ରାଷ୍ଟ୍ରୀୟ ଏକତା ଓ ଅଖଣ୍ଡତାର ଅନନ୍ୟ ପ୍ରତୀକ ତଥା ମହାନ ଜାତୀୟତାବାଦୀ ଜନ ନାୟକ ଡଃ ଶ୍ୟାମା ପ୍ରସାଦ ମୁଖାର୍ଜୀଙ୍କ ପୁଣ୍ୟ ବଳିଦାନ ଦିବସ ଆଜି ବୌଦ୍ଧ ଜିଲ୍ଲାର କଣ୍ଟାମାଳ ନିର୍ବାଚନ ମଣ୍ଡଳୀ ଅନ୍ତର୍ଗତ ବାଉଁଶୁଣି ମଣ୍ଡଳର ଦହ୍ୟାଠାରେ ବିଜେପି ଦଳ ତରଫରୁ ପାଳିତ ହୋଇଛି। ମଣ୍ଡଳ ସଭାପତି ଶରତ କୁମାର କର୍ଣ୍ଣଙ୍କ ସଭାପତିତ୍ୱରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା। ଏହି ସଭାରେ ମୁଖ୍ୟ ଅତିଥି ଭାବରେ ମାନ୍ୟବର ବିଧାୟକ ତଥା ଜିଲ୍ଲା ଯୋଜନା ବୋର୍ଡ଼ ଅଧ୍ୟକ୍ଷ ଶ୍ରୀଯୁକ୍ତ କହ୍ନାଇଁ ଚରଣ ଡାଙ୍ଗ, ଜିଲ୍ଲା ସଭାପତି ପ୍ରେମାନନ୍ଦ ମିଶ୍ର, ଜୋନ ନମ୍ବର 4 ଜିଲ୍ଲା ପରିଷଦ ସଭ୍ୟ ଇଂ ରାକେଶ ତ୍ରିପାଠୀ, ଜିଲ୍ଲା ଉପସଭାପତି ସୁଶାନ୍ତ ବାଘ ଏବଂ କିଶୋର ମେହେର ପ୍ରମୁଖ ମଞ୍ଚାସୀନ ଥିଲେ। ଅନ୍ୟମାନଙ୍କ ମଧ୍ୟରେ ରକ୍ସା ସରପଞ୍ଚ ବିଭୁତି ଡାଙ୍ଗ, ଗୁନ୍ଦୁଳିଆ ସରପଞ୍ଚ ଧବଳେଶ୍ୱର ସିଂହ, ମଣ୍ଡଳ ସାଧାରଣ ସଂପାଦକ ପୂର୍ଣ୍ଣଚନ୍ଦ୍ର ପୋଢ଼, ତ୍ରିବିକ୍ରମ ମହାକୁଡ଼, ହୃଷିକେଶ ମେହେର, ଅବିନାଶ ମିଶ୍ର, ଲକ୍ଷିନ୍ଦ୍ର ଦେହୁରୀ ଏବଂ ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। କାର୍ଯ୍ୟକ୍ରମ ଶେଷରେ ମଣ୍ଡଳ ସାଧାରଣ ସମ୍ପାଦକ ହିମାଂଶୁ କର୍ଣ୍ଣ ଧନ୍ୟବାଦ ପ୍ରଦାନ କରିଥିଲେ।

ଜୁନ୍ ମାସ ଶେଷ ହେବାକୁ ବସିଥିଲେ ମଧ୍ୟ ଓଡ଼ିଶାରେ ଏପର୍ଯ୍ୟନ୍ତ ଆବଶ୍ୟକୀୟ ବର୍ଷା ହୋଇନାହିଁ। ଏହି କାରଣରୁ ଚଳିତ ବର୍ଷ ଚାଷକାମ ଆରମ୍ଭ ହୋଇପାରି ନାହିଁ। ବର୍ଷାର ଅଭାବ ଏବଂ ଚାଷକାମରେ ବିଳମ୍ବକୁ ନେଇ ପରିବେଶବିତ କିଶୋର ହୋତା ନିଜର ପ୍ରତିକ୍ରିୟା ବ୍ୟକ୍ତ କରିଛନ୍ତି।

ଶତାଧିକ ମହିଳା ମଦ ବନ୍ଦ କରିବା ଦାବିରେ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଘେରାଉ କରିଛନ୍ତି। ସେମାନେ ମଦ ବିରୋଧରେ ସ୍ୱର ଉତ୍ତୋଳନ କରି ଜିଲ୍ଲାପାଳଙ୍କ ଅଫିସ ସମ୍ମୁଖରେ ପ୍ରଦର୍ଶନ କରିଛନ୍ତି।

ସୋନପୁର ଜିଲ୍ଲାର ବିରମହାରାଜପୁର ବ୍ଲକ ଅନ୍ତର୍ଗତ ଯୁବରାଜପୁର ଠାରେ ଏକ ଜନ ସମ୍ପର୍କ ଅଭିଯାନ ଆୟୋଜିତ ହୋଇଛି। ଏହି ଅଭିଯାନ ଭୀମ ଆର୍ମୀ ସୋନପୁରର ତତ୍ୱାବଧାନରେ ଏବଂ ବି ଆର୍ ଆମ୍ବେଦକର ସେବାସଂଘ ସୁବଳୟା ଓ ବୀରମହାରାଜପୁରର ମିଳିତ ଉଦ୍ୟମରେ କରାଯାଇଛି।

ସୁବର୍ଣ୍ଣପୁର ଜିଲ୍ଲାର ଉଲଣ୍ଡା ବ୍ଲକ ଅନ୍ତର୍ଗତ ଖେମାଲୋଇ ପଞ୍ଚାୟତ ଗ୍ରିଭେନ୍ସଠାରେ ନାରୀ ଶକ୍ତି ଓ ସୁରକ୍ଷା ବାହିନୀ ଏବଂ ମହିଳା ସଂଘ ପକ୍ଷରୁ ମଦ ବନ୍ଦ କରିବା ପାଇଁ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ଏହି ଅବସରରେ ମହିଳା ସଂଘ ପକ୍ଷରୁ ଏକ ଚେତାବନୀ ମଧ୍ୟ ଦିଆଯାଇଥିବା ସୂଚନା ମିଳିଛି।

ଓଡ଼ିଶାର କଣ୍ଟାମାଳ ଅଞ୍ଚଳରେ ଆଇନ୍ ଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ ହୋଇପଡ଼ିଛି। ଏହି କାରଣରୁ ବର୍ତ୍ତମାନ ଏଠାରେ ଚୋରି ଏବଂ ଡକାୟତି ଭଳି ଅପରାଧ ବୃଦ୍ଧି ପାଇବାରେ ଲାଗିଛି।

ମୟୂରଭଞ୍ଜର ବାରିପଦା ସହରରେ ଜଣେ ସାଧାରଣ ଅଟୋ ଡ୍ରାଇଭର ବିନୋଦ ଲୋହାର ନିଜର ନିଃସ୍ୱାର୍ଥପର ସେବା ମାଧ୍ୟମରେ ସମସ୍ତଙ୍କ ହୃଦୟରେ ସ୍ଥାନ ସୃଷ୍ଟି କରିଛନ୍ତି। ସେ ଟଙ୍କା ରୋଜଗାର ଓ ପରିବାର ପ୍ରତିପୋଷଣରୁ ଉର୍ଦ୍ଧ୍ୱରେ ଯାଇ ପରୋପକାରକୁ ନିଜ ଜୀବନର ଲକ୍ଷ୍ୟ ଭାବେ ଗ୍ରହଣ କରିଛନ୍ତି, ଯାହା ଆଜିର ଅର୍ଥ-କୈନ୍ଦ୍ରିକ ସମାଜରେ ଏକ ବିରଳ ଉଦାହରଣ ଭାବରେ ଉଭା ହୋଇଛି। ସେ 'ଆମେ ସବୁ ଅସହାୟର ସାଥୀ' ଆହ୍ୱାନକୁ ପ୍ରମାଣିତ କରି ସମଗ୍ର ଓଡ଼ିଶା ସେବା ଅଭିଯାନ ପାଇଁ ପ୍ରେରଣାର ଉତ୍ସ ପାଲଟିଛନ୍ତି। ବିନୋଦ ଲୋହାର ନିଜ ଅଟୋରୁ ଯାହା ଆୟ କରନ୍ତି, ସେଥିରୁ ପରିବାର ପ୍ରତିପୋଷଣ ପରେ ବଳକା ଅର୍ଥକୁ ଦୁଃଖୀ ଓ ରଙ୍କି ମାନଙ୍କ ସେବାରେ ଲଗାଇ ଦିଅନ୍ତି। ପ୍ରତ୍ୟେକ ଦିନ ମଙ୍ଗଳବାର, ୨୩/୦୬/୨୦୨୬ ରେ ସକାଳ ୧୧ଟାରୁ ଅପରାହ୍ନ ୧ଟା ପର୍ଯ୍ୟନ୍ତ ସେ ନିଜ ଅଟୋରେ ଗରିବ ଜନତାଙ୍କୁ ସମ୍ପୂର୍ଣ୍ଣ ନିଃଶୁଳ୍କ ସେବା ଯୋଗାଇଥାନ୍ତି। ବାରିପଦା ବସ୍ ଷ୍ଟାଣ୍ଡରୁ ଡାକ୍ତରଖାନା ଏବଂ ଡାକ୍ତରଖାନାରୁ ବସ୍ ଷ୍ଟାଣ୍ଡ ପର୍ଯ୍ୟନ୍ତ ସମସ୍ତଙ୍କୁ ବିନା ମୂଲ୍ୟରେ ପରିବହନ କରିଥାନ୍ତି। ସେ ଗରିବ ଲୋକଙ୍କ ପାଇଁ ଅଟୋକୁ ଅତି ସୁନ୍ଦର ଭାବରେ ସଜାଇଛନ୍ତି। ଯାତ୍ରୀମାନଙ୍କୁ ଜଳଦାନ କରିବା ସହିତ ଧଳା ଗାମୁଛା ପ୍ରଦାନ କରି ଅଂଶୁଘାତ ପ୍ରତି ସଚେତନ କରାଇଥାନ୍ତି। ଏତଦ୍ ବ୍ୟତୀତ, ସେ ଜଣେ ନିୟମିତ ରକ୍ତଦାତା, ଭୋକିଲା ଲୋକଙ୍କୁ ଖାଦ୍ୟ ଦେଇଥାନ୍ତି ଏବଂ ଦିବ୍ୟାଙ୍ଗମାନଙ୍କୁ ୨୪ ଘଣ୍ଟା ମାଗଣା ସେବା ଯୋଗାଇଥାନ୍ତି। ଏହି ମହତ କାର୍ଯ୍ୟରେ ତାଙ୍କ ସ୍ତ୍ରୀ ମଧ୍ୟ ତାଙ୍କୁ ସହଯୋଗ କରନ୍ତି। ବିନୋଦ ଲୋହାର ବର୍ତ୍ତମାନ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି ଏବଂ ସମଗ୍ର ଓଡ଼ିଶାର ସ୍ବେଛାସେବୀ ଓ ସ୍ବେଛାସେବୀ ଅନୁଷ୍ଠାନ ପାଇଁ ପ୍ରେରଣାର ଉତ୍ସ ପାଲଟିଛନ୍ତି।

ଶ୍ରୀ ମହାବୀର ପଞ୍ଚାଙ୍ଗ ଅନୁସାରେ ୨୩ ଜୁନ୍ ୨୦୨୬ ମଙ୍ଗଳବାର ଦିନ ମିଥୁନ ରାଶିର ଦି୯ନ ରହିଛି। ଜ୍ୟେଷ୍ଠ ଶୁକ୍ଳ ନବମୀ ଦିବା ଘ୪।୧୬ ପର୍ଯ୍ୟନ୍ତ ଏବଂ ହସ୍ତା ନକ୍ଷତ୍ର ଦିବା ଘ୧୨।୧୪ ପର୍ଯ୍ୟନ୍ତ ରହିବ। ଏହି ଦିନ କନ୍ୟା ଚନ୍ଦ୍ର ରାତ୍ରି ଘ୧।୧୩ ପର୍ଯ୍ୟନ୍ତ ଥିବା ବେଳେ, ଭାରତୀୟ ସାଧାରଣ ସମୟ ଅନୁସାରେ ସକାଳ ଘ୫।୧୨।୩୮ ରେ ସୂର୍ଯ୍ୟୋଦୟ ଏବଂ ସନ୍ଧ୍ୟା ଘ୬।୨୪।୪୦ ରେ ସୂର୍ଯ୍ୟାସ୍ତ ହେବ। ଯୋଗିନୀ ପୂର୍ବ ଦିଗରେ ଥିବା ବେଳେ ଦିବା ଘ୪।୧୬ ପରେ ଉତ୍ତର ଦିଗକୁ ଗତି କରିବ। ଆଜି ଶୁଭକର୍ମ ପାଇଁ ଅନୁକୂଳ ନାହିଁ। ବୃଷ ରାଶି ପାଇଁ ଘାତଚନ୍ଦ୍ର ଏବଂ ମକର ରାଶି ପାଇଁ ଘାତବାର ରହିଛି। ଦିବା ଘ୧୨।୧୪ ପରେ ସ୍ବାତୀ, ବିଶାଖା, ଜ୍ୟେଷ୍ଠା, ପୂର୍ବାଷାଢ଼ା, ଶ୍ରବଣା, ଶତଭିଷା, ପୂର୍ବଭାଦ୍ର, ରେବତୀ, ଦ୍ଵିଜା, ରୋହିଣୀ, ଆର୍ଦ୍ରା, ପୁନର୍ବସୁ, ଅଶ୍ଳେଷା, ପୂର୍ବାଫାଃ, ହସ୍ତା ନକ୍ଷତ୍ରମାନଙ୍କ ପାଇଁ ତାରାଶୁଦ୍ଧି ରହିଛି। ସେହିପରି, ରାତ୍ରି ଘ୧।୧୩ ପରେ ତୁଳା, ଧନୁ, ମକର, କୁମ୍ଭ, ମେଷ, ବୃଷ, ମିଥୁନ, ସିଂହ, କନ୍ୟା ରାଶିମାନଙ୍କ ପାଇଁ ଚନ୍ଦ୍ରଶୁଦ୍ଧି ରହିବ। ଦିବା ଘ୬।୫୨ ରୁ ଘ୮।୩୧ ମଧ୍ୟେ ବାରବେଳା ଏବଂ ଘ୧ ।୨୭ ରୁ ଘ୩।୬ ମଧ୍ୟେ କାଳବେଳା ପଡୁଥିବା ବେଳେ, ରାତ୍ରି ଘ୭।୪୬ ରୁ ଘ୯।୭ ମଧ୍ୟେ କାଳରାତ୍ରି ରହିଛି। ମୃତେ ପାଦଦୋଷ ଯୋଗୁଁ କୃଷିହାନି ଓ ଭୂମିଦାନର ସମ୍ଭାବନା ରହିଛି। ନବମୀର ଏକୋଦ୍ଦିଷ୍ଟ ଓ ପାର୍ବଣ ଶ୍ରାଦ୍ଧ କରାଯିବ। ଦିବା ଘ୪।୧୬ ପରେ ଅଲାବୁ (ଲାଉ) ଓ କଳମ୍ବୀ (କଳମ ଶାଗ) ଭକ୍ଷଣ ନିଷେଧ କରାଯାଇଛି। ଆଜିର ଦୈନିକ ରାଶିଫଳ ଅନୁସାରେ, ମେଷ ରାଶିର ବ୍ୟକ୍ତିମାନେ କାର୍ଯ୍ୟଦକ୍ଷତା ହେତୁ ସୁନାମ ଓ ସଫଳତା ପାଇବେ, କିନ୍ତୁ କଳହରୁ ଦୂରେଇ ରହିବାକୁ ପଡିପାରେ। ବୃଷ ରାଶିର ବ୍ୟକ୍ତିମାନେ ସବୁ କାର୍ଯ୍ୟ ଭାବିଚିନ୍ତି କରିବା ଉଚିତ୍, କାରଣ ଅସମ୍ପୂର୍ଣ୍ଣ କାର୍ଯ୍ୟ କଷ୍ଟକର ହୋଇପାରେ। ମିଥୁନ ରାଶିର ବ୍ୟକ୍ତିମାନଙ୍କ ପାଇଁ ପାରିବାରିକ ସମସ୍ୟା ଓ ଅର୍ଥର ବୋଝ ମନକୁ ବିଚଳିତ କରିବ ଏବଂ କର୍ମକ୍ଷେତ୍ରରେ କୈଫିୟତ୍ ଦେବାକୁ ପଡିପାରେ। କର୍କଟ ରାଶି ପାଇଁ ଦିନଟି ଆନନ୍ଦ ପ୍ରଦାନ କରିବ, ମାତ୍ର ମିଥ୍ୟା ଗୁଜବ ମନକୁ ଆତଙ୍କିତ କରିପାରେ। ସିଂହ ରାଶିର ବ୍ୟକ୍ତିମାନଙ୍କର ଅସାବଧାନତା ବଶତଃ ଧନ ହାନିର ଯୋଗ ରହିଛି ଏବଂ ନୂତନ ପଦକ୍ଷେପ ନେବା ପୂର୍ବରୁ ଚିନ୍ତା କରିବା ଆବଶ୍ୟକ। କନ୍ୟା ରାଶିର ବ୍ୟକ୍ତିମାନଙ୍କୁ ଯାହା ପାଇବେ ତାହା ଠାରୁ ଦୁଇଗୁଣ ଖର୍ଚ୍ଚ କରିବାକୁ ପଡିବ ଏବଂ ଅପ୍ରତ୍ୟାଶିତ ବ୍ୟକ୍ତିଙ୍କ ଉପସ୍ଥିତି ଲକ୍ଷ୍ୟ ହାସଲରେ ପ୍ରତିବନ୍ଧକ ସୃଷ୍ଟି କରିବ। ତୁଳା ରାଶି ପାଇଁ ପୂର୍ବପରିକଳ୍ପତ କାମଗୁଡିକ ସମ୍ପନ୍ନ କରିବାରେ କୌଣସି ଅସୁବିଧା ହେବ ନାହିଁ ଏବଂ ସାମାଜିକ ସ୍ତରରେ ସମ୍ମାନ ଲାଭ କରିବେ। ବିଛା ରାଶି ପାଇଁ ପାରିବାରିକ ସ୍ଥିତିରେ ଉନ୍ନତି ପରିଲକ୍ଷିତ ହେବ, କିନ୍ତୁ ଭୁଲ ବୁଝାମଣା ଯୋଗୁଁ କର୍ମକ୍ଷେତ୍ରରେ ସନ୍ଦେହ ବଢିପାରେ। ଧନୁ ରାଶିର ବ୍ୟକ୍ତିମାନଙ୍କୁ ଯେତିକି ମିଳୁଛି ସେତିକିରେ ସନ୍ତୁଷ୍ଟ ରହିବା ଭଲ, କାରଣ ଅଧିକ ଆଶା କରି କିଛି ଲାଭ ହେବନାହିଁ। ମକର ରାଶିର ବ୍ୟକ୍ତିମାନେ କେତେକ ଅବହେଳିତ କାମ ସକାଶେ ଚିନ୍ତା କରିପାରନ୍ତି ଏବଂ ପ୍ରତିବନ୍ଧକ ଯୋଗୁଁ ପ୍ରଗତିରେ ଅଗ୍ରଗତି ହୋଇପାରିବ ନାହିଁ। କୁମ୍ଭ ରାଶି ପାଇଁ ପିଲାମାନଙ୍କ ସମସ୍ୟା ସହଜରେ ସମାଧାନ ହୋଇଯିବ, କିନ୍ତୁ ନିଜର ଆତ୍ମୀୟମାନେ ହଠାତ୍ ଶତ୍ରୁତା କରିପାରନ୍ତି। ମୀନ ରାଶି ପାଇଁ ପରିଜନଙ୍କ ସହ ଯାତ୍ରା ସଫଳତା ଆଣିଦେବ, ମାତ୍ର ପରକଥାରେ ପଡି ନିଜ ଲୋକଙ୍କୁ ଭୁଲ ବୁଝିପାରନ୍ତି, ଯାହା ମହଙ୍ଗା ପଡିପାରେ। ଶୁଭ ଓ ମାହେନ୍ଦ୍ର ବେଳା ନିମନ୍ତେ, ଅମୃତ ବେଳା ଦିବା ଘ୭।୩୭ ମଧ୍ୟେ, ଘ୯।୧୩ ଗତେ ରାତ୍ରି ଘ୧୧।୩୭ ମଧ୍ୟେ, ଘ୨।୪୯ ଗତେ ଘ୩।୩୭ ମଧ୍ୟେ, ରାତ୍ରି ଘ୭।୧୩ ମଧ୍ୟେ ଏବଂ ଘ୧୨ ।୪୯ ଗତେ ଘ୩।୧୩ ମଧ୍ୟେ ରହିଛି। ସେହିପରି, ମାହେନ୍ଦ୍ର ବେଳା ଦିବା ଘ୨।୧ ଗତେ ଘ୨।୪୯ ମଧ୍ୟେ, ଘ୩।୩୭ ଗତେ ଘ୪।୨୫ ମଧ୍ୟେ ଏବଂ ରାତ୍ରି ଘ୮ ।୪୯ ଗତେ ଘ୧୦।୨୫ ମଧ୍ୟେ ରହିବ।

ଉତ୍କଳ ପ୍ରାଦେଶିକ ମାରୱାଡ଼ି ସମ୍ମିଳନୀ (ୟୁପିଏମଏସ)ର ନବଗଠିତ ପ୍ରାନ୍ତୀୟ କାର୍ଯ୍ୟକାରିଣୀ (୨୦୨୬-୨୮)ର ପ୍ରଥମ ପ୍ରାନ୍ତୀୟ ବୈଠକ ରବିବାର ଦିନ ଜୁନାଗଡ଼ସ୍ଥିତ ଶ୍ରୀ ଅଗ୍ରସେନ ଭବନରେ ସଫଳତାର ସହ ସମ୍ପନ୍ନ ହୋଇଛି। ଏହି ବୈଠକରେ ଓଡ଼ିଶାର ୭୧ଟି ଶାଖାରୁ ପ୍ରାୟ ୩୦୦ ଜଣ ପ୍ରତିନିଧି ଯୋଗଦେଇ ସଂଗଠନର ଭବିଷ୍ୟତ କାର୍ଯ୍ୟଯୋଜନା, ସେବା ପ୍ରକଳ୍ପ ଏବଂ ସାମାଜିକ ବିକାଶ ସମ୍ବନ୍ଧୀୟ ବିଭିନ୍ନ ବିଷୟରେ ବିସ୍ତୃତ ଆଲୋଚନା କରିଥିଲେ। ମା’ ମାଣିକେଶ୍ୱରୀ ବିଶ୍ୱବିଦ୍ୟାଳୟ, କଳାହାଣ୍ଡିର କୁଳପତି ଡ. ପବନ କୁମାର ଅଗ୍ରୱାଲ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ପ୍ରାନ୍ତୀୟ ସଭାପତି ଡ. ସୁଭାଷ ଚନ୍ଦ୍ର ଅଗ୍ରୱାଲ ବୈଠକର ଅଧ୍ୟକ୍ଷତା କରିଥିବା ବେଳେ ପ୍ରାନ୍ତୀୟ ମହାମନ୍ତ୍ରୀ କିଶନ ଲାଲ ଅଗ୍ରୱାଲ, ପୂର୍ବତନ ପ୍ରାନ୍ତୀୟ ସଭାପତି ଦିନେଶ କୁମାର ଅଗ୍ରୱାଲ ଓ ଡ. ଗୋବିନ୍ଦ ଅଗ୍ରୱାଲ, ଉପସଭାପତି ଦୀପକ ଗୁପ୍ତା, ପ୍ରାନ୍ତୀୟ କୋଷାଧ୍ୟକ୍ଷ ସିଏ ନରେନ୍ଦ୍ର ଜୈନ, ବରିଷ୍ଠ ସଦସ୍ୟ ରମେଶ ଜୈନ ଏବଂ ଜୁନାଗଡ଼ ଶାଖା ସଭାପତି ରାଜେଶ ଅଗ୍ରୱାଲ ମଞ୍ଚାସୀନ ଥିଲେ। ବୈଠକରେ ସଦସ୍ୟତା ବୃଦ୍ଧି ଅଭିଯାନ, ଶିକ୍ଷା, ସ୍ୱାସ୍ଥ୍ୟ, ସମାଜ ସେବା, ଯୁବ ସଶକ୍ତିକରଣ ଏବଂ ସଂଗଠନକୁ ଅଧିକ ସୁଦୃଢ଼ କରିବା ନେଇ ବ୍ୟାପକ ଆଲୋଚନା ହୋଇଥିଲା। ପ୍ରାନ୍ତୀୟ କୋଷାଧ୍ୟକ୍ଷ ସିଏ ନରେନ୍ଦ୍ର ଜୈନ ସଂଗଠନର ଆୟ-ବ୍ୟୟ ଓ ଆର୍ଥିକ ସ୍ଥିତି ସମ୍ପର୍କରେ ତଥ୍ୟ ଉପସ୍ଥାପନ କରିଥିଲେ। ଏହି ଅବସରରେ ସଦସ୍ୟତା ଅଭିଯାନରେ ଉଲ୍ଲେଖନୀୟ କାର୍ଯ୍ୟ କରିଥିବା ବିଭିନ୍ନ ଶାଖା ଓ କର୍ମକର୍ତ୍ତାଙ୍କୁ ସମ୍ମାନିତ କରାଯାଇଥିଲା। ଓପିଏସସି ପରୀକ୍ଷାରେ ସଫଳତା ହାସଲ କରିଥିବା ମେଧାବୀ ଛାତ୍ରୀମାନଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା। ପ୍ରାନ୍ତୀୟ ସଭାପତି ଡ. ସୁଭାଷ ଚନ୍ଦ୍ର ଅଗ୍ରୱାଲ ଘୋଷଣା କରିଥିଲେ ଯେ, ସମ୍ମିଳନୀ ଆଗାମୀ ଦିନରେ ଶିକ୍ଷା, ସ୍ୱାସ୍ଥ୍ୟ, ସମାଜ ସେବା ଓ ଯୁବ ବିକାଶ କ୍ଷେତ୍ରରେ ନୂତନ ପ୍ରକଳ୍ପ ଆରମ୍ଭ କରିବ। ପୂର୍ବତନ ସଭାପତି ଦିନେଶ କୁମାର ଅଗ୍ରୱାଲ ମାତୃଶକ୍ତି ଓ ଯୁବବର୍ଗଙ୍କ ସକ୍ରିୟ ଭାଗିଦାରୀକୁ ସଂଗଠନର ମୁଖ୍ୟ ଶକ୍ତି ବୋଲି ମତବ୍ୟକ୍ତ କରିଥିଲେ। ଏହି ପ୍ରାନ୍ତୀୟ ବୈଠକରେ ବଲାଙ୍ଗିର ଶାଖାକୁ ତାହାର ଉତ୍କୃଷ୍ଟ ସାମାଜିକ ସେବା କାର୍ଯ୍ୟ ପାଇଁ ସମ୍ମାନିତ କରାଯାଇଥିଲା। ବୈଠକରେ ବଲାଙ୍ଗିର ଶାଖାର ସଭାପତି ସୁଶୀଲ ଅଗ୍ରୱାଲ, ସମ୍ପାଦକ କନ୍ହେୟା ଲାଲ ଅଗ୍ରୱାଲ, ପ୍ରାନ୍ତୀୟ ଉପସଭାପତି (ମୁଖ୍ୟାଳୟ) ସଞ୍ଜୟ ଅଗ୍ରୱାଲ (ଅନ୍ନୁ), ପ୍ରାନ୍ତୀୟ ମିଡିଆ ପ୍ରଭାରୀ ସାମ୍ବାଦିକ ପବନ ଅଗ୍ରୱାଲ, ପ୍ରାନ୍ତୀୟ ସମାଜ ସୁଧାର ସଂଯୋଜକ ମୋହନ ଅଗ୍ରୱାଲ, ରାଜନୈତିକ ଚେୟାରମ୍ୟାନ ବିଷ୍ଣୁ ପ୍ରସାଦ କେଡିଆ ଏବଂ ସାମ୍ବାଦିକ ମନୋଜ ଜୈନଙ୍କ ସମେତ ବହୁ ସଦସ୍ୟ ଉପସ୍ଥିତ ଥିଲେ।

କଣ୍ଟାମାଳ ବ୍ଲକ୍ ସହର ଅଞ୍ଚଳରେ ଥିବା ଶ୍ରୀଲକ୍ଷ୍ମୀ ମୋବାଇଲ ଦୋକାନରୁ ପ୍ରାୟ ୧୦ରୁ ୨୦ ଲକ୍ଷ ଟଙ୍କାର ମୋବାଇଲ ଚୋରି ହୋଇଥିବା ଅଭିଯୋଗ ହୋଇଛି। ଏହି ଘଟଣାକୁ ନେଇ କଣ୍ଟାମାଳ ପୋଲିସ ତନାଘନା ଚଳାଇଛି।