ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ଅନ୍ତର୍ଗତ ବଡ଼ଗଡ଼ ଠାରୁ ନୁଆଁଗାଁକୁ ସଂଯୋଗ କରୁଥିବା ରାସ୍ତା ଦୀର୍ଘ ଚାରିରୁ ପାଞ୍ଚ ଦଶନ୍ଧି ଧରି ଅବହେଳିତ ଅବସ୍ଥାରେ ପଡ଼ି ରହିଥିଲା। ରାସ୍ତାଟି ଖାଲଢ଼ିପ ଓ କାଦୁଆ ହୋଇଯାଇଥିବାରୁ ସାଧାରଣ ଲୋକଙ୍କୁ ଯାତାୟାତରେ ଅନେକ ଅସୁବିଧା ଭୋଗିବାକୁ ପଡ଼ୁଥିଲା। ବଡ଼ଗଡ଼, ନୁଆଁଗାଁ, ହାତୀଖାଲ ଏବଂ ବିଞ୍ଜଗିରି ଗ୍ରାମର ଲୋକମାନେ ବର୍ଷ ବର୍ଷ ଧରି ଏହି ସମସ୍ୟାର ସମ୍ମୁଖୀନ ହେଉଥିଲେ। ନୁଆଁଗାଁର ଗ୍ରାମବାସୀ ତ୍ରିନାଥ ଗୌଡ଼ଙ୍କ କହିବାନୁଯାୟୀ, ଏହି ରାସ୍ତା ସମସ୍ୟା ଚାରି ଦଶନ୍ଧିରୁ ଉର୍ଦ୍ଧ ସମୟ ଧରି ଲାଗି ରହିଥିଲା। ତେବେ, ଅବଶେଷରେ ଏହି ଦୀର୍ଘଦିନର ସମସ୍ୟାର ସମାଧାନ ପାଇଁ ପଦକ୍ଷେପ ଗ୍ରହଣ କରାଯାଇଛି। ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ମୁଖ୍ୟମନ୍ତ୍ରୀ ସଡ଼କ ଯୋଜନା ଅଧୀନରେ ବଡ଼ଗଡ଼ ଠାରୁ ନୁଆଁଗାଁ ପର୍ଯ୍ୟନ୍ତ ରାସ୍ତା ନିର୍ମାଣ କାର୍ଯ୍ୟ ପାଇଁ ଭିତ୍ତିପ୍ରସ୍ତର ସ୍ଥାପନ କରାଯାଇଛି। ସୋରଡ଼ା ବିଧାୟକ ନୀଳମଣି ବିଷୋୟୀ ଏବଂ ଆସିକା ସାଂସଦଙ୍କ ପ୍ରତିନିଧି ବସନ୍ତ ବିଷୋୟୀଙ୍କ କରକମଳରେ ଏହି ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟ ସମ୍ପାଦିତ ହୋଇଥିଲା। ଏହି ଅବସରରେ ଆଖପାଖ ଗ୍ରାମର ଲୋକମାନେ ଉତ୍ସାହର ସହିତ ଯୋଗଦେଇ ନିଜର ଖୁସି ବ୍ୟକ୍ତ କରିଥିଲେ।

GANESH PANlGRAHl

ସାମ୍ବାଦିକ ଧରାକୋଟେ, ଗଞ୍ଜାମ, ଓଡ଼ିଶା•

10 hrs ago

ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ଅନ୍ତର୍ଗତ ବଡ଼ଗଡ଼ ଠାରୁ ନୁଆଁଗାଁକୁ ସଂଯୋଗ କରୁଥିବା ରାସ୍ତା ଦୀର୍ଘ ଚାରିରୁ ପାଞ୍ଚ ଦଶନ୍ଧି ଧରି ଅବହେଳିତ ଅବସ୍ଥାରେ ପଡ଼ି ରହିଥିଲା। ରାସ୍ତାଟି ଖାଲଢ଼ିପ ଓ କାଦୁଆ ହୋଇଯାଇଥିବାରୁ ସାଧାରଣ ଲୋକଙ୍କୁ ଯାତାୟାତରେ ଅନେକ ଅସୁବିଧା ଭୋଗିବାକୁ ପଡ଼ୁଥିଲା। ବଡ଼ଗଡ଼, ନୁଆଁଗାଁ, ହାତୀଖାଲ ଏବଂ ବିଞ୍ଜଗିରି ଗ୍ରାମର ଲୋକମାନେ ବର୍ଷ ବର୍ଷ ଧରି ଏହି ସମସ୍ୟାର ସମ୍ମୁଖୀନ ହେଉଥିଲେ। ନୁଆଁଗାଁର ଗ୍ରାମବାସୀ ତ୍ରିନାଥ ଗୌଡ଼ଙ୍କ କହିବାନୁଯାୟୀ, ଏହି ରାସ୍ତା ସମସ୍ୟା ଚାରି ଦଶନ୍ଧିରୁ ଉର୍ଦ୍ଧ ସମୟ ଧରି ଲାଗି ରହିଥିଲା। ତେବେ, ଅବଶେଷରେ ଏହି ଦୀର୍ଘଦିନର ସମସ୍ୟାର ସମାଧାନ ପାଇଁ ପଦକ୍ଷେପ ଗ୍ରହଣ କରାଯାଇଛି। ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ମୁଖ୍ୟମନ୍ତ୍ରୀ ସଡ଼କ ଯୋଜନା ଅଧୀନରେ ବଡ଼ଗଡ଼ ଠାରୁ ନୁଆଁଗାଁ ପର୍ଯ୍ୟନ୍ତ ରାସ୍ତା ନିର୍ମାଣ କାର୍ଯ୍ୟ ପାଇଁ ଭିତ୍ତିପ୍ରସ୍ତର ସ୍ଥାପନ କରାଯାଇଛି। ସୋରଡ଼ା ବିଧାୟକ ନୀଳମଣି ବିଷୋୟୀ ଏବଂ ଆସିକା ସାଂସଦଙ୍କ ପ୍ରତିନିଧି ବସନ୍ତ ବିଷୋୟୀଙ୍କ କରକମଳରେ ଏହି ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟ ସମ୍ପାଦିତ ହୋଇଥିଲା। ଏହି ଅବସରରେ ଆଖପାଖ ଗ୍ରାମର ଲୋକମାନେ ଉତ୍ସାହର ସହିତ ଯୋଗଦେଇ ନିଜର ଖୁସି ବ୍ୟକ୍ତ କରିଥିଲେ।