मालमत्‍ताकर महसूलाद्वारे दिनांक ३१ मार्च २०२६ रात्री ८.३० वाजेपर्यंत ७ हजार ५३४ कोटी रूपयांचे संकलन *बृहन्मुंबई महानगरपालिका* *जनसंपर्क विभाग* मुंबई। सन २०२५ - २६ या आर्थिक वर्षाच्या मालमत्ताकर कर संकलनाचे उद्दिष्ट एकूण ७ हजार ३४१ कोटी रुपये असताना दिनांक ३१ मार्च २०२६ रात्री ८.३० वाजेपर्यंत ७ हजार ५३४ कोटी रूपयांचे संकलन करण्याकामी महानगरपालिकेच्या करनिर्धारण व संकलन विभागाला यश मिळाले आहे. निर्धारित लक्ष्‍यच्या तुलनेत हे प्रमाण १०२ टक्‍के इतके आहे. दरम्यान, आज रात्री १२ वाजेपर्यंत मालमत्ता कर भरणा करता येणार असल्याचे अतिरिक्त महानगरपालिका आयुक्त (शहर) डॉ. (श्रीमती) अश्विनी जोशी यांनी नमूद केले आहे. महानगरपालिका अतिरिक्त आयुक्त (शहर) डॉ. (श्रीमती) अश्विनी जोशी यांनी सांगितले की, प्रभावी जनजागृती मोहीम, थकबाकीदारांवरील काटेकोर पाठपुरावा आणि करनिर्धारण व संकलन विभागाच्या सातत्यपूर्ण प्रयत्नांमुळे आर्थिक वर्ष २०२५-२०२६ साठी निर्धारित करण्यात आलेले सुधारित महसूल उद्दिष्ट महानगरपालिका प्रशासनाने शंभर टक्के यशस्वीरीत्या पूर्ण केले आहे. महानगरपालिका सार्वत्रिक निवडणुकीचे व्यापक व जबाबदारीपूर्ण कामकाज यशस्वीरीत्या पूर्ण केल्यानंतरही करनिर्धारण व संकलन विभागातील सर्व अधिकारी व कर्मचाऱ्यांनी मालमत्ता कर संकलनासाठी उल्लेखनीय समर्पण, सातत्य आणि अधिकचे परिश्रम घेतले, ही निश्चितच विशेष व कौतुकास्पद बाब आहे. सहआयुक्त (करनिर्धारण व संकलन) श्री. विश्वास शंकरवार, सहायक आयुक्त (करनिर्धारण व संकलन) श्री. गजानन बेल्लाळे यांच्या देखरेखीखाली हि कामगिरी करण्यात आली आहे. दिनांक ३१ मार्च २०२६ रात्री ८.३० वाजेपर्यंत म्हणजे एका दिवसात ३३७ कोटी २६ लाखांहून अधिक रुपये जमा झाले आहेत. आज रात्री १२ वाजेपर्यंत मालमत्ता कर भरणा करता येणार असून मालमत्ता धारकांनी थकीत कर भरणा करावा असे आवाहन अतिरिक्त महानगरपालिका अतिरिक्त आयुक्त (शहर) डॉ. (श्रीमती) अश्विनी जोशी यांनी केले आहे. *मालमत्ता कर संकलनात सातत्यपूर्ण यश;* *सुधारित उद्दिष्टांपेक्षा अधिक महसूल संकलन* बृहन्मुंबई महानगरपालिकेच्या करनिर्धारण व संकलन विभागाने मालमत्ता कर संकलनात सातत्यपूर्ण आणि उल्लेखनीय यश संपादन केले आहे. मागील चार आर्थिक वर्षांतील कामगिरीवरून विभागाच्या प्रभावी नियोजन, काटेकोर अंमलबजावणी आणि थकबाकीदारांवरील सातत्यपूर्ण पाठपुराव्याचे स्पष्टपणे दर्शन घडते. आर्थिक वर्ष २०२२-२३ मध्ये निर्धारित ४,८०० कोटी रुपयांच्या उद्दिष्टाच्या तुलनेत ५,५७५.४४ कोटी रुपयांची वसुली करण्यात येऊन ११६ टक्के उद्दिष्टपूर्ती साध्य करण्यात आली. त्यानंतर आर्थिक वर्ष २०२३-२४ मध्ये ४,५०० कोटी रुपयांच्या उद्दिष्टाच्या तुलनेत ४,८५९.५३ कोटी रुपयांची वसुली होऊन १०८ टक्के उद्दिष्ट पूर्ण करण्यात आले. आर्थिक वर्ष २०२४-२५ मध्ये ६,२०० कोटी रुपयांच्या उद्दिष्टाच्या तुलनेत ६,१९९.५४ कोटी रुपयांची वसुली करण्यात येऊन जवळपास १०० टक्के उद्दिष्टपूर्ती साध्य झाली. चालू आर्थिक वर्ष २०२५-२६ मध्ये ७,३४१ कोटी रुपयांच्या सुधारित उद्दिष्टाच्या तुलनेत ७,५३४.१७ कोटी रुपयांची वसुली करून १०३ टक्के उद्दिष्ट पूर्ण करण्यात आले आहे.

Amit Omprakash tiwari

मुंबई, मुंबई, महाराष्ट्र•

5 hrs ago

मालमत्‍ताकर महसूलाद्वारे दिनांक ३१ मार्च २०२६ रात्री ८.३० वाजेपर्यंत ७ हजार ५३४ कोटी रूपयांचे संकलन *बृहन्मुंबई महानगरपालिका* *जनसंपर्क विभाग* मुंबई। सन २०२५ - २६ या आर्थिक वर्षाच्या मालमत्ताकर कर संकलनाचे उद्दिष्ट एकूण ७ हजार ३४१ कोटी रुपये असताना दिनांक ३१ मार्च २०२६ रात्री ८.३० वाजेपर्यंत ७ हजार ५३४ कोटी रूपयांचे संकलन करण्याकामी महानगरपालिकेच्या करनिर्धारण व संकलन विभागाला यश मिळाले आहे. निर्धारित लक्ष्‍यच्या तुलनेत हे प्रमाण १०२ टक्‍के इतके आहे. दरम्यान, आज रात्री १२ वाजेपर्यंत मालमत्ता कर भरणा करता येणार असल्याचे अतिरिक्त महानगरपालिका आयुक्त (शहर) डॉ. (श्रीमती) अश्विनी जोशी यांनी नमूद केले आहे. महानगरपालिका अतिरिक्त आयुक्त (शहर) डॉ. (श्रीमती) अश्विनी जोशी यांनी सांगितले की, प्रभावी जनजागृती मोहीम, थकबाकीदारांवरील काटेकोर पाठपुरावा आणि करनिर्धारण व संकलन विभागाच्या सातत्यपूर्ण प्रयत्नांमुळे आर्थिक वर्ष २०२५-२०२६ साठी निर्धारित करण्यात आलेले सुधारित महसूल उद्दिष्ट महानगरपालिका प्रशासनाने शंभर टक्के यशस्वीरीत्या पूर्ण केले आहे. महानगरपालिका सार्वत्रिक निवडणुकीचे व्यापक व जबाबदारीपूर्ण कामकाज यशस्वीरीत्या पूर्ण केल्यानंतरही करनिर्धारण व संकलन विभागातील सर्व अधिकारी व कर्मचाऱ्यांनी मालमत्ता कर संकलनासाठी उल्लेखनीय समर्पण, सातत्य आणि अधिकचे परिश्रम घेतले, ही निश्चितच विशेष व कौतुकास्पद बाब आहे. सहआयुक्त (करनिर्धारण व संकलन) श्री. विश्वास शंकरवार, सहायक आयुक्त (करनिर्धारण व संकलन) श्री. गजानन बेल्लाळे यांच्या देखरेखीखाली हि कामगिरी करण्यात आली आहे. दिनांक ३१ मार्च २०२६ रात्री ८.३० वाजेपर्यंत म्हणजे एका दिवसात ३३७ कोटी २६ लाखांहून अधिक रुपये जमा झाले आहेत. आज रात्री १२ वाजेपर्यंत मालमत्ता कर भरणा करता येणार असून मालमत्ता धारकांनी थकीत कर भरणा करावा असे आवाहन अतिरिक्त महानगरपालिका अतिरिक्त आयुक्त (शहर) डॉ. (श्रीमती) अश्विनी जोशी यांनी केले आहे. *मालमत्ता कर संकलनात सातत्यपूर्ण यश;* *सुधारित उद्दिष्टांपेक्षा अधिक महसूल संकलन* बृहन्मुंबई महानगरपालिकेच्या करनिर्धारण व संकलन विभागाने मालमत्ता कर संकलनात सातत्यपूर्ण आणि उल्लेखनीय यश संपादन केले आहे. मागील चार आर्थिक वर्षांतील कामगिरीवरून विभागाच्या प्रभावी नियोजन, काटेकोर अंमलबजावणी आणि थकबाकीदारांवरील सातत्यपूर्ण पाठपुराव्याचे स्पष्टपणे दर्शन घडते. आर्थिक वर्ष २०२२-२३ मध्ये निर्धारित ४,८०० कोटी रुपयांच्या उद्दिष्टाच्या तुलनेत ५,५७५.४४ कोटी रुपयांची वसुली करण्यात येऊन ११६ टक्के उद्दिष्टपूर्ती साध्य करण्यात आली. त्यानंतर आर्थिक वर्ष २०२३-२४ मध्ये ४,५०० कोटी रुपयांच्या उद्दिष्टाच्या तुलनेत ४,८५९.५३ कोटी रुपयांची वसुली होऊन १०८ टक्के उद्दिष्ट पूर्ण करण्यात आले. आर्थिक वर्ष २०२४-२५ मध्ये ६,२०० कोटी रुपयांच्या उद्दिष्टाच्या तुलनेत ६,१९९.५४ कोटी रुपयांची वसुली करण्यात येऊन जवळपास १०० टक्के उद्दिष्टपूर्ती साध्य झाली. चालू आर्थिक वर्ष २०२५-२६ मध्ये ७,३४१ कोटी रुपयांच्या सुधारित उद्दिष्टाच्या तुलनेत ७,५३४.१७ कोटी रुपयांची वसुली करून १०३ टक्के उद्दिष्ट पूर्ण करण्यात आले आहे.