నాణ్యతా ప్రమాణాల్లో రాజీలేకుండా పని చేయాలి : ఎమ్మెల్యే మండలి బుద్ధప్రసాద్ అభివృద్ధి పనుల నాణ్యతా ప్రమాణాల్లో ఇంజినీరింగ్ అధికారులు రాజీపడకుండా పని చేయాలని ఎమ్మెల్యే మండలి బుద్ధప్రసాద్ స్పష్టం చేశారు. అవనిగడ్డ ఎంపీడీఓ కార్యాలయంలో సుప్రసిద్ధ సివిల్ ఇంజినీర్ భారతరత్న సర్ మోక్షగుండం విశ్వేశ్వరయ్య 166వ జయంతి వేడుకలు, జాతీయ ఇంజినీర్స్ దినోత్సవ వేడుకలు ఘనంగా జరిగాయి. పంచాయతీ రాజ్ శాఖ అవనిగడ్డ సబ్ డివిజన్ ఆధ్వర్యంలో ఏర్పాటు చేసిన ఈ వేడుకలకు ముఖ్య అతిధిగా ఎమ్మెల్యే బుద్ధప్రసాద్ విచ్చేసి విశ్వేశ్వరయ్య చిత్రపటానికి పూలమాలలు వేసి ఘనంగా నివాళులు అర్పించారు. ఈ సందర్భంగా ఆయన మాట్లాడుతూ పంచాయతీ రాజ్ శాఖలోని ఇంజినీరింగ్ అధికారులు, ఇంజినీరింగ్ అసిస్టెంట్లు ఎలాంటి ప్రలోభాలకు, ఒత్తిళ్ళలకు లొంగకుండా నిబంధనల ప్రకారమే పని చేయాలని స్పష్టం చేశారు. నాణ్యతా ప్రమాణాలతో పనిచేసే ఇంజినీర్లు మాత్రమే ప్రజల హృదయాల్లో నిలిచి ఉంటారన్నారు. దేశం గర్వించదగ్గ మహోన్నత ఇంజినీర్లు సర్ ఆర్ధర్ కాటన్, మోక్షగుండం విశ్వేశ్వరయ్య, కే.ఎల్.రావు అంకితభావంతో ప్రాజెక్టులు నిర్మించి దేశ ప్రగతికి బాటలు వేశారన్నారు. వారి స్ఫూర్తితో నేటి యువ ఇంజినీర్లు ప్రజల్లో గుర్తింపు తెచ్చుకునేలా పని చేయాలని పిలుపునిచ్చారు. రహదారుల నిర్మాణంలో నిబంధనలకు కీలక ప్రాముఖ్యత ఇచ్చి, నాణ్యతా ప్రమాణాలతో పది కాలాల పాటు నిలిచే రహదారులు నిర్మించాలని పిలుపునిచ్చారు. ప్రధానంగా నామినేషన్ విధానంలో మంజూరయ్యే నిధులతో చేసే అభివృద్ధి పనుల్లో అధికారులు, సిబ్బంది ఖచ్చితంగా నిబంధనలు, నాణ్యతా ప్రమాణాలు నూరు శాతం పాటించి ప్రజలకు పటిష్టమైన రహదారులు అందించి, ప్రభుత్వ లక్ష్యాన్ని సాకారం చేయటంతో పాటు, తమ నిరంతర ప్రయత్నంతో ప్రభుత్వం కేటాయించే నిధులకు సార్ధకత చేకూర్చాలని స్పష్టం చేశారు. ఈ సందర్భంగా పంచాయతీరాజ్ శాఖ డీఈఈ పగడాల సురేష్ బాబును ఎమ్మెల్యే ఘనంగా సత్కరించారు. ఉత్తమ పనితీరు కనబరిచిన ఇంజినీరింగ్ అసిస్టెంట్లకు ప్రశంసా పత్రాలు, ఈ వేడుకలు సందర్భంగా నిర్వహించిన పోటీల్లో విజేతలకు నగదు బహుమతులు అందించి అభినందించారు. ఈ కార్యక్రమంలో నియోజకవర్గ ప్రత్యేక అధికారి పెనుమూడి సాయిబాబు, ఎంపీపీ తుంగల సుమతి, తహసీల్దార్ బీ.అంకాలు, ఇంచార్జి ఎంపీడీఓ వనజ, పంచాయతీ రాజ్ శాఖ డీఈఈ పగడాల సురేష్, ఏఈఈలు బొప్పన శ్రీనివాసరావు, సీహెచ్ బ్రహ్మానంద బాబు, వి.విజయకుమార్, ఇంజినీరింగ్ అసిస్టెంట్లు పాల్గొన్నారు.

దాసరి నటరాజు

ఉయ్యూరు, కృష్ణ, ఆంధ్రప్రదేశ్•

1 hr ago

నాణ్యతా ప్రమాణాల్లో రాజీలేకుండా పని చేయాలి : ఎమ్మెల్యే మండలి బుద్ధప్రసాద్ అభివృద్ధి పనుల నాణ్యతా ప్రమాణాల్లో ఇంజినీరింగ్ అధికారులు రాజీపడకుండా పని చేయాలని ఎమ్మెల్యే మండలి బుద్ధప్రసాద్ స్పష్టం చేశారు. అవనిగడ్డ ఎంపీడీఓ కార్యాలయంలో సుప్రసిద్ధ సివిల్ ఇంజినీర్ భారతరత్న సర్ మోక్షగుండం విశ్వేశ్వరయ్య 166వ జయంతి వేడుకలు, జాతీయ ఇంజినీర్స్ దినోత్సవ వేడుకలు ఘనంగా జరిగాయి. పంచాయతీ రాజ్ శాఖ అవనిగడ్డ సబ్ డివిజన్ ఆధ్వర్యంలో ఏర్పాటు చేసిన ఈ వేడుకలకు ముఖ్య అతిధిగా ఎమ్మెల్యే బుద్ధప్రసాద్ విచ్చేసి విశ్వేశ్వరయ్య చిత్రపటానికి పూలమాలలు వేసి ఘనంగా నివాళులు అర్పించారు. ఈ సందర్భంగా ఆయన మాట్లాడుతూ పంచాయతీ రాజ్ శాఖలోని ఇంజినీరింగ్ అధికారులు, ఇంజినీరింగ్ అసిస్టెంట్లు ఎలాంటి ప్రలోభాలకు, ఒత్తిళ్ళలకు లొంగకుండా నిబంధనల ప్రకారమే పని చేయాలని స్పష్టం చేశారు. నాణ్యతా ప్రమాణాలతో పనిచేసే ఇంజినీర్లు మాత్రమే ప్రజల హృదయాల్లో నిలిచి ఉంటారన్నారు. దేశం గర్వించదగ్గ మహోన్నత ఇంజినీర్లు సర్ ఆర్ధర్ కాటన్, మోక్షగుండం విశ్వేశ్వరయ్య, కే.ఎల్.రావు అంకితభావంతో ప్రాజెక్టులు నిర్మించి దేశ ప్రగతికి బాటలు వేశారన్నారు. వారి స్ఫూర్తితో నేటి యువ ఇంజినీర్లు ప్రజల్లో గుర్తింపు తెచ్చుకునేలా పని చేయాలని పిలుపునిచ్చారు. రహదారుల నిర్మాణంలో నిబంధనలకు కీలక ప్రాముఖ్యత ఇచ్చి, నాణ్యతా ప్రమాణాలతో పది కాలాల పాటు నిలిచే రహదారులు నిర్మించాలని పిలుపునిచ్చారు. ప్రధానంగా నామినేషన్ విధానంలో మంజూరయ్యే నిధులతో చేసే అభివృద్ధి పనుల్లో అధికారులు, సిబ్బంది ఖచ్చితంగా నిబంధనలు, నాణ్యతా ప్రమాణాలు నూరు శాతం పాటించి ప్రజలకు పటిష్టమైన రహదారులు అందించి, ప్రభుత్వ లక్ష్యాన్ని సాకారం చేయటంతో పాటు, తమ నిరంతర ప్రయత్నంతో ప్రభుత్వం కేటాయించే నిధులకు సార్ధకత చేకూర్చాలని స్పష్టం చేశారు. ఈ సందర్భంగా పంచాయతీరాజ్ శాఖ డీఈఈ పగడాల సురేష్ బాబును ఎమ్మెల్యే ఘనంగా సత్కరించారు. ఉత్తమ పనితీరు కనబరిచిన ఇంజినీరింగ్ అసిస్టెంట్లకు ప్రశంసా పత్రాలు, ఈ వేడుకలు సందర్భంగా నిర్వహించిన పోటీల్లో విజేతలకు నగదు బహుమతులు అందించి అభినందించారు. ఈ కార్యక్రమంలో నియోజకవర్గ ప్రత్యేక అధికారి పెనుమూడి సాయిబాబు, ఎంపీపీ తుంగల సుమతి, తహసీల్దార్ బీ.అంకాలు, ఇంచార్జి ఎంపీడీఓ వనజ, పంచాయతీ రాజ్ శాఖ డీఈఈ పగడాల సురేష్, ఏఈఈలు బొప్పన శ్రీనివాసరావు, సీహెచ్ బ్రహ్మానంద బాబు, వి.విజయకుమార్, ఇంజినీరింగ్ అసిస్టెంట్లు పాల్గొన్నారు.