कर्जतच्या नागेश्वर मंदिरात चोरट्याचा डाव उधळला; धाडसी चोरी करणारा तरुण ताब्यात! कर्जत शहरातील असलेल्या प्रसिद्ध नागेश्वर मंदिरात मध्यरात्री चोरी करण्याचा प्रयत्न झाल्याची धक्कादायक घटना समोर आली आहे. मंदिरातील पितळी नागाची फणी व पितळी मूर्ती चोरी करण्याच्या प्रयत्नात असलेल्या २३ वर्षीय तरुणाला पोलिसांनी ताब्यात घेतले. अमोल छगन समुद्र (वय २३, रा. समुद्रमळा, कर्जत, जि. अहिल्यानगर) असे ताब्यात घेतलेल्या संशयिताचे नाव आहे... याप्रकरणी उदयकुमार पोपटालाल बलदोटा (वय ६१, रा. बाजारतळ, कर्जत) यांनी कर्जत पोलीस ठाण्यात फिर्याद दिली आहे. त्यानुसार कर्जत पोलीस ठाण्यात गुन्हा दाखल करण्यात आला असून भारतीय न्याय संहितेच्या कलम ६२ व ३०५ अंतर्गत कारवाई करण्यात आली आहे. कर्जत शहरामध्ये देशमुखवाडीच्या दिशेने जाणाऱ्या रस्त्यावर असलेल्या नागेश्वर मंदिराचे पुजारी राजेंद्र पंडित खराडे हे सुमारे ४० वर्षांपासून मंदिरात पूजा-अर्चा करतात. नेहमीप्रमाणे त्यांनी मंदिराचे दरवाजे कुलूप लावून बंद केले होते. दरम्यान, २७ ऑगस्ट रोजी रात्री सुमारे ११.५० वाजता फिर्यादी घरी असताना संतोष लक्ष्मण शिंदे यांनी त्यांना फोन करून नागेश्वर मंदिराचा दरवाजा उघडा असल्याचे सांगितले. तसेच मंदिरात जाऊन पाहिले असता नागेश्वराच्या नागाची पितळी फणी मंदिरात नसल्याचे आणि पितळी मूर्ती मंदिराच्या गाभाऱ्यात आणून ठेवलेली असल्याचे निदर्शनास आल्याचे सांगण्यात आले. ही माहिती मिळताच फिर्यादींसह तात्या काशीनाथ क्षीरसागर, संभाजी गजानन क्षीरसागर, विशाल बलदोटा, व ओंकार शेलार आदींनी मंदिराकडे धाव घेतली. मंदिरात पाहणी केली असता पितळी नागाची फणी दिसून आली नाही. मात्र, मंदिराच्या मोठ्या घाब्यात आणून ठेवलेली पितळी मूर्ती दिसली. त्याचवेळी मंदिराच्या आसपास एक इसम लपून बसलेला आढळून आला. त्याच्यावर संशय बळावल्याने तात्या क्षीरसागर यांनी कर्जत पोलिसांना फोन करून माहिती दिली. पोलिस घटनास्थळी दाखल झाल्यानंतर संशयिताची चौकशी केली असता त्याने आपले नाव अमोल छगन समुद्र असे सांगितले. त्यानंतर मंदिराबाहेर ठेवलेली नागाची पितळी फणी त्याने पोलिसांना दाखवून दिली, असे फिर्यादीत नमूद आहे. पोलिसांच्या चौकशीत मंदिरातील पितळी फणी व पितळी मूर्ती चोरी करण्याचा प्रयत्न केल्याच्या संशयावरून अमोल समुद्र याला ताब्यात घेण्यात आले. या घटनेमुळे रात्रीच्या वेळी मंदिराच्या सुरक्षेचा प्रश्न पुन्हा ऐरणीवर आला आहे. कर्जत शहरातील प्रसिद्ध नागेश्वर मंदिरातच मध्यरात्री चोरीचा प्रयत्न झाल्याने नागरिकांमध्ये खळबळ उडाली असून, मंदिर परिसरातील सुरक्षाव्यवस्थेबाबतही प्रश्न उपस्थित होत आहेत.

Rushikesh pawar

Local News Reporter कर्जत, अहमदनगर, महाराष्ट्र•

12 hrs ago

कर्जतच्या नागेश्वर मंदिरात चोरट्याचा डाव उधळला; धाडसी चोरी करणारा तरुण ताब्यात! कर्जत शहरातील असलेल्या प्रसिद्ध नागेश्वर मंदिरात मध्यरात्री चोरी करण्याचा प्रयत्न झाल्याची धक्कादायक घटना समोर आली आहे. मंदिरातील पितळी नागाची फणी व पितळी मूर्ती चोरी करण्याच्या प्रयत्नात असलेल्या २३ वर्षीय तरुणाला पोलिसांनी ताब्यात घेतले. अमोल छगन समुद्र (वय २३, रा. समुद्रमळा, कर्जत, जि. अहिल्यानगर) असे ताब्यात घेतलेल्या संशयिताचे नाव आहे... याप्रकरणी उदयकुमार पोपटालाल बलदोटा (वय ६१, रा. बाजारतळ, कर्जत) यांनी कर्जत पोलीस ठाण्यात फिर्याद दिली आहे. त्यानुसार कर्जत पोलीस ठाण्यात गुन्हा दाखल करण्यात आला असून भारतीय न्याय संहितेच्या कलम ६२ व ३०५ अंतर्गत कारवाई करण्यात आली आहे. कर्जत शहरामध्ये देशमुखवाडीच्या दिशेने जाणाऱ्या रस्त्यावर असलेल्या नागेश्वर मंदिराचे पुजारी राजेंद्र पंडित खराडे हे सुमारे ४० वर्षांपासून मंदिरात पूजा-अर्चा करतात. नेहमीप्रमाणे त्यांनी मंदिराचे दरवाजे कुलूप लावून बंद केले होते. दरम्यान, २७ ऑगस्ट रोजी रात्री सुमारे ११.५० वाजता फिर्यादी घरी असताना संतोष लक्ष्मण शिंदे यांनी त्यांना फोन करून नागेश्वर मंदिराचा दरवाजा उघडा असल्याचे सांगितले. तसेच मंदिरात जाऊन पाहिले असता नागेश्वराच्या नागाची पितळी फणी मंदिरात नसल्याचे आणि पितळी मूर्ती मंदिराच्या गाभाऱ्यात आणून ठेवलेली असल्याचे निदर्शनास आल्याचे सांगण्यात आले. ही माहिती मिळताच फिर्यादींसह तात्या काशीनाथ क्षीरसागर, संभाजी गजानन क्षीरसागर, विशाल बलदोटा, व ओंकार शेलार आदींनी मंदिराकडे धाव घेतली. मंदिरात पाहणी केली असता पितळी नागाची फणी दिसून आली नाही. मात्र, मंदिराच्या मोठ्या घाब्यात आणून ठेवलेली पितळी मूर्ती दिसली. त्याचवेळी मंदिराच्या आसपास एक इसम लपून बसलेला आढळून आला. त्याच्यावर संशय बळावल्याने तात्या क्षीरसागर यांनी कर्जत पोलिसांना फोन करून माहिती दिली. पोलिस घटनास्थळी दाखल झाल्यानंतर संशयिताची चौकशी केली असता त्याने आपले नाव अमोल छगन समुद्र असे सांगितले. त्यानंतर मंदिराबाहेर ठेवलेली नागाची पितळी फणी त्याने पोलिसांना दाखवून दिली, असे फिर्यादीत नमूद आहे. पोलिसांच्या चौकशीत मंदिरातील पितळी फणी व पितळी मूर्ती चोरी करण्याचा प्रयत्न केल्याच्या संशयावरून अमोल समुद्र याला ताब्यात घेण्यात आले. या घटनेमुळे रात्रीच्या वेळी मंदिराच्या सुरक्षेचा प्रश्न पुन्हा ऐरणीवर आला आहे. कर्जत शहरातील प्रसिद्ध नागेश्वर मंदिरातच मध्यरात्री चोरीचा प्रयत्न झाल्याने नागरिकांमध्ये खळबळ उडाली असून, मंदिर परिसरातील सुरक्षाव्यवस्थेबाबतही प्रश्न उपस्थित होत आहेत.