ବନ ବିଭାଗ ପକ୍ଷରୁ କଇଁଛ ଚୋରାଚାଲାଣ ଉପରେ ଏକ ବଡ଼ ଧରଣର ଚଢ଼ାଉ କରାଯାଇଛି। ଏହି ଅଭିଯାନରେ ମୋଟ ୩୧୧ଟି କଇଁଛ ଜବତ କରାଯିବା ସହ ୩ ଜଣ ଚୋରାଚାଲାଣକାରୀଙ୍କୁ ଗିରଫ କରାଯାଇଛି।

କୋରାପୁଟ ଜିଲ୍ଲା କଂଗ୍ରେସ କମିଟି ପକ୍ଷରୁ ଓଡ଼ିଶା ପ୍ରଦେଶ କଂଗ୍ରେସ ପଛୁଆ ବର୍ଗ (OBC) ସାମାଜିକ ନ୍ୟାୟ ବିଭାଗର ନବନିଯୁକ୍ତ ଅଧ୍ୟକ୍ଷ ଶ୍ରୀ ସରୋଜ କୁମାର ପ୍ରଧାନଙ୍କୁ ଏକ ଭବ୍ୟ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଇଛି। କୋରାପୁଟ ଜିଲ୍ଲାରେ ଆୟୋଜିତ ଏହି କାର୍ଯ୍ୟକ୍ରମରେ କଂଗ୍ରେସ କାର୍ଯ୍ୟକର୍ତ୍ତାଙ୍କ ମଧ୍ୟରେ ଉତ୍ସାହ ଦେଖାଯାଇଥିଲା ଏବଂ ଶ୍ରୀ ପ୍ରଧାନଙ୍କୁ ତାଙ୍କ ନୂତନ ଦାୟିତ୍ୱ ପାଇଁ ଅଭିନନ୍ଦନ ଜ୍ଞାପନ କରାଯାଇଥିଲା।

ମାଲକାନଗିରିରେ ବନ୍ୟଜନ୍ତୁ ଚୋରାଚାଲାଣ ବିରୋଧରେ ବନ ବିଭାଗକୁ ଏକ ବଡ଼ ସଫଳତା ମିଳିଛି। ଆଜି ସକାଳେ ପଦ୍ମଗିରି ଛକ ନିକଟରେ ଚଢ଼ାଉ କରି ଏକ ବୋଲେରୋ ଗାଡ଼ିରୁ ମୋଟ ୩୧୧ଟି କଇଁଛ ଜବତ କରାଯିବା ସହ ୩ ଜଣ ଚୋରାଚାଲାଣକାରୀଙ୍କୁ ଗିରଫ କରାଯାଇଛି। ବିଶେଷ ସୂତ୍ରରୁ ଖବର ପାଇ ବନ କର୍ମଚାରୀମାନେ ପଦ୍ମଗିରି ଛକ ନିକଟରେ ଛକି ରହିଥିଲେ। ଆନ୍ଧ୍ରପ୍ରଦେଶରୁ କଇଁଛ ଭର୍ତ୍ତି ହୋଇ ଆସୁଥିବା ଏକ ସନ୍ଦିଗ୍ଧ ବୋଲେରୋ ଗାଡ଼ିକୁ ଅଟକାଇ ତଲାସି କରିବା ପରେ ଗାଡ଼ି ଭିତରୁ ବହୁ ପରିମାଣର କଇଁଛ ଠାବ ହୋଇଥିଲା। ଏହାପରେ ବନ ବିଭାଗ ତୁରନ୍ତ ଗାଡ଼ି ଓ କଇଁଛଗୁଡ଼ିକୁ ଜବତ କରି ମାଲକାନଗିରି ବନ୍ୟାଞ୍ଚଳ କାର୍ଯ୍ୟାଳୟକୁ ନେଇଥିଲା। ଗଣତି ବେଳେ ଏହି ୩୧୧ଟି କଇଁଛ ମଧ୍ୟରୁ ୨୮୮ଟି ଜୀବିତ ଥିବା ବେଳେ ୨୩ଟି ମୃତ ଅବସ୍ଥାରେ ଥିଲେ। ଗିରଫ ହୋଇଥିବା ଅଭିଯୁକ୍ତମାନେ ହେଲେ ଆନ୍ଧ୍ରପ୍ରଦେଶର ପୋଲାଭରମ ଜିଲ୍ଲା ଦେବରପାଲ୍ଲୀ ଗ୍ରାମର ସିଦଲା ରାଜ ରେଡି ଓ ଏନ୍. ଅମରନାଥ, ଏବଂ ମାଲକାନଗିରି ଜିଲ୍ଲାର ଏମପିଭି-୬୫ ଗ୍ରାମର ରବିନ ମିର୍ଦ୍ଧା। ବର୍ତ୍ତମାନ ସେମାନଙ୍କୁ ପଚରାଉଚରା ଜାରି ରହିଥିବା ବେଳେ ଏହି ଚୋରାଚାଲାଣ ରାକେଟ୍‌ର ଅଧିକ ଲିଙ୍କ୍‌ ଖୋଜାଯାଉଛି। ମାଲକାନଗିରି ସହାୟକ ବନ ସଂରକ୍ଷକ ଅଧିକାରୀଙ୍କ ସୂଚନା ଅନୁସାରେ, ଅଭିଯୁକ୍ତମାନଙ୍କୁ ଶୀଘ୍ର କୋର୍ଟ ଚାଲାଣ କରାଯିବ ଏବଂ ଘଟଣାର ଅଧିକ ତଦନ୍ତ ଜାରି ରହିଛି।

ମାଲକାନଗିରି ଜିଲ୍ଲାର ଏମ୍‌ଭି-୭୯ ଇରିଗେସନ୍ କଲୋନୀରେ ଏକ ମଦ ଦୋକାନ ପ୍ରତି ତୀବ୍ର ବିରୋଧ ପ୍ରଦର୍ଶନ କରାଯାଇଛି। ସ୍ଥାନୀୟ ମହିଳାମାନେ ଏହି ମଦ ଦୋକାନକୁ ବିରୋଧ କରି ଏକ ପ୍ରତିବାଦ ଶୋଭାଯାତ୍ରା କରିଛନ୍ତି।

କେନ୍ଦ୍ରାପଡ଼ା ଜିଲ୍ଲାର ପଟାମୁଣ୍ଡାଇ ବ୍ଲକ ଅନ୍ତର୍ଗତ ଗଙ୍ଗାରାମପୁର ପଞ୍ଚାୟତର ପଦ୍ମନାଭପୁର ଗ୍ରାମରେ ଏକ ଅଭାବୀ ପରିବାରକୁ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ପକ୍ଷରୁ ଶୁଦ୍ଧିକ୍ରିୟା ପାଇଁ ସହାୟତା ପ୍ରଦାନ କରାଯାଇଛି। ଓଡ଼ିଆ ଘରର ବିଧି ଓ ଶୁଦ୍ଧି ପରମ୍ପରାରେ ବିଭିନ୍ନ କାର୍ଯ୍ୟକ୍ରମ ପାଇଁ ଅର୍ଥର ଆବଶ୍ୟକତା ପଡ଼ିଥାଏ। ତେବେ ପରିବାରରେ ଅଭାବ ଅନାଟନ ଏବଂ ରୋଗ ବ୍ୟାଧି ଥିଲେ, ଏପରି କାର୍ଯ୍ୟ କରିବା କଷ୍ଟକର ହୋଇପଡ଼େ। ଏହି ଗ୍ରାମର ମଦନ ଜେନା ଜଣେ ଦିନ ମଜୁରିଆ ଥିବାବେଳେ ତାଙ୍କର ଏକମାତ୍ର ପୁଅ କାଳିଆ ଜେନା ମଧ୍ୟ ଦିନ ମଜୁରିଆ ଭାବେ କାର୍ଯ୍ୟ କରନ୍ତି। କିଛି ଦିନ ହେବ ମଦନଙ୍କ ଦେହ ଅସୁସ୍ଥ ହେବାରୁ କାଳିଆ ତାଙ୍କ ସେବା ପାଇଁ ଦିନ ମଜୁରି କାମରୁ ବିରତ ରହିଥିଲେ, ଯାହା ଫଳରେ ଘରେ ଅଭାବ ଅନାଟନ ଲାଗି ରହିଥିଲା ଏବଂ ରୋଗରେ ସଞ୍ଚିତ ଅର୍ଥ ଖର୍ଚ୍ଚ ହୋଇଯାଇଥିଲା। ଏହି ସମୟରେ ହଠାତ୍ ବାପା ମଦନଙ୍କର ମୃତ୍ୟୁ ହେବାରୁ ପୁଅ କାଳିଆ ଶୁଦ୍ଧି କାର୍ଯ୍ୟ କିପରି କରିବ, ସେହି ଚିନ୍ତାରେ ହତବାକ ହୋଇପଡ଼ିଥିଲେ। ସବୁ ସ୍ଥାନରୁ ନିରାଶ ହେବା ପରେ, ସ୍ଥାନୀୟ ଯୁବକ ବିଭୁତିଙ୍କ ସହାୟତାରେ କାଳିଆ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ବିଷୟରେ ଜାଣି ନିଜର ଦୁଃଖ ଜଣାଇଥିଲେ। ଏହାପରେ ଟ୍ରଷ୍ଟର ମୁଖପାତ୍ର ପ୍ରମୋଦ ନାୟକଙ୍କ ଦ୍ୱାରା ଏକ ଟିମ ଘଟଣାର ତଦନ୍ତ କରିଥିଲା। ଟ୍ରଷ୍ଟ ପକ୍ଷରୁ ଦଶ କର୍ମ ପାଇଁ ପରିବାରକୁ ବସ୍ତ୍ର, ଏକ ମାସ ପାଇଁ ରାସନ ସାମଗ୍ରୀ, ପନିପରିବା ଓ ଅନ୍ୟାନ୍ୟ ସାମଗ୍ରୀ ଯୋଗାଇ ଦିଆଯାଇଥିଲା। ଏଥିସହ ଦଶ କର୍ମ କରୁଥିବା ବ୍ରାହ୍ମଣ ଓ ବାରିକଙ୍କ ପାଇଁ ମଧ୍ୟ ଆର୍ଥିକ ସହାୟତା ପ୍ରଦାନ କରାଯାଇଥିଲା। ଏପରି ମାନବିକତା କାର୍ଯ୍ୟକ୍ରମ ପାଇଁ ଅଞ୍ଚଳବାସୀ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟର କର୍ମକର୍ତ୍ତାଙ୍କୁ ସାଧୁବାଦ ଜଣାଇଛନ୍ତି। ଆଜିର ଏହି କାର୍ଯ୍ୟକ୍ରମରେ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟର ସଭାପତି ଦମନ ମହାନ୍ତି, ପରାମର୍ଶଦାତା ନିମାଇଁ ଚରଣ କର, ସାଧାରଣ ସମ୍ପାଦକ ସତ୍ୟବ୍ରତ ପ୍ରଧାନ, ସଂସ୍କୃତି ବିଭାଗୀୟ ଅଧିକାରୀ ସଂଜୀବ ତରାଇ, ଉପଦେଷ୍ଟା ବିଷ୍ଣୁ ଚରଣ ମହାପାତ୍ର, ବୈଭବ ମହାନ୍ତି, ଉତ୍ପଳ ଚାଟାଜି, ହୃଷିକେଶ ମହାନ୍ତି, ମାନସ ପାତ୍ର, ସୁରେନ୍ଦ୍ର ପରିଡା, ବଳରାମ ଦାସ, ବିଶ୍ୱଜିତ ମହାପାତ୍ର ଓ ସୋରୂପ ଜେନା ସହଯୋଗ କରିଥିଲେ।

ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ବ୍ଲକରେ ଓଡ଼ିଶାରେ ବିଜେପି ସରକାରଙ୍କ ଦୁଇ ବର୍ଷ ପୂର୍ତ୍ତି ଅବସରରେ ଆୟୋଜିତ 'ବିକାଶର ଧାରା ଓଡ଼ିଶା ସାରା' କାର୍ଯ୍ୟକ୍ରମର ଉଦ୍‌ଯାପିତ ଦିବସ ପାଳିତ ହୋଇଯାଇଛି। ଏହି ଅବସରରେ କବିସୂର୍ଯ୍ୟନଗର ବିଧାୟକ ପ୍ରତାପ ଚନ୍ଦ୍ର ନାୟକ ଏବଂ ଆସ୍କା ବିଧାୟକ ସରୋଜ କୁମାର ପାଢ଼ୀ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ସେମାନେ ଓଡ଼ିଶା ସରକାରଙ୍କ ଦୁଇ ବର୍ଷର ସଫଳତା ଏବଂ ବିଭିନ୍ନ ଜନକଲ୍ୟାଣମୂଳକ ଯୋଜନାକୁ ଲୋକଙ୍କ ନିକଟରେ ପହଞ୍ଚାଇବା ପାଇଁ ସ୍ଥାନୀୟ ପ୍ରଶାସନିକ ଅଧିକାରୀଙ୍କୁ ନିର୍ଦ୍ଦେଶ ଦେବା ସହିତ ଜନସାଧାରଣ କିପରି ଏହି ଯୋଜନାରୁ ସୁଫଳ ପାଇବେ ସେ ନେଇ ଗୁରୁତ୍ୱ ଦେବାକୁ କହିଥିଲେ। ଏହି କାର୍ଯ୍ୟକ୍ରମରେ ଅନ୍ତର୍ଦ୍ଦୋୟ ଗୃହ ଯୋଜନାରେ ୨୦ ଜଣଙ୍କୁ, ମୁଖ୍ୟମନ୍ତ୍ରୀ ଅନ୍ନପୂର୍ଣ୍ଣା ଯୋଜନାରେ ୩୩୮ ଜଣଙ୍କୁ ଏବଂ ଲକ୍ଷ୍ୟପତି ଦିଦି ଯୋଜନାରେ ୩୮ ଜଣଙ୍କୁ ସରକାରୀ ସୁବିଧା ପ୍ରଦାନ କରାଯାଇଥିଲା। କବିସୂର୍ଯ୍ୟନଗର ବିଡିଓ ରାଜେନ୍ଦ୍ର ପ୍ରସାଦ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଜନପ୍ରତିନିଧି, ଅଧିକାରୀ ଏବଂ ସାଧାରଣ ଲୋକଙ୍କ ବ୍ୟାପକ ସହଭାଗିତା ଦେଖିବାକୁ ମିଳିଥିଲା। ବକ୍ତାମାନେ ରାଜ୍ୟ ସରକାରଙ୍କ ଦୁଇ ବର୍ଷର କାର୍ଯ୍ୟକାଳ ମଧ୍ୟରେ କାର୍ଯ୍ୟକାରୀ ହୋଇଥିବା ବିଭିନ୍ନ ଜନହିତକାରୀ ଯୋଜନା ଓ ବିକାଶମୂଳକ ପଦକ୍ଷେପ ଉପରେ ଆଲୋକପାତ କରିଥିଲେ। ବିଶେଷକରି, କୃଷକ କଲ୍ୟାଣ, ମହିଳା ସଶକ୍ତିକରଣ, ଶିକ୍ଷା, ସ୍ୱାସ୍ଥ୍ୟସେବା ଏବଂ ଭିତ୍ତିଭୂମି ବିକାଶ କ୍ଷେତ୍ରରେ ସରକାରଙ୍କ ସଫଳତା ଉପରେ ଗୁରୁତ୍ୱାରୋପ କରାଯାଇ ଉପସ୍ଥିତ ଲୋକଙ୍କୁ ଅବଗତ କରାଯାଇଥିଲା।

କୋରାପୁଟରେ ସରୋଜ କୁମାର ପ୍ରଧାନଙ୍କୁଭବ୍ୟ ସ୍ୱାଗତ OBC Cell କର୍ମକର୍ତ୍ତା ଚୟନ କାର୍ଯ୍ୟକ୍ରମ ସମ୍ପନ୍ନ କୋରାପୁଟରେ ସରୋଜ କୁମାର ପ୍ରଧାନଙ୍କୁଭବ୍ୟ ସ୍ୱାଗତ OBC Cell କର୍ମକର୍ତ୍ତା ଚୟନ କାର୍ଯ୍ୟକ୍ରମ ସମ୍ପନ୍ନ

ମାଲକାନଗିରିରୁ ଏକ ବଡ଼ ଧରଣର ଚଢ଼ାଉରେ ୩୧୧ କଇଁଛ ଜବତ କରାଯାଇଛି। ଏହି ଘଟଣାରେ ପୋଲିସ ୩ ଜଣ ଚୋରାଚାଲାଣକାରୀଙ୍କୁ ଗିରଫ କରିଥିବା ସୂଚନା ମିଳିଛି।

ଓଡ଼ିଶାର ବରଗଡ଼ ଜିଲ୍ଲାର ପାଇକମାଲ ବ୍ଲକ ଅନ୍ତର୍ଗତ କାଣ୍ଟାପଡା ଗାଁରେ ଆଜି ସକାଳେ ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି। ବରଗଡ଼ ସାଂସଦ ପ୍ରଦୀପ ପୁରୋହିତଙ୍କ ନିର୍ବାଚନ ମଣ୍ଡଳୀ ପାଇକମାଲର ଆଦର୍ଶ ବ୍ଲକରେ ଜଣେ ବୃଦ୍ଧା ମହିଳାଙ୍କର ମୃତ୍ୟୁ ହୋଇଯାଇଥିଲା। ତେବେ କେହି ଶବକୁ କାନ୍ଧ ଦେବାକୁ ନ ଆସିବାରୁ ତାଙ୍କ ନାତି ଏବଂ ଝିଅ ମୃତଦେହକୁ ଏକ ସାଇକେଲର କ୍ୟାରିଅରରେ ବୋହି ଶ୍ମଶାନ ଘାଟ ପର୍ଯ୍ୟନ୍ତ ନେଇଥିଲେ ଏବଂ ସେଠାରେ ଅନ୍ତିମ ସଂସ୍କାର ସାରି ଫେରିଥିଲେ। ଏହି ଘଟଣା ଓଡ଼ିଶାରେ ସରକାରୀ ବ୍ୟବସ୍ଥା ଉପରେ ପୁଣି ଥରେ ପ୍ରଶ୍ନବାଚୀ ସୃଷ୍ଟି କରିଛି। କିଛି ଦିନ ପୂର୍ବରୁ ଓଡ଼ିଶାର ଏକ ବ୍ୟାଙ୍କରେ ଶବକୁ କାନ୍ଧରେ ବୋହି ନେବା ଘଟଣାକୁ ନେଇ ସରକାରୀ ବ୍ୟବସ୍ଥା ନିନ୍ଦିତ ହୋଇଥିବା ବେଳେ ବରଗଡ଼ ଜିଲ୍ଲାର ପାଇକମାଲ ଅଞ୍ଚଳର ଏହି ନୂତନ ଘଟଣା ଓଡ଼ିଶାର ଲୋକଙ୍କ ସାମାଜିକ ଅସହାୟତା ତଥା ଶାସକ ଓ ଶାସନ ଉପରେ ପ୍ରଶ୍ନ ଠିଆ କରିଦେଇଛି। ଏହି ପ୍ରସଙ୍ଗ ଏବେ ସାରା ଓଡ଼ିଶାରେ ଚର୍ଚ୍ଚାର ବିଷୟ ପାଲଟିଛି।

ଏକ ଭୟଙ୍କର ଭୂକମ୍ପରେ ବଡ଼ ବଡ଼ ବିଲ୍ଡିଂଗୁଡ଼ିକ ତାସ୍ ଘର ଭଳି ଭୁଶୁଡ଼ି ପଡ଼ିଛି। ଏହି ପ୍ରକୃତିର ତାଣ୍ଡବରେ ଚାରିଆଡ଼େ ବିକଳ ରଡ଼ି ଓ ମୃତ୍ୟୁର ଆର୍ତ୍ତଚିତ୍କାର ଶୁଣିବାକୁ ମିଳିଛି, ଯେଉଁଥିରେ ୧୦ ହଜାରରୁ ଅଧିକ ଜୀବନ ଚାଲିଯାଇଛି। ସହରଟି ଶ୍ମଶାନ ପାଲଟି ଯାଇଛି ଏବଂ ଯୁଆଡ଼େ ଦେଖିଲେ ଖାଲି ଭଙ୍ଗା କୋଠାର ମାଳ ମାଳ ଅବଶେଷ ପଡ଼ିରହିଛି।