सांगली येथे मराठा समाज संस्थेतर्फे नुकताच सर्व जाती व सर्वधर्मीय वधू वर परिचय मेळावा अत्यंत उत्साहात संपन्न झाला. या अनोख्या उपक्रमात मुंबई, पुणे, कोल्हापूर, रत्नागिरी, विजापूर, बीड, उस्मानाबाद, लातूर आणि सोलापूर जिल्ह्यांमधील वधू वर, त्यांचे पालक आणि नातेवाईक मोठ्या संख्येने उपस्थित होते. कार्यक्रमाची सुरुवात छत्रपती शिवाजी महाराजांच्या पुतळ्यास प्रमुख अतिथी मा. शरद अरगडे-पाटीलसाहेब, संस्थेचे अध्यक्ष डॉ. मोहन पाटील, उपाध्यक्ष मा. दत्तात्रय सावंत, सरचिटणीस मा. जयवंत सावंत आणि खजिनदार अँड. विलासराव हिरूगडे पवार यांच्या हस्ते पुष्पहार अर्पण करून अभिवादन करण्यात आली. संस्थेचे अध्यक्ष डॉ. मोहन पाटील यांनी उपस्थितांचे स्वागत करून संस्थेच्या विविध कार्यांची माहिती दिली, तसेच महाराष्ट्रात प्रथमच मराठा समाज सांगली संस्थेने सर्वजातीय आणि सर्वधर्मीय वधू वर मेळाव्याचे आयोजन केल्याचे नमूद केले. अँड. विलासराव हिरूगडे पवार यांनी पाहुण्यांचा परिचय करून दिला, त्यानंतर संस्थेच्या पदाधिकाऱ्यांच्या हस्ते त्यांचा सत्कार करण्यात आला. प्रमुख अतिथी मा. शरद अरगडे-पाटीलसाहेब यांनी या मेळाव्याचे कौतुक करताना मराठा समाज सांगली संस्थेने सर्व जाती आणि धर्माच्या मुले-मुलींसाठी असा मेळावा आयोजित करून एक अत्यंत महत्त्वाचे आणि मोठे कार्य सुरू केले आहे असे म्हटले. त्यांनी या संस्थेला 'क्रांतीचे माहेरघर' संबोधले आणि सांगितले की, छत्रपती शिवाजी महाराज, राजर्षी शाहू महाराज, डॉ. बाबासाहेब आंबेडकर व महात्मा ज्योतिराव फुले यांच्या विचारांच्या आदर्शावर आधारित हा मेळावा क्रांतीचे पुढचे पाऊल आहे. त्यांनी जाती-पातीचे समूळ उच्चाटन करून समाज जागृत करण्याचे आवाहन केले आणि संत तुकाराम महाराज, गाडगे महाराज, तुकडोजी महाराज यांचे साहित्य वाचण्याचा सल्ला दिला. शिक्षण असूनही अंधश्रद्धा निर्मूलन करून विज्ञानाचे महत्त्व समाजाला पटवून देण्याची गरज त्यांनी व्यक्त केली. स्वतः सरपंच म्हणून त्यांनी आपले गाव कसे 'जातमुक्त आणि शिवीमुक्त' केले याचा अनुभवही त्यांनी कथन केला. छत्रपती शिवाजी महाराजांनी अठरा पगड जातींतील लोकांना एकत्र आणून स्वराज्य स्थापन केले, त्याच धर्तीवर मराठा समाज सांगली ही संस्था जातमुक्तीचे काम करत असल्याचे त्यांनी अधोरेखित केले. या परिचय मेळाव्याची सुरुवात कार्यकारिणी सदस्य मा. ए. डी. पाटील यांनी केली, तर पुढे वाचन अँड. उत्तमराव निकम यांनी केले. यावेळी संस्थेचे माजी अध्यक्ष मा. रघुनाथराव पाटील, अशोकराव सावंत, अभिजित पाटील, कार्यकारिणी सदस्य प्रमोद शिंदे, बाबासाहेब भोसले आणि संस्थेचा कर्मचारी वर्ग उपस्थित होता. कार्यक्रमाचे सूत्रसंचालन मा. प्रा. शशिकांत जाधव यांनी केले आणि संस्थेचे उपाध्यक्ष दत्तात्रय सावंत यांनी आभार मानले. या मेळाव्याला एकूण 300 लोकांची उपस्थिती होती, तसेच 50 पेक्षा अधिक नवीन मुला-मुलींचा परिचय करून देण्यात आला.

होनाई न्यूज/सा.माणदेश दर्शन

तासगाव, सांगली, महाराष्ट्र•

1 hr ago

सांगली येथे मराठा समाज संस्थेतर्फे नुकताच सर्व जाती व सर्वधर्मीय वधू वर परिचय मेळावा अत्यंत उत्साहात संपन्न झाला. या अनोख्या उपक्रमात मुंबई, पुणे, कोल्हापूर, रत्नागिरी, विजापूर, बीड, उस्मानाबाद, लातूर आणि सोलापूर जिल्ह्यांमधील वधू वर, त्यांचे पालक आणि नातेवाईक मोठ्या संख्येने उपस्थित होते. कार्यक्रमाची सुरुवात छत्रपती शिवाजी महाराजांच्या पुतळ्यास प्रमुख अतिथी मा. शरद अरगडे-पाटीलसाहेब, संस्थेचे अध्यक्ष डॉ. मोहन पाटील, उपाध्यक्ष मा. दत्तात्रय सावंत, सरचिटणीस मा. जयवंत सावंत आणि खजिनदार अँड. विलासराव हिरूगडे पवार यांच्या हस्ते पुष्पहार अर्पण करून अभिवादन करण्यात आली. संस्थेचे अध्यक्ष डॉ. मोहन पाटील यांनी उपस्थितांचे स्वागत करून संस्थेच्या विविध कार्यांची माहिती दिली, तसेच महाराष्ट्रात प्रथमच मराठा समाज सांगली संस्थेने सर्वजातीय आणि सर्वधर्मीय वधू वर मेळाव्याचे आयोजन केल्याचे नमूद केले. अँड. विलासराव हिरूगडे पवार यांनी पाहुण्यांचा परिचय करून दिला, त्यानंतर संस्थेच्या पदाधिकाऱ्यांच्या हस्ते त्यांचा सत्कार करण्यात आला. प्रमुख अतिथी मा. शरद अरगडे-पाटीलसाहेब यांनी या मेळाव्याचे कौतुक करताना मराठा समाज सांगली संस्थेने सर्व जाती आणि धर्माच्या मुले-मुलींसाठी असा मेळावा आयोजित करून एक अत्यंत महत्त्वाचे आणि मोठे कार्य सुरू केले आहे असे म्हटले. त्यांनी या संस्थेला 'क्रांतीचे माहेरघर' संबोधले आणि सांगितले की, छत्रपती शिवाजी महाराज, राजर्षी शाहू महाराज, डॉ. बाबासाहेब आंबेडकर व महात्मा ज्योतिराव फुले यांच्या विचारांच्या आदर्शावर आधारित हा मेळावा क्रांतीचे पुढचे पाऊल आहे. त्यांनी जाती-पातीचे समूळ उच्चाटन करून समाज जागृत करण्याचे आवाहन केले आणि संत तुकाराम महाराज, गाडगे महाराज, तुकडोजी महाराज यांचे साहित्य वाचण्याचा सल्ला दिला. शिक्षण असूनही अंधश्रद्धा निर्मूलन करून विज्ञानाचे महत्त्व समाजाला पटवून देण्याची गरज त्यांनी व्यक्त केली. स्वतः सरपंच म्हणून त्यांनी आपले गाव कसे 'जातमुक्त आणि शिवीमुक्त' केले याचा अनुभवही त्यांनी कथन केला. छत्रपती शिवाजी महाराजांनी अठरा पगड जातींतील लोकांना एकत्र आणून स्वराज्य स्थापन केले, त्याच धर्तीवर मराठा समाज सांगली ही संस्था जातमुक्तीचे काम करत असल्याचे त्यांनी अधोरेखित केले. या परिचय मेळाव्याची सुरुवात कार्यकारिणी सदस्य मा. ए. डी. पाटील यांनी केली, तर पुढे वाचन अँड. उत्तमराव निकम यांनी केले. यावेळी संस्थेचे माजी अध्यक्ष मा. रघुनाथराव पाटील, अशोकराव सावंत, अभिजित पाटील, कार्यकारिणी सदस्य प्रमोद शिंदे, बाबासाहेब भोसले आणि संस्थेचा कर्मचारी वर्ग उपस्थित होता. कार्यक्रमाचे सूत्रसंचालन मा. प्रा. शशिकांत जाधव यांनी केले आणि संस्थेचे उपाध्यक्ष दत्तात्रय सावंत यांनी आभार मानले. या मेळाव्याला एकूण 300 लोकांची उपस्थिती होती, तसेच 50 पेक्षा अधिक नवीन मुला-मुलींचा परिचय करून देण्यात आला.