સુરત જિલ્લાના પલસાણા તાલુકાના બગુમરા રેલવે ફાટક પાસે મંગળવારે બપોરે એક કરુણ અકસ્માત સર્જાયો હતો, જેમાં 28 વર્ષીય એક યુવકનું ટ્રેનની અડફેટે આવતા ઘટનાસ્થળે જ મોત નીપજ્યું હતું. મૃતક યુવકની ઓળખ રાજસ્થાનના ભીલવાડા જિલ્લાના પંકજ જોશી (28) તરીકે થઈ છે, જે હાલ પલસાણા તાલુકાના તાતીથૈયા ગામ સ્થિત બાલાજી નગરમાં રહેતા હતા. બપોરના સમયે તેઓ જોધપુર–કન્યાકુમારી એક્સપ્રેસ ટ્રેનની અડફેટે આવી જતાં ગંભીર ઇજાઓને કારણે તેમનું મૃત્યુ થયું હતું. આ ઘટનાની જાણ રેલ્વે માસ્તરે પલસાણા પોલીસને કરતા, પોલીસ ટીમ તાત્કાલિક સ્થળ પર પહોંચી હતી અને તપાસ હાથ ધરી હતી. પોલીસે મૃતદેહને પોસ્ટમોર્ટમ માટે મોકલી આપવાની કાર્યવાહી શરૂ કરી છે, તેમજ મૃતકના પરિવારજનોને આ દુર્ઘટના વિશે જાણ કરવામાં આવી રહી છે. હાલ પલસાણા પોલીસ દ્વારા આ અકસ્માત કયા સંજોગોમાં બન્યો તે અંગે વધુ તપાસ ચાલી રહી છે.

રમેશ ખંભાતી

Photographer બારડોલી, સુરત, ગુજરાત•

9 hrs ago

સુરત જિલ્લાના પલસાણા તાલુકાના બગુમરા રેલવે ફાટક પાસે મંગળવારે બપોરે એક કરુણ અકસ્માત સર્જાયો હતો, જેમાં 28 વર્ષીય એક યુવકનું ટ્રેનની અડફેટે આવતા ઘટનાસ્થળે જ મોત નીપજ્યું હતું. મૃતક યુવકની ઓળખ રાજસ્થાનના ભીલવાડા જિલ્લાના પંકજ જોશી (28) તરીકે થઈ છે, જે હાલ પલસાણા તાલુકાના તાતીથૈયા ગામ સ્થિત બાલાજી નગરમાં રહેતા હતા. બપોરના સમયે તેઓ જોધપુર–કન્યાકુમારી એક્સપ્રેસ ટ્રેનની અડફેટે આવી જતાં ગંભીર ઇજાઓને કારણે તેમનું મૃત્યુ થયું હતું. આ ઘટનાની જાણ રેલ્વે માસ્તરે પલસાણા પોલીસને કરતા, પોલીસ ટીમ તાત્કાલિક સ્થળ પર પહોંચી હતી અને તપાસ હાથ ધરી હતી. પોલીસે મૃતદેહને પોસ્ટમોર્ટમ માટે મોકલી આપવાની કાર્યવાહી શરૂ કરી છે, તેમજ મૃતકના પરિવારજનોને આ દુર્ઘટના વિશે જાણ કરવામાં આવી રહી છે. હાલ પલસાણા પોલીસ દ્વારા આ અકસ્માત કયા સંજોગોમાં બન્યો તે અંગે વધુ તપાસ ચાલી રહી છે.