন পৰিচালনা সমিতিৰ সম্পাদক কমল শইকীয়াই আঁত ধৰা অনুষ্ঠানটিত সভাপতিত্ব কৰে পৰিচালনা সমিতিৰ সভাপতি ভৱেশ চন্দ্ৰ ৰাজবংশীয়ে। অনুষ্ঠানত মুখ্য অতিথি হিচাপে উপস্থিতি থাকে হাওৰাঘাট উচ্চতৰ মাধ্যমিক বিদ্যালয়ৰ অধ্যক্ষ দেবেন্দ্ৰ শৰ্মা ।

Bittuahmed

Local News Reporter নগাঁও, নগাঁও, অসম•

17 hrs ago