चंद्रपूर शहरात ईद-ए-मिलादुन्नबी निमित्त हिंदू-मुस्लिम एकतेचा संदेश चंद्रपूर : ईद-ए-मिलादुन्नबी या पवित्र दिनानिमित्त चंद्रपूर शहरात मुस्लिम बांधवांच्या वतीने भव्य शोभायात्रा काढण्यात आली. या शोभायात्रेत सहभागी नागरिकांसाठी शिवसेना व युवा सेनेतर्फे पिण्याच्या पाण्याच्या बाटल्यांचे वाटप करण्यात आले. युवा सेना जिल्हाप्रमुख शैलेश केळझरकर यांच्या नेतृत्वात हा सामाजिक उपक्रम राबविण्यात आला. ईद-ए-मिलादुन्नबीच्या पवित्र पर्वाच्या निमित्ताने पाणी वाटप करून हिंदू-मुस्लिम ऐक्य, सामाजिक सलोखा आणि बंधुभावाचा संदेश देण्यात आला. यावेळी शिवसेना उपजिल्हाप्रमुख विजुभाऊ मराठे, युवा सेना उपजिल्हाप्रमुख कैलासभाऊ तेलतुंबडे, युवा सेना शहरप्रमुख पवन यादव, युवा सेना शहर समन्वयक अंकुश कोठारी, युवा सेना उपशहरप्रमुख ओंकार बाबा, खान शेख सलीम, शेख असलम खान तसेच शिवसेना अल्पसंख्यांक शहराध्यक्ष व इतर पदाधिकारी, कार्यकर्ते मोठ्या संख्येने उपस्थित होते. यावेळी उपस्थितांनी “हिंदू-मुस्लिम एकता जिंदाबाद” असा संदेश देत चंद्रपूर शहरातील सामाजिक एकतेची परंपरा अधिक मजबूत करण्याचा संकल्प केला.

2 hrs ago

Disha News

Media house चंद्रपूर, चंद्रपूर, महाराष्ट्र•

2 hrs ago

गोंदिया - अर्जुनी/मोरगाव पोलीस निरीक्षकांना निवेदन,पत्रकारावरील कथित हल्ल्यामुळे संताप, दोषींवर कठोर कारवाईची मागणी,धीरज कसारे प्रकरणी पत्रकार संरक्षण कायद्यांतर्गत गुन्हा दाखल करण्याची मागणी; गोंदिया जिल्हा व्हॉईस ऑफ मीडिया तर्फे मुख्यमंत्र्यांना निवेदन अर्जुनी/मोरगाव पोलीस निरीक्षकांना निवेदन,पत्रकारावरील कथित हल्ल्यामुळे संताप, दोषींवर कठोर कारवाईची मागणी,धीरज कसारे प्रकरणी पत्रकार संरक्षण कायद्यांतर्गत गुन्हा दाखल करण्याची मागणी,गोंदिया जिल्हा व्हॉईस ऑफ मीडिया तर्फे मुख्यमंत्र्यांना निवेदन अर्जुनी मोरगाव - पत्रकारांची सुरक्षा आणि निर्भीड पत्रकारितेच्या अधिकारासाठी गोंदिया जिल्हा व्हॉईस ऑफ मीडिया यांनी पत्रकार धीरज कसारे यांच्यावर झालेल्या कथित हल्ल्याच्या प्रकरणात आक्रमक भूमिका घेतली आहे. कारंजा, जिल्हा वर्धा येथील दैनिक महासागरचे प्रतिनिधी पत्रकार धीरज कसारे यांच्यासोबत कथित मारहाण, धमकी तसेच दबाव आणण्याच्या प्रयत्नाच्या घटनेचा निषेध करत संघटनेने दोषींवर कठोर कायदेशीर कारवाई करण्याची मागणी केली आहे.प्राप्त माहितीनुसार, पत्रकार धीरज कसारे यांनी कारंजा तालुका परिसरातील भेसळखोरी आणि नागरिकांच्या जीविताशी कथित खेळ केला जात असल्यासंदर्भात वृत्त प्रकाशित केले होते. वृत्त प्रकाशित झाल्यानंतर संबंधितांकडून नाराजी व्यक्त करण्यात आल्याचे तसेच पत्रकाराला कथितरीत्या धमकी देण्यात आल्याचा आरोप समोर आला आहे.या प्रकरणी अर्जुनी मोरगाव तालुका व्हॉईस ऑफ मीडिया कमिटी आणि जिल्हा कमिटीच्या वतीने पोलीस निरीक्षकांना निवेदन सादर करण्यात आले.निवेदनात आरोप करण्यात आला आहे की, पोलीस ठाण्याच्या परिसरातच पत्रकार कसारे यांना जीवे मारण्याची धमकी देण्यात आली. एवढेच नव्हे, तर त्यांना कथितरीत्या जबरदस्तीने वाहनात बसविण्याचा प्रयत्न करण्यात आला. एखाद्या पत्रकाराने वृत्त प्रकाशित केल्यामुळे पोलीस ठाण्यासारख्या सार्वजनिक आणि संवेदनशील परिसरातच धमकी किंवा दबावाला सामोरे जावे लागणे, ही स्वतंत्र आणि निर्भीड पत्रकारितेसाठी गंभीर चिंतेची बाब आहे.या घटनेबाबत गोंदिया जिल्हा व्हॉईस ऑफ मीडिया यांनी तीव्र संताप व्यक्त केला असून मुख्यमंत्री देवेंद्र फडणवीस यांच्या नावाने निवेदन सादर केले आहे. हे निवेदन गोंदिया जिल्ह्याच्या पोलीस अधीक्षकांमार्फत शासनाकडे पाठविण्यात आले आहे. संघटनेने मागणी केली आहे की, या प्रकरणातील संबंधित आरोपींविरुद्ध पत्रकार संरक्षण कायद्यांतर्गत गुन्हा दाखल करून निष्पक्ष व सखोल चौकशी करण्यात यावी. तसेच घटनेची सत्यता समोर आणून दोषींवर कठोर कारवाई करण्यात यावी आणि पत्रकार धीरज कसारे यांना आवश्यक सुरक्षा प्रदान करण्यात यावी. व्हॉईस ऑफ मीडियाचे स्पष्ट म्हणणे आहे की, पत्रकार हा लोकशाहीचा महत्त्वाचा प्रहरी आहे. जनहिताचे प्रश्न समाजासमोर मांडणाऱ्या पत्रकारांना धमकी, दबाव अथवा हिंसाचाराला सामोरे जावे लागणे, हे लोकशाही व्यवस्थेसाठी गंभीर आव्हान आहे. त्यामुळे पत्रकारांची सुरक्षा सुनिश्चित करणे आणि अशा प्रकरणांमध्ये तातडीने कारवाई करणे आवश्यक आहे. आता या निवेदनानंतर प्रशासन या प्रकरणात कोणती कारवाई करते आणि आरोपांच्या चौकशीत कोणती तथ्ये समोर येतात, याकडे पत्रकारिता क्षेत्रासह नागरिकांचे लक्ष लागले आहे. जिल्हा कमिटी / अर्जुनी मोरगाव तालुका कमिटीचे पदाधिकारी उपस्थित होते : जिल्हाध्यक्ष – रामलाल शहारे जिल्हा सचिव – अरुण वाय. बन्नाटे जिल्हा उपाध्यक्ष – सूर्यभान ठलाल जिल्हा ग्रामीण अध्यक्ष – दिगंबर नंदेश्वर अर्जुनी मोरगाव तालुका अध्यक्ष – बिंबिसार शहारे तालुका उपाध्यक्ष – गुनाजी शहारे तालुका सचिव – सुरेश जीभकाटे तालुका संघटक – चेतन समरित तालुका कोषाध्यक्ष – प्रशांत ऊके सर्व पदाधिकारी या वेळी उपस्थित होते.

CHETAN SAMRIT

Social worker अर्जुनी मोरगाव, गोंदिया, महाराष्ट्र•

20 hrs ago

आठवडी बाजार येथून निघालेल्या ईद-ए-मिलादुन्नबी मिरवणुकीत भक्तिभावासह उत्साहाचे दर्शन* आठवडी बाजार येथून निघालेल्या ईद-ए-मिलादुन्नबी मिरवणुकीत भक्तिभावासह उत्साहाचे दर्शन आकर्षक देखावे अन् हिरव्या झेंड्यांनी सजला परिसर; बालकांपासून ज्येष्ठांपर्यंत नागरिकांचा उत्स्फूर्त सहभाग पैगंबर हजरत मोहम्मद यांच्या जन्मदिनानिमित्त साजऱ्या होणाऱ्या ईद-ए- मिलादुन्नबी उत्सवानिमित्त दत्तापूर येथून भव्य मिरवणूक काढण्यात आली. धार्मिक उत्साह, भक्तिभाव आणि सामाजिक एकतेचा संदेश देणाऱ्या या मिरवणुकीत मोठ्या संख्येने मुस्लिम बांधव सहभागी झाले होते. आकर्षक देखावे, सजावट आणि सर्वत्र फडकणारे हिरवे झेंडे यामुळे संपूर्ण परिसरात उत्साहाचे वातावरण निर्माण झाले होते. आठवडी बाजार येथून मिरवणुकीला सुरुवात झाल्यानंतर ती प्रमुख मार्गाने मार्गक्रमण करत विविध मार्गांवरून पुढे धामणगांव रेल्वे शहराच्या दिशेने आली. मिरवणुकीदरम्यान ठिकठिकाणी नागरिकांनी उत्स्फूर्तपणे स्वागत केले. रस्त्याच्या दुतर्फा नागरिकांची उपस्थिती पाहायला मिळत होती. धार्मिक घोषणांनी परिसर दुमदुमून गेला होता. मिरवणुकीतील आकर्षक धार्मिक देखावे, सुंदर सजावट आणि विविध प्रकारच्या कलात्मक रचना उपस्थितांचे विशेष लक्ष वेधून घेत होत्या. पारंपरिक वेशभूषेत सहभागी झालेली बालके, युवक तसेच ज्येष्ठ नागरिक मिरवणुकीचे आकर्षण ठरले. अनेक बालकांनी सुंदर पोशाख परिधान करून मिरवणुकीत सहभाग घेतला होता. मिरवणुकीत सहभागी झालेल्या युवकांमध्येही मोठा उत्साह दिसून आला. मिरवणुकीमध्ये युवकांचा उत्साह ओसंडून वाहत होता. तर ज्येष्ठ नागरिकांनीही मोठ्या भक्तिभावाने मिरवणुकीत सहभाग घेतला. मिरवणुकीच्या मार्गावर ठिकठिकाणी हिरवे झेंडे फडकताना दिसत होते. विविध ठिकाणी लावण्यात आलेले शुभेच्छा फलक, पोस्टर आणि सजावटीमुळे मिरवणुकीला आकर्षक स्वरूप प्राप्त झाले होते. संपूर्ण मार्गावर उत्सवी वातावरण निर्माण झाले होते. ईद-ए-मिलादुन्नबी हा केवळ धार्मिक उत्सव नसून प्रेम, बंधुभाव, शांतता आणि मानवतेचा संदेश देणारा दिवस म्हणूनही साजरा केला जातो. याच भावनेतून मिरवणुकीत सहभागी झालेल्या नागरिकांनी सामाजिक सलोखा आणि एकतेचा संदेश दिला. मिरवणुकीदरम्यान कोणताही अनुचित प्रकार घडू नये तसेच वाहतूक सुरळीत राहावी यासाठी दत्तापूर पोलिसांकडून चोख बंदोबस्त ठेवण्यात आला होता. पोलिस अधिकारी व कर्मचारी मिरवणुकीच्या मार्गावर तैनात होते. मिरवणूक शांततेत आणि शिस्तबद्ध पद्धतीने पार पडावी यासाठी पोलिसांकडून विशेष खबरदारी घेण्यात आली. मिरवणुकीत लहान बालकांपासून युवक, महिला आणि वृद्ध नागरिकांपर्यंत सर्वच वयोगटातील नागरिकांनी उत्स्फूर्त सहभाग नोंदविला. त्यामुळे आठवडी बाजार ते धामणगांव रेल्वे मार्गावर ईद-ए-मिलादुन्नबी उत्साह आणि धार्मिक वातावरण अनुभवायला मिळाले. शांतता, बंधुभाव, प्रेम आणि मानवतेचा संदेश देत निघालेल्या या मिरवणुकीमुळे दत्तापूर व धामणगांव रेल्वे परिसरात सर्वधर्मीय ऐक्याचे आणि सामाजिक सलोख्याचे सुंदर दर्शन घडले. सिटी न्यूज साठी प्रतिनिधी संतोष वाघमारे धामणगांव रेल्वे *💥आठवडी बाजार येथून निघालेल्या ईद-ए-मिलादुन्नबी मिरवणुकीत भक्तिभावासह उत्साहाचे दर्शन* *💥आकर्षक देखावे अन् हिरव्या झेंड्यांनी सजला परिसर; बालकांपासून ज्येष्ठांपर्यंत नागरिकांचा उत्स्फूर्त सहभाग* *💥ईद-ए-मिलादुन्नबी हा केवळ धार्मिक उत्सव नसून प्रेम, बंधुभाव, शांतता आणि मानवतेचा संदेश देणारा दिवस म्हणूनही साजरा केला जातो* *💥शांतता, बंधुभाव, प्रेम आणि मानवतेचा संदेश देत निघालेल्या या मिरवणुकीमुळे दत्तापूर व धामणगांव रेल्वे परिसरात सर्वधर्मीय ऐक्याचे आणि सामाजिक सलोख्याचे सुंदर दर्शन* *💥दत्तापूर पोलिसांकडून चोख बंदोबस्त ठेवण्यात आला होता. पोलिस अधिकारी व कर्मचारी मिरवणुकीच्या मार्गावर तैनात होते* *✍️सिटी इंडिया न्यूज साठी प्रतिनिधी संतोष वाघमारे धामणगांव रेल्वे* *7350846789 /WhatsApp 8421078244* *

Santosh Waghmare

T. V. News Reporter Dhamangaon Railway, Amravati•

37 min ago