సత్తుపల్లి మండలం కిష్టారం గ్రామ శివారులో ఆదివారం రాత్రి వ్యభిచారానికి అడ్డు చెప్పిన గ్రామస్తులపై కత్తితో అత్యంత కిరాతకంగా దాడి చేసిన ఘటన తీవ్ర కలకలం రేపింది. ఈ దాడిలో ఇద్దరు వ్యక్తులు తీవ్రంగా గాయపడ్డారు. పోలీసులు, బాధితుల బంధువులు తెలిపిన వివరాల ప్రకారం, ఆంధ్రప్రదేశ్ రాష్ట్రం తిరువూరు మండలానికి చెందిన నాగమణి, హనుమంతరావు దంపతులు కిష్టారం గ్రామ సమీపంలో నివాసం ఏర్పరచుకుని రహస్యంగా వ్యభిచార గృహాన్ని నిర్వహిస్తున్నారు. తమ గ్రామానికి చెడ్డపేరు వస్తుందని భావించిన కిష్టారం ఎస్సీ కాలనీకి చెందిన గ్రామ పెద్దలు శనివారం వ్యభిచార నిర్వాహకులను హెచ్చరించారు. వ్యభిచారాన్ని ఆపివేసి ఇతర వ్యాపారాలు నిర్వహించుకోవాలని, లేనిపక్షంలో గ్రామస్తుల ఆగ్రహానికి గురికావాల్సి వస్తుందని సూచించారు. ఈ నేపథ్యంలో, ఆదివారం రాత్రి వ్యభిచారం కొనసాగిస్తున్నారా, నిలిపివేశారా అని ఆరా తీయడానికి మారోజు నాగేశ్వరరావు, నక్కా వెంకటేశ్వరరావు అనే ఇద్దరు వ్యక్తులు వ్యభిచార ప్రదేశానికి వెళ్లారు. గ్రామస్తుల హెచ్చరికలను పట్టించుకోకుండా వ్యభిచారాన్ని కొనసాగించడంతో ఆగ్రహానికి గురైన గ్రామస్తులు నిర్వహణపై మండిపడ్డారు. ఈ క్రమంలో ఇరువర్గాల మధ్య తీవ్ర వాగ్వాదం జరగగా, ఆగ్రహంతో ఊగిపోయిన నాగమణి, హనుమంతరావు దంపతులు ఇంట్లో ఉన్న కొబ్బరి బోండాలు నరికే పెద్ద కత్తులతో నాగేశ్వరరావు, వెంకటేశ్వరరావులపై విచక్షణారహితంగా దాడి చేశారు. ఈ దాడిలో తీవ్రంగా గాయపడిన బాధితులిద్దరినీ స్థానికులు 108 అత్యవసర వాహనానికి సమాచారం అందించగా, చికిత్స నిమిత్తం సత్తుపల్లి ప్రభుత్వ ఆసుపత్రికి తరలించారు. ఘటన జరిగిన వెంటనే నిందితులైన భార్యాభర్తలు ఇద్దరూ ఘటనా స్థలం నుండి పరారయ్యారు. అయితే, వ్యభిచార గృహంలో ఉన్న కొత్తగూడెంకు చెందిన సోనీ అనే యువతి పోలీసులకు పట్టుబడింది. బాధితుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. దాడిలో తీవ్ర గాయాలపాలై చికిత్స పొందుతున్న మారోజు నాగేశ్వరరావును రాష్ట్ర కాంగ్రెస్ నాయకులు మట్టా దయానంద్ విజయ్ కుమార్ సోమవారం పరామర్శించారు. బాధితులకు మెరుగైన వైద్యం అందించాలని వైద్యులకు సూచించారు.

Ramprasad islavath

Industrial Real Estate Agency కల్లూరు, ఖమ్మం, తెలంగాణ•

12 hrs ago

సత్తుపల్లి మండలం కిష్టారం గ్రామ శివారులో ఆదివారం రాత్రి వ్యభిచారానికి అడ్డు చెప్పిన గ్రామస్తులపై కత్తితో అత్యంత కిరాతకంగా దాడి చేసిన ఘటన తీవ్ర కలకలం రేపింది. ఈ దాడిలో ఇద్దరు వ్యక్తులు తీవ్రంగా గాయపడ్డారు. పోలీసులు, బాధితుల బంధువులు తెలిపిన వివరాల ప్రకారం, ఆంధ్రప్రదేశ్ రాష్ట్రం తిరువూరు మండలానికి చెందిన నాగమణి, హనుమంతరావు దంపతులు కిష్టారం గ్రామ సమీపంలో నివాసం ఏర్పరచుకుని రహస్యంగా వ్యభిచార గృహాన్ని నిర్వహిస్తున్నారు. తమ గ్రామానికి చెడ్డపేరు వస్తుందని భావించిన కిష్టారం ఎస్సీ కాలనీకి చెందిన గ్రామ పెద్దలు శనివారం వ్యభిచార నిర్వాహకులను హెచ్చరించారు. వ్యభిచారాన్ని ఆపివేసి ఇతర వ్యాపారాలు నిర్వహించుకోవాలని, లేనిపక్షంలో గ్రామస్తుల ఆగ్రహానికి గురికావాల్సి వస్తుందని సూచించారు. ఈ నేపథ్యంలో, ఆదివారం రాత్రి వ్యభిచారం కొనసాగిస్తున్నారా, నిలిపివేశారా అని ఆరా తీయడానికి మారోజు నాగేశ్వరరావు, నక్కా వెంకటేశ్వరరావు అనే ఇద్దరు వ్యక్తులు వ్యభిచార ప్రదేశానికి వెళ్లారు. గ్రామస్తుల హెచ్చరికలను పట్టించుకోకుండా వ్యభిచారాన్ని

కొనసాగించడంతో ఆగ్రహానికి గురైన గ్రామస్తులు నిర్వహణపై మండిపడ్డారు. ఈ క్రమంలో ఇరువర్గాల మధ్య తీవ్ర వాగ్వాదం జరగగా, ఆగ్రహంతో ఊగిపోయిన నాగమణి, హనుమంతరావు దంపతులు ఇంట్లో ఉన్న కొబ్బరి బోండాలు నరికే పెద్ద కత్తులతో నాగేశ్వరరావు, వెంకటేశ్వరరావులపై విచక్షణారహితంగా దాడి చేశారు. ఈ దాడిలో తీవ్రంగా గాయపడిన బాధితులిద్దరినీ స్థానికులు 108 అత్యవసర వాహనానికి సమాచారం అందించగా, చికిత్స నిమిత్తం సత్తుపల్లి ప్రభుత్వ ఆసుపత్రికి తరలించారు. ఘటన జరిగిన వెంటనే నిందితులైన భార్యాభర్తలు ఇద్దరూ ఘటనా స్థలం నుండి పరారయ్యారు. అయితే, వ్యభిచార గృహంలో ఉన్న కొత్తగూడెంకు చెందిన సోనీ అనే యువతి పోలీసులకు పట్టుబడింది. బాధితుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. దాడిలో తీవ్ర గాయాలపాలై చికిత్స పొందుతున్న మారోజు నాగేశ్వరరావును రాష్ట్ర కాంగ్రెస్ నాయకులు మట్టా దయానంద్ విజయ్ కుమార్ సోమవారం పరామర్శించారు. బాధితులకు మెరుగైన వైద్యం అందించాలని వైద్యులకు సూచించారు.