ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଖଣ୍ଡହତା ଗ୍ରାମରେ ଏକ ବଜ୍ରାଘାତ ଘଟଣାରେ ଜଣେ ଗରିବ ଗୋଚାଷୀ ଉଚ୍ଚେଶ୍ୱର ବାଘଙ୍କର ତିନୋଟି ଗୋରୁଙ୍କ ମୃତ୍ୟୁ ହୋଇଛି, ଯାହା ତାଙ୍କ ଉପରେ ଦୁଃଖର ପାହାଡ଼ ଭାଙ୍ଗି ପଡ଼ିବା ସଦୃଶ ହୋଇଛି। ମୃତ ଗୋରୁମାନଙ୍କ ମଧ୍ୟରେ ଗୋଟିଏ ବଡ଼ ଗାଈ ଓ ଗୋଟିଏ ବାଛୁରୀ ସାମିଲ ଥିଲେ। ସୂଚନା ଅନୁଯାୟୀ, ଶୁକ୍ରବାର ଅପରାହ୍ନ ପ୍ରାୟ ସାଢେ ୩ଟା ସମୟରେ ଖଣ୍ଡହତା ହାଟପଦା ଅଞ୍ଚଳରେ କାଳବୈଶାଖୀ ପ୍ରଭାବରେ ବିଜୁଳି ଓ ଘଡ଼ଘଡ଼ି ସହ ପ୍ରବଳ ବର୍ଷା ହୋଇଥିଲା। ବର୍ଷାରୁ ରକ୍ଷା ପାଇବା ପାଇଁ ଶ୍ରୀ ବାଘଙ୍କ ଗୋରୁମାନେ ଚରିବାକୁ ଯାଇଥିବା ବେଳେ ହାଟପଦାସ୍ଥିତ ଏକ ବରଗଛ ତଳେ ଆଶ୍ରୟ ନେଇଥିଲେ। ହେଲେ ହଠାତ୍ ବଜ୍ରପାତ ଘଟିବାରୁ ତିନୋଟି ଯାକ ଗୋରୁ ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ। ଘଟଣା ସମ୍ପର୍କରେ ଖଣ୍ଡହତା ରାଜସ୍ୱ ନିରୀକ୍ଷକ ପୀତାମ୍ବର ସାହୁଙ୍କୁ ଅବଗତ କରାଯିବା ପରେ ସେ ଘଟଣାସ୍ଥଳରେ ପହଞ୍ଚି ସ୍ଥିତିର ତଦନ୍ତ କରିଥିଲେ। ଗୋଚାଷୀ ଉଚ୍ଚେଶ୍ୱର ବାଘ ଅଭିଯୋଗ କରିଛନ୍ତି ଯେ ମୃତ ଗୋରୁମାନଙ୍କ ଆନୁମାନିକ ମୂଲ୍ୟ ଏକ ଲକ୍ଷ ଟଙ୍କାରୁ ଅଧିକ ହେବ। ଏନେଇ ସେ ବୀରମହାରାଜପୁର ତହସିଲଦାରଙ୍କ ନିକଟରେ ଲିଖିତ ଆବେଦନ କରିଛନ୍ତି ଏବଂ ଶନିବାର ମୃତ ଗୋରୁମାନଙ୍କ ଶବ ବ୍ୟବଚ୍ଛେଦ କରାଯିବ ବୋଲି ଜଣାପଡ଼ିଛି। ଉଚ୍ଚେଶ୍ୱର ବାଘ ଦୀର୍ଘଦିନ ଧରି ଗୋପାଳନ କରି କ୍ଷୀର ବିକ୍ରି ମାଧ୍ୟମରେ ନିଜ ପରିବାର ପ୍ରତିପୋଷଣ କରୁଥିଲେ। ତେଣୁ, ଏହି ବଡ଼ କ୍ଷତି ତାଙ୍କ ପାଇଁ ଏକ ଗୁରୁତର ଆର୍ଥିକ ଆଘାତ ସୃଷ୍ଟି କରିଛି। ସେ ଜଣେ ଗରିବ ଗୋଚାଷୀ ହୋଇଥିବାରୁ, ତାଙ୍କୁ ତୁରନ୍ତ ସରକାରୀ କ୍ଷତିପୂରଣ ଓ ସହାୟତା ଯୋଗାଇ ଦେବାକୁ ସ୍ଥାନୀୟ ଅଞ୍ଚଳରେ ଦାବି ଜୋର ଧରିଛି।

Pitambar Sahu

Reporter ବୀରମହାରାଜପୁର, ସୋନପୁର, ଓଡ଼ିଶା•

2 hrs ago

ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଖଣ୍ଡହତା ଗ୍ରାମରେ ଏକ ବଜ୍ରାଘାତ ଘଟଣାରେ ଜଣେ ଗରିବ ଗୋଚାଷୀ ଉଚ୍ଚେଶ୍ୱର ବାଘଙ୍କର ତିନୋଟି ଗୋରୁଙ୍କ ମୃତ୍ୟୁ ହୋଇଛି, ଯାହା ତାଙ୍କ ଉପରେ ଦୁଃଖର ପାହାଡ଼ ଭାଙ୍ଗି ପଡ଼ିବା ସଦୃଶ ହୋଇଛି। ମୃତ ଗୋରୁମାନଙ୍କ ମଧ୍ୟରେ ଗୋଟିଏ ବଡ଼ ଗାଈ ଓ ଗୋଟିଏ ବାଛୁରୀ ସାମିଲ ଥିଲେ। ସୂଚନା ଅନୁଯାୟୀ, ଶୁକ୍ରବାର ଅପରାହ୍ନ ପ୍ରାୟ ସାଢେ ୩ଟା ସମୟରେ ଖଣ୍ଡହତା ହାଟପଦା ଅଞ୍ଚଳରେ କାଳବୈଶାଖୀ ପ୍ରଭାବରେ ବିଜୁଳି ଓ ଘଡ଼ଘଡ଼ି ସହ ପ୍ରବଳ ବର୍ଷା ହୋଇଥିଲା। ବର୍ଷାରୁ ରକ୍ଷା ପାଇବା ପାଇଁ ଶ୍ରୀ ବାଘଙ୍କ ଗୋରୁମାନେ ଚରିବାକୁ ଯାଇଥିବା ବେଳେ ହାଟପଦାସ୍ଥିତ ଏକ ବରଗଛ ତଳେ ଆଶ୍ରୟ ନେଇଥିଲେ। ହେଲେ ହଠାତ୍ ବଜ୍ରପାତ ଘଟିବାରୁ ତିନୋଟି ଯାକ ଗୋରୁ ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ। ଘଟଣା ସମ୍ପର୍କରେ ଖଣ୍ଡହତା

ରାଜସ୍ୱ ନିରୀକ୍ଷକ ପୀତାମ୍ବର ସାହୁଙ୍କୁ ଅବଗତ କରାଯିବା ପରେ ସେ ଘଟଣାସ୍ଥଳରେ ପହଞ୍ଚି ସ୍ଥିତିର ତଦନ୍ତ କରିଥିଲେ। ଗୋଚାଷୀ ଉଚ୍ଚେଶ୍ୱର ବାଘ ଅଭିଯୋଗ କରିଛନ୍ତି ଯେ ମୃତ ଗୋରୁମାନଙ୍କ ଆନୁମାନିକ ମୂଲ୍ୟ ଏକ ଲକ୍ଷ ଟଙ୍କାରୁ ଅଧିକ ହେବ। ଏନେଇ ସେ ବୀରମହାରାଜପୁର ତହସିଲଦାରଙ୍କ ନିକଟରେ ଲିଖିତ ଆବେଦନ କରିଛନ୍ତି ଏବଂ ଶନିବାର ମୃତ ଗୋରୁମାନଙ୍କ ଶବ ବ୍ୟବଚ୍ଛେଦ କରାଯିବ ବୋଲି ଜଣାପଡ଼ିଛି। ଉଚ୍ଚେଶ୍ୱର ବାଘ ଦୀର୍ଘଦିନ ଧରି ଗୋପାଳନ କରି କ୍ଷୀର ବିକ୍ରି ମାଧ୍ୟମରେ ନିଜ ପରିବାର ପ୍ରତିପୋଷଣ କରୁଥିଲେ। ତେଣୁ, ଏହି ବଡ଼ କ୍ଷତି ତାଙ୍କ ପାଇଁ ଏକ ଗୁରୁତର ଆର୍ଥିକ ଆଘାତ ସୃଷ୍ଟି କରିଛି। ସେ ଜଣେ ଗରିବ ଗୋଚାଷୀ ହୋଇଥିବାରୁ, ତାଙ୍କୁ ତୁରନ୍ତ ସରକାରୀ କ୍ଷତିପୂରଣ ଓ ସହାୟତା ଯୋଗାଇ ଦେବାକୁ ସ୍ଥାନୀୟ ଅଞ୍ଚଳରେ ଦାବି ଜୋର ଧରିଛି।