जालना शहरात वाढती अस्वच्छता, तुंबलेले नाले आणि मोकाट तसेच पिसाळलेल्या कुत्र्यांच्या वाढत्या दहशतीमुळे नागरिकांचे जीवन असुरक्षित बनले आहे. या गंभीर समस्यांवर जालना महानगरपालिकेविरोधात काँग्रेस पक्षाने आक्रमक भूमिका घेतली असून, प्रशासनाच्या बघ्याची भूमिकेवर तीव्र संताप व्यक्त केला आहे. काँग्रेस पदाधिकाऱ्यांनी केलेल्या संतप्त आरोपानुसार, जालना शहर कचऱ्याच्या विळख्यात अडकले असून, रस्त्यांवर पिसाळलेल्या कुत्र्यांचा कहर सुरू आहे. संग्राम नगर, कन्हैया नगर, लालबाग, इंडियन नगर, नॅशनल नगर, चंदनझिरा, साठे नगर तसेच जुना जालना भागातील नाल्यांमध्ये गाळ, कचरा आणि सांडपाणी साचल्याने सर्वत्र दुर्गंधीचे साम्राज्य निर्माण झाले आहे. पावसाळा तोंडावर असतानाही नालेसफाईकडे दुर्लक्ष झाल्यामुळे डेंग्यू, मलेरिया आणि इतर साथीच्या रोगांचा धोका वाढण्याची भीती नागरिकांनी व्यक्त केली आहे. शहरातील मोकाट आणि पिसाळलेल्या कुत्र्यांची दहशत दिवसेंदिवस वाढत असून, नुकत्याच जुना जालना भागात एका पिसाळलेल्या कुत्र्याने लहान मुलांसह आठ नागरिकांना चावा घेतल्याची धक्कादायक घटना घडली आहे. यामुळे नागरिकांमध्ये प्रचंड भीतीचे वातावरण निर्माण झाले असून, महिला, शाळकरी मुले आणि ज्येष्ठ नागरिकांना जीव मुठीत धरून रस्त्यांवरून जावे लागत आहे. काँग्रेसने महानगरपालिकेवर कराच्या नावाखाली लाखो रुपये वसूल करूनही मूलभूत सुविधा देण्यात सपशेल अपयशी ठरल्याचा घणाघात केला आहे. शहरातील स्वच्छता व्यवस्था पूर्णपणे कोलमडली असून, कुत्र्यांच्या वाढत्या हल्ल्यांमुळे नागरिक भयभीत झाले आहेत, असे पक्षाने आपल्या निवेदनात म्हटले आहे. काँग्रेसने तातडीने शहरातील सर्व नाल्यांची सफाई करणे, विशेष स्वच्छता मोहीम राबविणे, मोकाट व पिसाळलेल्या कुत्र्यांना पकडण्यासाठी विशेष पथक नेमणे, कायमस्वरूपी डॉग हाऊस सुरू करणे तसेच जखमी नागरिकांना मोफत उपचार व लसीकरण उपलब्ध करून देण्याची मागणी केली आहे. जर प्रशासनाने या गंभीर समस्यांवर त्वरित उपाययोजना केली नाही, तर काँग्रेसच्या वतीने तीव्र लोकआंदोलन छेडले जाईल, असा थेट इशाराही या निवेदनातून देण्यात आला आहे. महानगर जिल्हाध्यक्ष डॉ. विशाल धानुरे, नगरसेवक अमजद पठाण, नगरसेवक आसिफ अन्सारी यांच्यासह दिनेश सुराणा, रघुवीर गुडे, सुरज येलगंटीवार, चंद्रकांत रत्नपारखे, नाना शेवाळे, दिग्विजय दांडगे, वसीम कादरी, भरत लोढा आणि अंकुश शिंदे या पदाधिकाऱ्यांच्या स्वाक्षऱ्या या निवेदनावर आहेत, जे महापालिका आयुक्तांना सादर करण्यात आले.

RahimKhan Pathan

Voice of people सोयगाव, औरंगाबाद, महाराष्ट्र•

10 hrs ago

जालना शहरात वाढती अस्वच्छता, तुंबलेले नाले आणि मोकाट तसेच पिसाळलेल्या कुत्र्यांच्या वाढत्या दहशतीमुळे नागरिकांचे जीवन असुरक्षित बनले आहे. या गंभीर समस्यांवर जालना महानगरपालिकेविरोधात काँग्रेस पक्षाने आक्रमक भूमिका घेतली असून, प्रशासनाच्या बघ्याची भूमिकेवर तीव्र संताप व्यक्त केला आहे. काँग्रेस पदाधिकाऱ्यांनी केलेल्या संतप्त आरोपानुसार, जालना शहर कचऱ्याच्या विळख्यात अडकले असून, रस्त्यांवर पिसाळलेल्या कुत्र्यांचा कहर सुरू आहे. संग्राम नगर, कन्हैया नगर, लालबाग, इंडियन नगर, नॅशनल नगर, चंदनझिरा, साठे नगर तसेच जुना जालना भागातील नाल्यांमध्ये गाळ, कचरा आणि सांडपाणी साचल्याने सर्वत्र दुर्गंधीचे साम्राज्य निर्माण झाले आहे. पावसाळा तोंडावर असतानाही नालेसफाईकडे दुर्लक्ष झाल्यामुळे डेंग्यू, मलेरिया आणि इतर साथीच्या रोगांचा धोका वाढण्याची भीती नागरिकांनी व्यक्त केली आहे. शहरातील मोकाट आणि पिसाळलेल्या कुत्र्यांची दहशत दिवसेंदिवस वाढत असून, नुकत्याच जुना जालना भागात एका पिसाळलेल्या कुत्र्याने लहान मुलांसह आठ नागरिकांना चावा घेतल्याची धक्कादायक घटना घडली आहे. यामुळे नागरिकांमध्ये प्रचंड भीतीचे वातावरण निर्माण झाले असून, महिला, शाळकरी मुले आणि ज्येष्ठ नागरिकांना जीव मुठीत धरून रस्त्यांवरून जावे लागत आहे. काँग्रेसने महानगरपालिकेवर कराच्या नावाखाली लाखो रुपये वसूल करूनही मूलभूत सुविधा देण्यात सपशेल अपयशी ठरल्याचा घणाघात केला आहे. शहरातील स्वच्छता व्यवस्था पूर्णपणे कोलमडली असून, कुत्र्यांच्या वाढत्या हल्ल्यांमुळे नागरिक भयभीत झाले आहेत, असे पक्षाने आपल्या निवेदनात म्हटले आहे. काँग्रेसने तातडीने शहरातील सर्व नाल्यांची सफाई करणे, विशेष स्वच्छता मोहीम राबविणे, मोकाट व पिसाळलेल्या कुत्र्यांना पकडण्यासाठी विशेष पथक नेमणे, कायमस्वरूपी डॉग हाऊस सुरू करणे तसेच जखमी नागरिकांना मोफत उपचार व लसीकरण उपलब्ध करून देण्याची मागणी केली आहे. जर प्रशासनाने या गंभीर समस्यांवर त्वरित उपाययोजना केली नाही, तर काँग्रेसच्या वतीने तीव्र लोकआंदोलन छेडले जाईल, असा थेट इशाराही या निवेदनातून देण्यात आला आहे. महानगर जिल्हाध्यक्ष डॉ. विशाल धानुरे, नगरसेवक अमजद पठाण, नगरसेवक आसिफ अन्सारी यांच्यासह दिनेश सुराणा, रघुवीर गुडे, सुरज येलगंटीवार, चंद्रकांत रत्नपारखे, नाना शेवाळे, दिग्विजय दांडगे, वसीम कादरी, भरत लोढा आणि अंकुश शिंदे या पदाधिकाऱ्यांच्या स्वाक्षऱ्या या निवेदनावर आहेत, जे महापालिका आयुक्तांना सादर करण्यात आले.