ಬಸವ ಜಯಂತಿ ಮೆರವಣಿಗೆಯಲ್ಲಿ ದಲಿತ ಮಹಿಳೆಗೆ ಅವಮಾನ ಆರೋಪ – ಮಾಜಿ ಶಾಸಕ ವಿರುದ್ಧ ಶಾರದಾ ಕಟ್ಟಿಮನಿ ಆಕ್ರೋಶ ಕುಷ್ಟಗಿ: ಬಸವ ಜಯಂತಿ ಮೆರವಣಿಗೆಯ ವೇಳೆ ದಲಿತ ಮಹಿಳೆಗೆ ಅವಮಾನ ನಡೆದಿದೆ ಎಂಬ ಗಂಭೀರ ಆರೋಪವನ್ನು ಗ್ಯಾರಂಟಿ ಅನುಷ್ಠಾನ ಯೋಜನೆ ಜಿಲ್ಲಾ ಸಮಿತಿ ಸದಸ್ಯೆ ಶಾರದಾ ಕಟ್ಟಿಮನಿ ಮಾಡಿದ್ದಾರೆ. ಪಟ್ಟಣದ ಹಳೆ ಪ್ರವಾಸಿ ಮಂದಿರದಲ್ಲಿ ಸೋಮವಾರ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಬೆಳಿಗ್ಗೆ ನಡೆದ ಬಸವೇಶ್ವರ ಮೆರವಣಿಗೆಯಲ್ಲಿ ವಚನ ಪುಸ್ತಕಗಳ ಕಟ್ಟನ್ನು ಹೊತ್ತು ಸಾಗುತ್ತಿದ್ದ ಮಹಿಳೆಯರೊಂದಿಗೆ ಭಾಗವಹಿಸಲು ಹೋದ ವೇಳೆ, ಮಾಜಿ ಶಾಸಕ ಕೆ. ಶರಣಪ್ಪ ವಕೀಲರು ಅವಮಾನಕಾರಿಯಾಗಿ ವರ್ತಿಸಿದ್ದಾರೆ ಎಂದು ಆರೋಪಿಸಿದರು. “ಗಂಡಸರ ಜೊತೆ ಏಕೆ ನಿಂತಿದ್ದೀರಾ? ಮಹಿಳೆಯರ ಬಳಿಗೆ ಹೋಗಿ,” ಎಂದು ಏರುಧ್ವನಿಯಲ್ಲಿ ಹೇಳಿ, ವಚನಗಳ ಕಟ್ಟಿನ ಗಂಟು ಹೊತ್ತು ಮಹಿಳೆಯರ ನಡುವೆ ನಿಲ್ಲುವಂತೆ ಒತ್ತಾಯಿಸಿದರು. ಈ ಘಟನೆ ಸಾರ್ವಜನಿಕರ ಮಧ್ಯೆ ನನಗೆ ಅಗೌರವ ಉಂಟುಮಾಡಿದೆ ಎಂದು ಅವರು ದೂರಿದರು. ಬಸವ ತತ್ವಗಳನ್ನು ಸಾರುವ ವೇದಿಕೆಯಲ್ಲಿ ಮಹಿಳೆಯರ ಗೌರವದ ಬಗ್ಗೆ ಮಾತನಾಡುವವರೇ ಇಂತಹ ವರ್ತನೆ ತೋರಿರುವುದು ವಿಷಾದನೀಯ ಎಂದು ಅವರು ಅಸಮಾಧಾನ ವ್ಯಕ್ತಪಡಿಸಿದರು. “ನಾನು ದಲಿತ ಮಹಿಳೆ ಎಂಬ ಕಾರಣಕ್ಕೆ ಈ ರೀತಿಯ ಅವಮಾನ ಮಾಡಲಾಯಿತೇ? ಅಥವಾ ಮಹಿಳೆಯರು ಮುಖ್ಯವಾಹಿನಿಗೆ ಬರಬಾರದು ಎಂಬ ಮನೋಭಾವದಿಂದಾ? ಅಥವಾ ನಾನು ಕಾಂಗ್ರೆಸ್ ಕಾರ್ಯಕರ್ತೆ ಎಂಬ ಕಾರಣಕ್ಕೋ? ಈ ಬಗ್ಗೆ ಅವರು ಸ್ಪಷ್ಟನೆ ನೀಡಬೇಕು,” ಎಂದು ಅವರು ಆಗ್ರಹಿಸಿದರು. ಮೆರವಣಿಗೆಯ ಸ್ಥಳದಲ್ಲೇ ಪ್ರತಿಕ್ರಿಯಿಸಲು ಅವಕಾಶ ಇದ್ದರೂ, ಕಾರ್ಯಕ್ರಮದ ಶಾಂತಿ ಕದಡಬಾರದೆಂಬ ಉದ್ದೇಶದಿಂದ ತಕ್ಷಣ ಪ್ರತಿಕ್ರಿಯಿಸಿಲ್ಲ ಎಂದು ಅವರು ತಿಳಿಸಿದರು. ಬಸವ ಜಯಂತಿಯಂತಹ ಸಮಾನತೆಯ ಹಬ್ಬದಲ್ಲೂ ಅಸಮಾನತೆ ಕಂಡುಬಂದಿರುವುದು ಬೇಸರದ ಸಂಗತಿ ಎಂದರು. ಮಾಜಿ ಶಾಸಕ ತಕ್ಷಣ ಸಾರ್ವಜನಿಕವಾಗಿ ಕ್ಷಮೆಯಾಚಿಸಿ, ಮಹಿಳೆಯರಿಗೆ ಗೌರವ ನೀಡುವ ಪಾಠ ಕಲಿಯಬೇಕು ಎಂದು ಶಾರದಾ ಕಟ್ಟಿಮನಿ ಒತ್ತಾಯಿಸಿದರು.

Maruti Gumagera

Local News Reporter ಕುಷ್ಟಗಿ, ಕೊಪ್ಪಳ, ಕರ್ನಾಟಕ•

2 hrs ago

ಬಸವ ಜಯಂತಿ ಮೆರವಣಿಗೆಯಲ್ಲಿ ದಲಿತ ಮಹಿಳೆಗೆ ಅವಮಾನ ಆರೋಪ – ಮಾಜಿ ಶಾಸಕ ವಿರುದ್ಧ ಶಾರದಾ ಕಟ್ಟಿಮನಿ ಆಕ್ರೋಶ ಕುಷ್ಟಗಿ: ಬಸವ ಜಯಂತಿ ಮೆರವಣಿಗೆಯ ವೇಳೆ ದಲಿತ ಮಹಿಳೆಗೆ ಅವಮಾನ ನಡೆದಿದೆ ಎಂಬ ಗಂಭೀರ ಆರೋಪವನ್ನು ಗ್ಯಾರಂಟಿ ಅನುಷ್ಠಾನ ಯೋಜನೆ ಜಿಲ್ಲಾ ಸಮಿತಿ ಸದಸ್ಯೆ ಶಾರದಾ ಕಟ್ಟಿಮನಿ ಮಾಡಿದ್ದಾರೆ. ಪಟ್ಟಣದ ಹಳೆ ಪ್ರವಾಸಿ ಮಂದಿರದಲ್ಲಿ ಸೋಮವಾರ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಬೆಳಿಗ್ಗೆ ನಡೆದ ಬಸವೇಶ್ವರ ಮೆರವಣಿಗೆಯಲ್ಲಿ ವಚನ ಪುಸ್ತಕಗಳ ಕಟ್ಟನ್ನು ಹೊತ್ತು ಸಾಗುತ್ತಿದ್ದ ಮಹಿಳೆಯರೊಂದಿಗೆ ಭಾಗವಹಿಸಲು ಹೋದ ವೇಳೆ, ಮಾಜಿ ಶಾಸಕ ಕೆ. ಶರಣಪ್ಪ ವಕೀಲರು ಅವಮಾನಕಾರಿಯಾಗಿ ವರ್ತಿಸಿದ್ದಾರೆ ಎಂದು ಆರೋಪಿಸಿದರು. “ಗಂಡಸರ ಜೊತೆ ಏಕೆ ನಿಂತಿದ್ದೀರಾ? ಮಹಿಳೆಯರ ಬಳಿಗೆ ಹೋಗಿ,” ಎಂದು ಏರುಧ್ವನಿಯಲ್ಲಿ ಹೇಳಿ, ವಚನಗಳ ಕಟ್ಟಿನ ಗಂಟು ಹೊತ್ತು ಮಹಿಳೆಯರ ನಡುವೆ ನಿಲ್ಲುವಂತೆ ಒತ್ತಾಯಿಸಿದರು. ಈ ಘಟನೆ ಸಾರ್ವಜನಿಕರ ಮಧ್ಯೆ

ನನಗೆ ಅಗೌರವ ಉಂಟುಮಾಡಿದೆ ಎಂದು ಅವರು ದೂರಿದರು. ಬಸವ ತತ್ವಗಳನ್ನು ಸಾರುವ ವೇದಿಕೆಯಲ್ಲಿ ಮಹಿಳೆಯರ ಗೌರವದ ಬಗ್ಗೆ ಮಾತನಾಡುವವರೇ ಇಂತಹ ವರ್ತನೆ ತೋರಿರುವುದು ವಿಷಾದನೀಯ ಎಂದು ಅವರು ಅಸಮಾಧಾನ ವ್ಯಕ್ತಪಡಿಸಿದರು. “ನಾನು ದಲಿತ ಮಹಿಳೆ ಎಂಬ ಕಾರಣಕ್ಕೆ ಈ ರೀತಿಯ ಅವಮಾನ ಮಾಡಲಾಯಿತೇ? ಅಥವಾ ಮಹಿಳೆಯರು ಮುಖ್ಯವಾಹಿನಿಗೆ ಬರಬಾರದು ಎಂಬ ಮನೋಭಾವದಿಂದಾ? ಅಥವಾ ನಾನು ಕಾಂಗ್ರೆಸ್ ಕಾರ್ಯಕರ್ತೆ ಎಂಬ ಕಾರಣಕ್ಕೋ? ಈ ಬಗ್ಗೆ ಅವರು ಸ್ಪಷ್ಟನೆ ನೀಡಬೇಕು,” ಎಂದು ಅವರು ಆಗ್ರಹಿಸಿದರು. ಮೆರವಣಿಗೆಯ ಸ್ಥಳದಲ್ಲೇ ಪ್ರತಿಕ್ರಿಯಿಸಲು ಅವಕಾಶ ಇದ್ದರೂ, ಕಾರ್ಯಕ್ರಮದ ಶಾಂತಿ ಕದಡಬಾರದೆಂಬ ಉದ್ದೇಶದಿಂದ ತಕ್ಷಣ ಪ್ರತಿಕ್ರಿಯಿಸಿಲ್ಲ ಎಂದು ಅವರು ತಿಳಿಸಿದರು. ಬಸವ ಜಯಂತಿಯಂತಹ ಸಮಾನತೆಯ ಹಬ್ಬದಲ್ಲೂ ಅಸಮಾನತೆ ಕಂಡುಬಂದಿರುವುದು ಬೇಸರದ ಸಂಗತಿ ಎಂದರು. ಮಾಜಿ ಶಾಸಕ ತಕ್ಷಣ ಸಾರ್ವಜನಿಕವಾಗಿ ಕ್ಷಮೆಯಾಚಿಸಿ, ಮಹಿಳೆಯರಿಗೆ ಗೌರವ ನೀಡುವ ಪಾಠ ಕಲಿಯಬೇಕು ಎಂದು ಶಾರದಾ ಕಟ್ಟಿಮನಿ ಒತ್ತಾಯಿಸಿದರು.