९०० खाटांचे ठाणे जिल्हा सुपरस्पेशलिटी रुग्णालय सज्ज,उद्घाटन कधी? ठाणे: जिल्हा रुग्णालयाची जुनी इमारत पाडून त्या जागी ९०० खाटांचे सुपरस्पेशलिटी रुग्णालय उभारण्यात आले आहे. या रुग्णालय इमारतीचे काम पूर्ण झाले असले तरी याठिकाणी ८ मेगावॅट विजेची गरज लागणार आहे. याठिकाणी स्वतंत्र विद्युतवहिनी जोडणी द्यावी लागणार असून विद्युतवहिनी जोडणी आणि अत्याधुनिक वैद्यकीय यंत्रसामग्रीची तपासणी पूर्ण झाल्यानंतरच रुग्णालय नागरिकांच्या सेवेत दाखल होणार आहे. त्यामुळे जिल्हा रुग्णालय सज्ज असले तरी वीज जोडणीमुळे तीन ते चार महिने लोकार्पणाची प्रतीक्षा करावी लागणार आहे. ठाणे जिल्ह्यातील गरीब रुग्णांसाठी सुमारे शंभर वर्षांपूर्वी विठ्ठल सायन्ना यांनी रुग्णालयाची निर्मिती केली होती. तेव्हापासून जिल्ह्यातील रुग्णांची सेवा करणारे हे रुग्णालय पुढे जिल्हा रुग्णालयात रूपांतरित झाले. येथे ठाणे ग्रामीण, पालघर आणि रायगड भागातून रुग्ण उपचारासाठी येत होते. पण, रुग्ण संख्या वाढू लागल्याने ते रुग्ण उपचारासाठी अपुरे पडू लागले. यातूनच ठाणे आणि पालघर जिल्ह्यातील रुग्णांना मोफत दर्जेदार आरोग्य सुविधा उपलब्ध व्हावी या उद्देशातुन जिल्हा रुग्णालय प्रशासनाने ९०० खाटांचे सुपरस्पेशलिटी रुग्णालय उभारणीचा निर्णय घेतला. ठाणे जिल्हा शल्य चिकित्सक डॉ. कैलास पवार यांनी या संबंधीचा प्रस्ताव तयार केला होता. उपमुख्यमंत्री एकनाथ शिंदे यांचा हा महत्वकांक्षी प्रकल्प असून त्यांच्या सूचनेनुसार जिल्हा रुग्णालयाने हा प्रस्ताव तयार केला होता. राज्य शासनाने त्यास मजुरी दिल्यानंतर रुग्णालय उभारणीचे काम सुरू झाले. रुग्णालय इमारत उभारणीचे काम वेगाने सुरू असतानाच, दुसरीकडे रुग्णालयात अद्ययावत यंत्रसामुग्री घेतानाच १०७८ नवीन पदभरतीची प्रक्रिया देखील सुरू करावी, असे निर्देश उपमुख्यमंत्री एकनाथ शिंदे यांनी वर्षभरापूर्वी दिले होते. त्याची प्रक्रिया शासन स्तरावर सुरू आहे. ९०० खाटांचे सुपरस्पेशलिटी ठाणे जिल्हा रुग्णालय उभारण्यात येत आहे. यात ५०० खाटांचे जिल्हा रुग्णालय, २०० खाटांचे महिला रुग्णालय आणि २०० खाटांचे संदर्भ सेवा रुग्णालय असणार आहे. सार्वजनिक आरोग्य व कुटुंब कल्याण मंत्री प्रकाश आबिटकर यांनी रुग्णालयाच्या बांधकाम स्थळाची काही महिन्यांपूर्वी पाहणी करून महत्वाची सूचना केली होती. दरम्यान, रुग्णालयाचे बांधकाम आता पूर्ण झाले असून विद्युतीकरण, यंत्रसामुग्री बसविणण्याची कामे शिल्लक आहेत. ठाणे जिल्ह्य सुपरस्पेशलिटी रुग्णालय इमारतीचे काम पूर्ण झाले आहे. याठिकाणी अत्याधुनिक वैद्यकीय यंत्रसामग्री बसविण्यात येणार असून याठिकाणी ८ मेगावॅट विजेची गरज लागणार आहे. याठिकाणी स्वतंत्र विद्युतवहिनी जोडणी द्यावी लागणार आहे. ऐरोली येथून ही वहिनी भूमिगत पद्धतीने टाकावी लागणार आहे. विद्युतवहिनी जोडणी आणि अत्याधुनिक वैद्यकीय यंत्रसामग्रीची तपासणी पूर्ण झाल्यानंतरच रुग्णालय नागरिकांच्या सेवेत दाखल होणार आहे. त्यामुळे जिल्हा रुग्णालय लोकार्पणासाठी तीन ते चार महिने लागतील, अशी माहिती ठाणे जिल्हा शल्य चिकित्सक डॉ. कैलास पवार यांनी दिली.

लोक हिंद चॅनल

Journalist शहापूर, ठाणे, महाराष्ट्र•

on 11 April

९०० खाटांचे ठाणे जिल्हा सुपरस्पेशलिटी रुग्णालय सज्ज,उद्घाटन कधी? ठाणे: जिल्हा रुग्णालयाची जुनी इमारत पाडून त्या जागी ९०० खाटांचे सुपरस्पेशलिटी रुग्णालय उभारण्यात आले आहे. या रुग्णालय इमारतीचे काम पूर्ण झाले असले तरी याठिकाणी ८ मेगावॅट विजेची गरज लागणार आहे. याठिकाणी स्वतंत्र विद्युतवहिनी जोडणी द्यावी लागणार असून विद्युतवहिनी जोडणी आणि अत्याधुनिक वैद्यकीय यंत्रसामग्रीची तपासणी पूर्ण झाल्यानंतरच रुग्णालय नागरिकांच्या सेवेत दाखल होणार आहे. त्यामुळे जिल्हा रुग्णालय सज्ज असले तरी वीज जोडणीमुळे तीन ते चार महिने लोकार्पणाची प्रतीक्षा करावी लागणार आहे. ठाणे जिल्ह्यातील गरीब रुग्णांसाठी सुमारे शंभर वर्षांपूर्वी विठ्ठल सायन्ना यांनी रुग्णालयाची निर्मिती केली होती. तेव्हापासून जिल्ह्यातील रुग्णांची सेवा करणारे हे रुग्णालय पुढे जिल्हा रुग्णालयात रूपांतरित झाले. येथे ठाणे ग्रामीण, पालघर आणि रायगड भागातून रुग्ण उपचारासाठी येत होते. पण, रुग्ण संख्या वाढू लागल्याने ते रुग्ण उपचारासाठी अपुरे पडू लागले. यातूनच ठाणे आणि पालघर जिल्ह्यातील रुग्णांना मोफत दर्जेदार आरोग्य सुविधा उपलब्ध व्हावी या उद्देशातुन जिल्हा रुग्णालय प्रशासनाने ९०० खाटांचे सुपरस्पेशलिटी रुग्णालय उभारणीचा निर्णय घेतला. ठाणे जिल्हा शल्य चिकित्सक डॉ. कैलास पवार यांनी या संबंधीचा प्रस्ताव तयार केला होता. उपमुख्यमंत्री एकनाथ शिंदे यांचा हा महत्वकांक्षी प्रकल्प असून त्यांच्या सूचनेनुसार जिल्हा रुग्णालयाने हा प्रस्ताव तयार केला होता. राज्य शासनाने त्यास मजुरी दिल्यानंतर रुग्णालय उभारणीचे काम सुरू झाले. रुग्णालय इमारत उभारणीचे काम वेगाने सुरू असतानाच, दुसरीकडे रुग्णालयात अद्ययावत यंत्रसामुग्री घेतानाच १०७८ नवीन पदभरतीची प्रक्रिया देखील सुरू करावी, असे निर्देश उपमुख्यमंत्री एकनाथ शिंदे यांनी वर्षभरापूर्वी दिले होते. त्याची प्रक्रिया शासन स्तरावर सुरू आहे. ९०० खाटांचे सुपरस्पेशलिटी ठाणे जिल्हा रुग्णालय उभारण्यात येत आहे. यात ५०० खाटांचे जिल्हा रुग्णालय, २०० खाटांचे महिला रुग्णालय आणि २०० खाटांचे संदर्भ सेवा रुग्णालय असणार आहे. सार्वजनिक आरोग्य व कुटुंब कल्याण मंत्री प्रकाश आबिटकर यांनी रुग्णालयाच्या बांधकाम स्थळाची काही महिन्यांपूर्वी पाहणी करून महत्वाची सूचना केली होती. दरम्यान, रुग्णालयाचे बांधकाम आता पूर्ण झाले असून विद्युतीकरण, यंत्रसामुग्री बसविणण्याची कामे शिल्लक आहेत. ठाणे जिल्ह्य सुपरस्पेशलिटी रुग्णालय इमारतीचे काम पूर्ण झाले आहे. याठिकाणी अत्याधुनिक वैद्यकीय यंत्रसामग्री बसविण्यात येणार असून याठिकाणी ८ मेगावॅट विजेची गरज लागणार आहे. याठिकाणी स्वतंत्र विद्युतवहिनी जोडणी द्यावी लागणार आहे. ऐरोली येथून ही वहिनी भूमिगत पद्धतीने टाकावी लागणार आहे. विद्युतवहिनी जोडणी आणि अत्याधुनिक वैद्यकीय यंत्रसामग्रीची तपासणी पूर्ण झाल्यानंतरच रुग्णालय नागरिकांच्या सेवेत दाखल होणार आहे. त्यामुळे जिल्हा रुग्णालय लोकार्पणासाठी तीन ते चार महिने लागतील, अशी माहिती ठाणे जिल्हा शल्य चिकित्सक डॉ. कैलास पवार यांनी दिली.