कराडजवळील आगाशिव डोंगरावर पर्यावरण संवर्धनाचा संदेश देण्यासाठी आयोजित बीज गोळे (सीड बॉल) प्रत्यारोपण आणि वृक्षारोपण मोहिमेदरम्यान विद्यार्थ्यांवर मधमाशांच्या थव्याने अचानक हल्ला चढवला. या दुर्दैवी घटनेत मधमाशांच्या दंशामुळे आणि स्वतःचा जीव वाचवण्यासाठी झालेल्या पळापळीत सुमारे ४० विद्यार्थी किरकोळ जखमी झाले आहेत. मलकापूर येथील आगाशिवनगर परिसरातील श्री लक्ष्मी देवी शिक्षण प्रसारक मंडळाच्या नूतन मराठी प्राथमिक व माध्यमिक शाळेतील इयत्ता आठवी आणि नववीचे सुमारे ५० विद्यार्थी शिक्षकांसह आगाशिव डोंगरावरील वन विभागाच्या कार्यालयामागील परिसरात बीजारोपणाचे काम करत असताना ही घटना घडली. विद्यार्थी अतिशय उत्साहाने बीजारोपण करत असताना अचानक मधमाशांचा एक मोठा थवा त्यांच्या दिशेने आला. स्वतःचा बचाव करण्यासाठी विद्यार्थी डोंगरावरून सैरावैरा धावू लागले, ज्यामुळे अनेक विद्यार्थी घसरून पडले तर काहींना मधमाशांनी गंभीर दंश केला. घटनेचे गांभीर्य ओळखून शाळेचे मुख्याध्यापक, शिक्षक आणि व्यवस्थापन समितीच्या सदस्यांनी तात्काळ घटनास्थळी धाव घेत विद्यार्थ्यांना सुरक्षित बाहेर काढले. सर्व जखमी विद्यार्थ्यांवर कराड येथील वेणुताई चव्हाण उपजिल्हा रुग्णालयात यशस्वी उपचार करण्यात आले असून त्यांची प्रकृती आता पूर्णपणे स्थिर आहे. या घटनेमुळे निसर्गाच्या सानिध्यात वावरताना खबरदारी घेणे आवश्यक असल्याचे समोर आले आहे.

साप्ताहिक माणदेश

Khanapur, Sangli•

1 hr ago

कराडजवळील आगाशिव डोंगरावर पर्यावरण संवर्धनाचा संदेश देण्यासाठी आयोजित बीज गोळे (सीड बॉल) प्रत्यारोपण आणि वृक्षारोपण मोहिमेदरम्यान विद्यार्थ्यांवर मधमाशांच्या थव्याने अचानक हल्ला चढवला. या दुर्दैवी घटनेत मधमाशांच्या दंशामुळे आणि स्वतःचा जीव वाचवण्यासाठी झालेल्या पळापळीत सुमारे ४० विद्यार्थी किरकोळ जखमी झाले आहेत. मलकापूर येथील आगाशिवनगर परिसरातील श्री लक्ष्मी देवी शिक्षण प्रसारक मंडळाच्या नूतन मराठी प्राथमिक व माध्यमिक शाळेतील इयत्ता आठवी आणि नववीचे सुमारे ५० विद्यार्थी शिक्षकांसह आगाशिव डोंगरावरील वन विभागाच्या कार्यालयामागील परिसरात बीजारोपणाचे काम करत असताना ही घटना घडली. विद्यार्थी अतिशय उत्साहाने बीजारोपण करत असताना अचानक मधमाशांचा एक मोठा थवा त्यांच्या दिशेने आला. स्वतःचा बचाव करण्यासाठी विद्यार्थी डोंगरावरून सैरावैरा धावू लागले, ज्यामुळे अनेक विद्यार्थी घसरून पडले तर काहींना मधमाशांनी गंभीर दंश केला. घटनेचे गांभीर्य ओळखून शाळेचे मुख्याध्यापक, शिक्षक आणि व्यवस्थापन समितीच्या सदस्यांनी तात्काळ घटनास्थळी धाव घेत विद्यार्थ्यांना सुरक्षित बाहेर काढले. सर्व जखमी विद्यार्थ्यांवर कराड येथील वेणुताई चव्हाण उपजिल्हा रुग्णालयात यशस्वी उपचार करण्यात आले असून त्यांची प्रकृती आता पूर्णपणे स्थिर आहे. या घटनेमुळे निसर्गाच्या सानिध्यात वावरताना खबरदारी घेणे आवश्यक असल्याचे समोर आले आहे.