८६ वर्षीय अनुसयाबाई साळुबा वाडेकर यांची जिद्द ठरली प्रेरणादायी; नवभारत साक्षरता अभियानात यशस्वी वाटचाल : फुलंब्री तालुक्यातील मारसावळी गावात नवभारत साक्षरता अभियानाला प्रेरणादायी दिशा मिळाली असून, ८६ वर्षीय अनुसयाबाई साळुबा वाडेकर यांनी जिद्दीच्या जोरावर साक्षरतेकडे यशस्वी वाटचाल करत परीक्षा उत्तीर्ण केली आहे. अनुसयाबाई यांना सुरुवातीला अक्षरओळख नव्हती व त्या अंगठा देऊन काम भागवत असत. मात्र शिक्षणाची तीव्र इच्छा आणि शिक्षकांच्या मार्गदर्शनामुळे त्यांनी अक्षरज्ञान मिळवले. मारसावळी जिल्हा परिषद शाळेचे मुख्याध्यापक भास्कर पोपटराव गोंगे तसेच पठाण सर, रामटेके सर आणि सय्यद सर यांनी त्यांना विशेष मार्गदर्शन केले. शिक्षकांनी आडवी रेषा, उभी रेषा, उजळणी यांसारख्या प्राथमिक गोष्टींपासून शिक्षणाची सुरुवात करून दिली. जुन्या पाटीवर सराव करून घेत, वही व पुस्तके देऊन नियमित अभ्यास घडवून आणला. प्रथम अक्षर व मुळ अवयव शिकवून त्यांची भक्कम पायाभरणी करण्यात आली. शाळा सुटल्यानंतर दररोज एक तास शिक्षकांनी त्यांना अतिरिक्त वेळ देऊन शिकवले. या सातत्यपूर्ण प्रयत्नांमुळे अनुसयाबाई आता अंगठ्याऐवजी स्वतःची सही करू लागल्या आहेत. वृद्धांच्या हाती पेन आणि पाटी पाहायला मिळणे ही या उपक्रमाची खास बाब ठरली. ही परीक्षा निरंतर शिक्षण विभागाचे शिक्षणाधिकारी राकेश साळुंखे, गटशिक्षणाधिकारी क्रांती धसवाडीकर आणि विस्तार अधिकारी राजेश महाजन यांच्या मार्गदर्शनाखाली पार पडली. केंद्रप्रमुख सुनील चिपाटे यांनी धामणगाव केंद्रातील शाळांना भेट देऊन परीक्षेची पाहणी केली, तर तालुका समन्वयक बी. टी. साळुंके यांनी नियोजनासाठी विशेष परिश्रम घेतले. नवभारत साक्षरता अभियानांतर्गत घेतलेल्या परीक्षेत अनुसयाबाई यांनी यश मिळवले असून, आता त्यांना पुढेही शिक्षण घेण्याची इच्छा निर्माण झाली आहे. त्यांच्या या कर्तृत्वाचे सर्वत्र कौतुक होत असून, हा उपक्रम इतरांसाठीही प्रेरणादायी ठरत आहे.

Amol kolte press reporter phul

फुलंब्री, औरंगाबाद, महाराष्ट्र•

18 hrs ago

८६ वर्षीय अनुसयाबाई साळुबा वाडेकर यांची जिद्द ठरली प्रेरणादायी; नवभारत साक्षरता अभियानात यशस्वी वाटचाल : फुलंब्री तालुक्यातील मारसावळी गावात नवभारत साक्षरता अभियानाला प्रेरणादायी दिशा मिळाली असून, ८६ वर्षीय अनुसयाबाई साळुबा वाडेकर यांनी जिद्दीच्या जोरावर साक्षरतेकडे यशस्वी वाटचाल करत परीक्षा उत्तीर्ण केली आहे. अनुसयाबाई यांना सुरुवातीला अक्षरओळख नव्हती व त्या अंगठा देऊन काम भागवत असत. मात्र शिक्षणाची तीव्र इच्छा आणि शिक्षकांच्या मार्गदर्शनामुळे त्यांनी अक्षरज्ञान मिळवले. मारसावळी जिल्हा परिषद शाळेचे मुख्याध्यापक भास्कर पोपटराव गोंगे तसेच पठाण सर, रामटेके सर आणि सय्यद सर यांनी त्यांना विशेष मार्गदर्शन केले. शिक्षकांनी आडवी रेषा, उभी रेषा, उजळणी यांसारख्या प्राथमिक गोष्टींपासून शिक्षणाची सुरुवात करून दिली. जुन्या पाटीवर सराव करून घेत, वही व पुस्तके देऊन नियमित अभ्यास घडवून आणला. प्रथम अक्षर व मुळ अवयव शिकवून त्यांची भक्कम पायाभरणी करण्यात आली. शाळा सुटल्यानंतर दररोज एक तास शिक्षकांनी त्यांना अतिरिक्त वेळ देऊन शिकवले. या सातत्यपूर्ण प्रयत्नांमुळे अनुसयाबाई आता अंगठ्याऐवजी स्वतःची सही करू लागल्या आहेत. वृद्धांच्या हाती पेन आणि पाटी पाहायला मिळणे ही या उपक्रमाची खास बाब ठरली. ही परीक्षा निरंतर शिक्षण विभागाचे शिक्षणाधिकारी राकेश साळुंखे, गटशिक्षणाधिकारी क्रांती धसवाडीकर आणि विस्तार अधिकारी राजेश महाजन यांच्या मार्गदर्शनाखाली पार पडली. केंद्रप्रमुख सुनील चिपाटे यांनी धामणगाव केंद्रातील शाळांना भेट देऊन परीक्षेची पाहणी केली, तर तालुका समन्वयक बी. टी. साळुंके यांनी नियोजनासाठी विशेष परिश्रम घेतले. नवभारत साक्षरता अभियानांतर्गत घेतलेल्या परीक्षेत अनुसयाबाई यांनी यश मिळवले असून, आता त्यांना पुढेही शिक्षण घेण्याची इच्छा निर्माण झाली आहे. त्यांच्या या कर्तृत्वाचे सर्वत्र कौतुक होत असून, हा उपक्रम इतरांसाठीही प्रेरणादायी ठरत आहे.