‘तुमचे खाते दहशतवादी कारवायांसाठी वापरले’ म्हणत साडेचार लाख उकळले नागपूर, ता. १६ : बनावट मुंबई पोलिस अधिकारी आणि राष्ट्रीय तपास संस्था (एनआयए) अधिकारी असल्याचे भासवून ६६ वर्षीय निवृत्त बँक अधिकाऱ्याला ‘डिजिटल अरेस्ट’च्या जाळ्यात अडकवून सायबर भामट्यांनी साडेचार लाख रुपयांची फसवणूक केली. या प्रकरणी नागपूर शहर सायबर पोलिसांनी तिघांविरुद्ध गुन्हा दाखल केला असून, आरोपींचा शोध सुरू आहे. खामला परिसरातील ६६ वर्षीय नागरिक २०१८ मध्ये एका खासगी कंपनीतून व्यवस्थापक पदावरून निवृत्त झाले आहेत. सध्या ते एका खासगी फर्ममध्ये लेखापरीक्षक म्हणून काम करतात. २५ ऑगस्टला त्यांना अनोळखी क्रमांकावरून फोन आला. फोन करणाऱ्याने मुंबई पोलिस मुख्यालयातील वरिष्ठ पोलिस निरीक्षक ‘आकाश शर्मा’ असल्याचे सांगितले. त्यांच्या कागदपत्रांचा गैरवापर करून एचडीएफसी बँकेत खाते उघडण्यात आले असून, या खात्याचा वापर दहशतवादी कारवायांसाठी झाल्याचे सांगत आरोपीने त्यांना अटक वॉरंटची भीती दाखवली. त्यानंतर व्हॉट्सॲप व्हिडिओ कॉलवर लखनौ येथील ‘एनआयए अधिकारी प्रेम कुमार गौतम’ अशी ओळख सांगणाऱ्या व्यक्तीने चौकशी सुरू केली. बँक खात्यांची तपासणी करण्याच्या नावाखाली आरोपींनी त्यांच्याकडून ओळखपत्रे, महत्त्वाची कागदपत्रे आणि चेकची छायाचित्रे मागवून घेतली. तसेच एनआयएच्या नावाचे गोपनीयता समझौता पत्र पाठवून प्रकरणाची माहिती कोणालाही देऊ नये, अन्यथा जिवाला धोका असल्याची धमकी दिली. आरोपींच्या सततच्या दबावामुळे लेखापरीक्षकांनी १० सप्टेंबरला स्टेट बँक ऑफ इंडियाच्या खात्यातून आरबीआयच्या नावाचे पत्र दाखवून दिलेल्या कोटक महिंद्रा बँकेच्या राजेंद्रनगर (पटना) शाखेतील खात्यावर आरटीजीएसद्वारे ४ लाख ५० हजार रुपये पाठवले. त्यानंतर आरोपींनी घर गहाण ठेवून आणखी पैसे देण्याची मागणी केली. यामुळे संशय आल्याने त्यांनी नातेवाइकांशी संपर्क साधला. त्यानंतर आपली फसवणूक झाल्याचे त्यांच्या लक्षात आले. त्यांनी नॅशनल सायबर क्राईम रिपोर्टिंग पोर्टलवर तक्रार नोंदवली. त्यानंतर नागपूर शहर सायबर पोलिस ठाण्यात माहिती तंत्रज्ञान अधिनियमानुसार गुन्हा दाखल करण्यात आला असून, पोलिसांकडून तपास सुरू आहे.

Cb

नागपूर (शहरी), नागपूर, महाराष्ट्र•

1 hr ago

‘तुमचे खाते दहशतवादी कारवायांसाठी वापरले’ म्हणत साडेचार लाख उकळले नागपूर, ता. १६ : बनावट मुंबई पोलिस अधिकारी आणि राष्ट्रीय तपास संस्था (एनआयए) अधिकारी असल्याचे भासवून ६६ वर्षीय निवृत्त बँक अधिकाऱ्याला ‘डिजिटल अरेस्ट’च्या जाळ्यात अडकवून सायबर भामट्यांनी साडेचार लाख रुपयांची फसवणूक केली. या प्रकरणी नागपूर शहर सायबर पोलिसांनी तिघांविरुद्ध गुन्हा दाखल केला असून, आरोपींचा शोध सुरू आहे. खामला परिसरातील ६६ वर्षीय नागरिक २०१८ मध्ये एका खासगी कंपनीतून व्यवस्थापक पदावरून निवृत्त झाले आहेत. सध्या ते एका खासगी फर्ममध्ये लेखापरीक्षक म्हणून काम करतात. २५ ऑगस्टला त्यांना अनोळखी क्रमांकावरून फोन आला. फोन करणाऱ्याने मुंबई पोलिस मुख्यालयातील वरिष्ठ पोलिस निरीक्षक ‘आकाश शर्मा’ असल्याचे सांगितले. त्यांच्या कागदपत्रांचा गैरवापर करून एचडीएफसी बँकेत खाते उघडण्यात आले असून, या खात्याचा वापर दहशतवादी कारवायांसाठी झाल्याचे सांगत आरोपीने त्यांना अटक वॉरंटची भीती दाखवली. त्यानंतर व्हॉट्सॲप व्हिडिओ कॉलवर लखनौ येथील ‘एनआयए अधिकारी प्रेम कुमार गौतम’ अशी ओळख सांगणाऱ्या व्यक्तीने चौकशी सुरू केली. बँक खात्यांची तपासणी करण्याच्या नावाखाली आरोपींनी त्यांच्याकडून ओळखपत्रे, महत्त्वाची कागदपत्रे आणि चेकची छायाचित्रे मागवून घेतली. तसेच एनआयएच्या नावाचे गोपनीयता समझौता पत्र पाठवून प्रकरणाची माहिती कोणालाही देऊ नये, अन्यथा जिवाला धोका असल्याची धमकी दिली. आरोपींच्या सततच्या दबावामुळे लेखापरीक्षकांनी १० सप्टेंबरला स्टेट बँक ऑफ इंडियाच्या खात्यातून आरबीआयच्या नावाचे पत्र दाखवून दिलेल्या कोटक महिंद्रा बँकेच्या राजेंद्रनगर (पटना) शाखेतील खात्यावर आरटीजीएसद्वारे ४ लाख ५० हजार रुपये पाठवले. त्यानंतर आरोपींनी घर गहाण ठेवून आणखी पैसे देण्याची मागणी केली. यामुळे संशय आल्याने त्यांनी नातेवाइकांशी संपर्क साधला. त्यानंतर आपली फसवणूक झाल्याचे त्यांच्या लक्षात आले. त्यांनी नॅशनल सायबर क्राईम रिपोर्टिंग पोर्टलवर तक्रार नोंदवली. त्यानंतर नागपूर शहर सायबर पोलिस ठाण्यात माहिती तंत्रज्ञान अधिनियमानुसार गुन्हा दाखल करण्यात आला असून, पोलिसांकडून तपास सुरू आहे.