મોરબી તાલુકાના બગથળા સેજાની ગોર ખીજડીયા આંગણવાડીમાં ગેસના બાટલાની અછત મુદ્દે આઈ.સી.ડી.એસ. વિભાગના ઉચ્ચ અધિકારીઓ સમક્ષ રજૂઆત કરવામાં આવતા, અધિકારીઓએ સમસ્યા ઉકેલવાના બદલે ઉદ્ધત વર્તન કર્યું હતું. આ ઘટના બાદ સોમવારે બગથળા સેજાની ૮ થી ૧૦ આંગણવાડી વર્કરો અને હેલ્પરના સામૂહિક રાજીનામા પડવાની સંભાવના છે, જે આઈ.સી.ડી.એસ. વિભાગના અધિકારીઓ સામે આંગણવાડી વર્કરોમાં ભારે રોષ દર્શાવે છે. પ્રાપ્ત માહિતી અનુસાર, મોરબી તાલુકાના બગથળા સેજાની ગોર ખીજડીયા આંગણવાડીમાં ૩૨ બાળકો શિક્ષણ મેળવી રહ્યા છે, જેમનાં માટે દિવસમાં ત્રણ વખત નાસ્તો બનાવવામાં આવે છે. આ માટે આઈ.સી.ડી.એસ. વિભાગ દ્વારા વર્ષે ફક્ત ત્રણ ગેસના બાટલા ફાળવવામાં આવે છે, જે અપૂરતા છે, કારણ કે આંગણવાડીને વર્ષ દરમિયાન સાત બાટલાની જરૂર પડે છે. આ અંગે આંગણવાડીના વર્કરે સરપંચને રજૂઆત કરી હતી, જેના પગલે સરપંચે (જેમની પત્ની ગોર ખીજડીયા આંગણવાડીમાં નોકરી કરે છે) આઈ.સી.ડી.એસ. વિભાગના ઉચ્ચ અધિકારીઓ જેવા કે પ્રોગ્રામ ઓફિસર (પી.ઓ.) અને સી.ડી.પી.ઓ. સમક્ષ ફરિયાદ કરી હતી, જેના જવાબમાં અધિકારીઓએ માત્ર 'હા થય જાશે' એમ કહી વાત ટાળી દીધી હતી. ઉલ્લેખનીય છે કે, બગથળા સેજાની આંગણવાડી વર્કરોની એક બેઠક દરમિયાન, ગોર ખીજડીયા આંગણવાડીમાં કાર્યરત વર્કર પણ ત્યાં હાજર હતા. બેઠક સમાપ્ત થયા બાદ, આ અધિકારીઓએ ગોર ખીજડીયા આંગણવાડીના વર્કર સાથે અત્યંત ઉદ્ધત વર્તન કર્યું હતું અને ધાકધમકીભર્યા સ્વરે કહ્યું હતું કે, 'તમારા ઘરના સરપંચ છે તો અમને કાંઈ ફર્ક નહીં પડે'. અધિકારીઓ દ્વારા કર્મચારીઓ પર રોફ જમાવવામાં આવ્યો હતો. આ સમગ્ર ઘટના આઈ.સી.ડી.એસ. વિભાગના અધિકારીઓની ઘોર બેદરકારી દર્શાવે છે, જેઓ વર્કરો સાથે મનફાવે તેમ વર્તન કરી રહ્યા છે. આ ઉપરાંત, આંગણવાડીના વર્કરોને બાળકોના શિક્ષણ ઉપરાંત ગેસના બાટલા ખરીદવા માટે દાતાઓ શોધવાની પણ જવાબદારી સોંપવામાં આવી રહી છે, જેની યોગ્યતા સામે સવાલો ઉભા થયા છે. ઉચ્ચ અધિકારીઓના આવા વર્તનના કારણે જ બગથળા સેજા હેઠળ આવતી આંગણવાડીઓમાંથી ૮ થી ૧૦ વર્કર અને હેલ્પર દ્વારા સોમવારે રાજીનામા આપવાની શક્યતા છે. આ પાછળનું એકમાત્ર કારણ સુપરવાઇઝરી અધિકારીઓની મનમાની અને વર્કરો પર કરવામાં આવતું દબાણ છે. હવે એ જોવું રહ્યું કે આ સમગ્ર ઘટના બાદ જિલ્લા કલેક્ટર દ્વારા આઈ.સી.ડી.એસ.ના ઉચ્ચ અધિકારીઓ વિરુદ્ધ કડક કાર્યવાહી હાથ ધરવામાં આવશે અને તેમની સામે યોગ્ય પગલાં ભરવામાં આવશે કે નહીં.

Morbi First News

Local News Reporter મોરબી, મોરબી, ગુજરાત•

9 hrs ago

મોરબી તાલુકાના બગથળા સેજાની ગોર ખીજડીયા આંગણવાડીમાં ગેસના બાટલાની અછત મુદ્દે આઈ.સી.ડી.એસ. વિભાગના ઉચ્ચ અધિકારીઓ સમક્ષ રજૂઆત કરવામાં આવતા, અધિકારીઓએ સમસ્યા ઉકેલવાના બદલે ઉદ્ધત વર્તન કર્યું હતું. આ ઘટના બાદ સોમવારે બગથળા સેજાની ૮ થી ૧૦ આંગણવાડી વર્કરો અને હેલ્પરના સામૂહિક રાજીનામા પડવાની સંભાવના છે, જે આઈ.સી.ડી.એસ. વિભાગના અધિકારીઓ સામે આંગણવાડી વર્કરોમાં ભારે રોષ દર્શાવે છે. પ્રાપ્ત માહિતી અનુસાર, મોરબી તાલુકાના બગથળા સેજાની ગોર ખીજડીયા આંગણવાડીમાં ૩૨ બાળકો શિક્ષણ મેળવી રહ્યા છે, જેમનાં માટે દિવસમાં ત્રણ વખત નાસ્તો બનાવવામાં આવે છે. આ માટે આઈ.સી.ડી.એસ. વિભાગ દ્વારા વર્ષે ફક્ત ત્રણ ગેસના બાટલા ફાળવવામાં આવે છે, જે અપૂરતા છે, કારણ કે આંગણવાડીને વર્ષ દરમિયાન સાત બાટલાની જરૂર પડે છે. આ અંગે આંગણવાડીના વર્કરે સરપંચને રજૂઆત કરી હતી, જેના પગલે સરપંચે (જેમની પત્ની ગોર ખીજડીયા આંગણવાડીમાં નોકરી કરે છે) આઈ.સી.ડી.એસ. વિભાગના ઉચ્ચ અધિકારીઓ જેવા કે પ્રોગ્રામ ઓફિસર (પી.ઓ.) અને સી.ડી.પી.ઓ. સમક્ષ ફરિયાદ કરી હતી, જેના જવાબમાં અધિકારીઓએ માત્ર 'હા થય જાશે' એમ કહી વાત ટાળી દીધી હતી. ઉલ્લેખનીય છે કે, બગથળા સેજાની આંગણવાડી વર્કરોની એક બેઠક દરમિયાન, ગોર ખીજડીયા આંગણવાડીમાં કાર્યરત વર્કર પણ ત્યાં હાજર હતા. બેઠક સમાપ્ત થયા બાદ, આ અધિકારીઓએ ગોર ખીજડીયા આંગણવાડીના વર્કર સાથે અત્યંત ઉદ્ધત વર્તન કર્યું હતું અને ધાકધમકીભર્યા સ્વરે કહ્યું હતું કે, 'તમારા ઘરના સરપંચ છે તો અમને કાંઈ ફર્ક નહીં પડે'. અધિકારીઓ દ્વારા કર્મચારીઓ પર રોફ જમાવવામાં આવ્યો હતો. આ સમગ્ર ઘટના આઈ.સી.ડી.એસ. વિભાગના અધિકારીઓની ઘોર બેદરકારી દર્શાવે છે, જેઓ વર્કરો સાથે મનફાવે તેમ વર્તન કરી રહ્યા છે. આ ઉપરાંત, આંગણવાડીના વર્કરોને બાળકોના શિક્ષણ ઉપરાંત ગેસના બાટલા ખરીદવા માટે દાતાઓ શોધવાની પણ જવાબદારી સોંપવામાં આવી રહી છે, જેની યોગ્યતા સામે સવાલો ઉભા થયા છે. ઉચ્ચ અધિકારીઓના આવા વર્તનના કારણે જ બગથળા સેજા હેઠળ આવતી આંગણવાડીઓમાંથી ૮ થી ૧૦ વર્કર અને હેલ્પર દ્વારા સોમવારે રાજીનામા આપવાની શક્યતા છે. આ પાછળનું એકમાત્ર કારણ સુપરવાઇઝરી અધિકારીઓની મનમાની અને વર્કરો પર કરવામાં આવતું દબાણ છે. હવે એ જોવું રહ્યું કે આ સમગ્ર ઘટના બાદ જિલ્લા કલેક્ટર દ્વારા આઈ.સી.ડી.એસ.ના ઉચ્ચ અધિકારીઓ વિરુદ્ધ કડક કાર્યવાહી હાથ ધરવામાં આવશે અને તેમની સામે યોગ્ય પગલાં ભરવામાં આવશે કે નહીં.