कोल्हापुरातील खेळाडूंना कुस्ती आणि फुटबॉल पाठोपाठ ऍथलेटिक्स खेळाच्या विकासासाठी संघर्ष करावा लागत आहे. या खेळाडूंना एकाच ठिकाणी विविध खेळांची मैदाने उपलब्ध करून देण्याच्या उद्देशाने, भाजप युवा मोर्चाचे प्रदेशाध्यक्ष कृष्णराज महाडिक यांनी १० कोटी रुपयांच्या निधीची मागणी करणारा प्रस्ताव तयार केला आहे. आज कोल्हापूर दौऱ्यावर आलेल्या मुख्यमंत्री देवेंद्र फडणवीस यांच्याकडे कृष्णराज महाडिक यांनी हा प्रस्ताव सादर केला. ऍथलेटिक्स खेळासाठी खेळाडूंना पाठबळाची गरज असून, जलतरण, फुटबॉल आणि हेल्थ झोनसह विविध मैदानांचा व खेळांचा एकाच ठिकाणी विकास साधण्यासाठी निधीची आवश्यकता आहे. कोल्हापुरातील टाकाळा परिसरात असलेल्या भिमा हेल्थ झोन कॅम्पसमध्ये आंतरराष्ट्रीय दर्जाचा एकमेव जलतरण तलाव आहे. या तलावाचा विकास, त्याच्या शेजारील फुटबॉल मैदानाचे आधुनिकीकरण, याच कॅम्पसमधील व्यायामशाळेचा विकास आणि अन्य खेळांच्या विकासासाठी हा निधी वापरला जाऊ शकतो. या मागणीवर लवकरच मुंबईत बैठक घेऊन कोल्हापूरच्या ऍथलेटिक्स विकासासाठी सर्वतोपरी प्रयत्न करण्याची ग्वाही मुख्यमंत्री फडणवीस यांनी दिली. भिमा हेल्थ झोनमध्ये ऍथलेटिक्सच्या विकासासाठी निधी उपलब्ध होण्याची शक्यता निर्माण झाल्याने, खेळाडूंमध्ये आनंदाचे वातावरण आहे.

E city news network

Local News Reporter करवीर, कोल्हापूर, महाराष्ट्र•

8 hrs ago

कोल्हापुरातील खेळाडूंना कुस्ती आणि फुटबॉल पाठोपाठ ऍथलेटिक्स खेळाच्या विकासासाठी संघर्ष करावा लागत आहे. या खेळाडूंना एकाच ठिकाणी विविध खेळांची मैदाने उपलब्ध करून देण्याच्या उद्देशाने, भाजप युवा मोर्चाचे प्रदेशाध्यक्ष कृष्णराज महाडिक यांनी १० कोटी रुपयांच्या निधीची मागणी करणारा प्रस्ताव तयार केला आहे. आज कोल्हापूर दौऱ्यावर आलेल्या मुख्यमंत्री देवेंद्र फडणवीस यांच्याकडे कृष्णराज महाडिक यांनी हा प्रस्ताव सादर केला. ऍथलेटिक्स खेळासाठी खेळाडूंना पाठबळाची गरज असून, जलतरण, फुटबॉल आणि हेल्थ झोनसह विविध मैदानांचा व खेळांचा एकाच ठिकाणी विकास साधण्यासाठी निधीची आवश्यकता आहे. कोल्हापुरातील टाकाळा परिसरात असलेल्या भिमा हेल्थ झोन कॅम्पसमध्ये आंतरराष्ट्रीय दर्जाचा एकमेव जलतरण तलाव आहे. या तलावाचा विकास, त्याच्या शेजारील फुटबॉल मैदानाचे आधुनिकीकरण, याच कॅम्पसमधील व्यायामशाळेचा विकास आणि अन्य खेळांच्या विकासासाठी हा निधी वापरला जाऊ शकतो. या मागणीवर लवकरच मुंबईत बैठक घेऊन कोल्हापूरच्या ऍथलेटिक्स विकासासाठी सर्वतोपरी प्रयत्न करण्याची ग्वाही मुख्यमंत्री फडणवीस यांनी दिली. भिमा हेल्थ झोनमध्ये ऍथलेटिक्सच्या विकासासाठी निधी उपलब्ध होण्याची शक्यता निर्माण झाल्याने, खेळाडूंमध्ये आनंदाचे वातावरण आहे.