গৌৰীপুৰ আৰক্ষীয়ে ড্ৰাগছ বিৰোধী অভিযান চলাই দুজন সৰবৰাহকাৰীক আটক কৰিছে। বলদমাৰাত চলোৱা অভিযানত ৰফিকুল ইছলাম খান আৰু জয়নাল আবেদিন নামৰ লোক দুজনৰ পৰা ড্ৰাগছ জব্দ কৰা হয়।

বঙাইগাঁও জিলাৰ যোগীঘোপাৰ সাকোমুৰাত ৰঙালী বিহুৰ উছাহ এতিয়াও অব্যাহত আছে। বিশিষ্ট সমাজ সেৱক ৰুদ্ৰ কুমাৰ পাঠকে ইয়াত সাংস্কৃতিক মঞ্চ উদ্বোধন কৰাৰ পাছতে বৰ্ণাঢ্য অনুষ্ঠান আৰম্ভ হয়।

পৱিত্ৰ ঈদ-উল-আজহা উপলক্ষে বৰপেটাৰ কয়াকুছি বজাৰত গৰু-ম'হ, ভেড়া আৰু ছাগলীৰ এক বৃহৎ বজাৰৰ শুভাৰম্ভ কৰা হৈছে। নায়েৰা পেট্ৰ’ল পাম্পৰ ওচৰত প্ৰতি দেওবাৰ আৰু বৃহস্পতিবাৰে বহিবলগীয়া এই বজাৰে ইতিমধ্যে ক্ৰেতা-বিক্ৰেতাৰ মাজত ব্যাপক সঁহাৰি লাভ কৰিছে। ঈদ উপলক্ষে কোৰবানীৰ পশু ক্ৰয়-বিক্ৰয় সহজ আৰু সু-ব্যৱস্থিতভাৱে সম্পন্ন কৰাই ইয়াৰ মূল উদ্দেশ্য।

শপত গ্ৰহণৰ পিছতেই বোকা সমষ্টিৰ ন-বিধায়ক ৰাজু মেচে অঞ্চলটোৰ বিভিন্ন সমস্যাসমূহ পৰিদৰ্শন কৰে। জনসাধাৰণৰ মাজলৈ গৈ তেওঁ স্থানীয় লোকসকলৰ সৈতে মতবিনিময় কৰে আৰু সমস্যাসমূহৰ বুজ লয়।

Post by Salim Uddin

বাক্সা জিলাৰ খাৰিজা বিজনীত চৰকাৰৰ সহায় নোপোৱাত ৰাইজে নিজৰ খৰচত গুৰুত্বপূৰ্ণ পথ নিৰ্মাণ কৰিলে। নিজৰ গাঠিৰ ধন খৰচ কৰি আৰু শ্ৰম দান কৰি স্থানীয় লোকসকলে অঞ্চলটোৰ দীৰ্ঘদিনীয়া সমস্যা সমাধানৰ প্ৰয়াস কৰিলে।

বাক্সাৰ জালাহৰ জ্যোতিনগৰ বিহুতলীত অনন্ত একাডেমীৰ ছাত্ৰীসকলে এক আকৰ্ষণীয় ঝুমুৰ প্ৰদৰ্শন কৰে। তেওঁলোকৰ সুন্দৰ আৰু ছন্দময় নৃত্যই উপস্থিত সকলো দৰ্শকক মুগ্ধ কৰে।

অভয়াপুৰীত ৰঙালী বিহু উপলক্ষে পি এন আৰ পলিক্লিনিকে ৰাইজৰ বাবে এক বিশেষ হেল্থ কাৰ্ড মুকলি কৰিছে। ইয়াৰ জৰিয়তে স্থানীয় লোকসকলে, বিশেষকৈ আৰ্থিকভাৱে দুৰ্বল পৰিয়ালসমূহে, চিকিৎসা সেৱাত বিশেষ ৰেহাই আৰু স্বাস্থ্য পৰামৰ্শ লাভ কৰিব। এই ব্যতিক্ৰমী উদ্যোগে স্বাস্থ্য সেৱাক অধিক সহজলভ্য কৰাৰ লক্ষ্যৰে গ্ৰহণ কৰা হৈছে।

দেশজুৰি Uniform Civil Code (UCC) ক লৈ চলা আলোচনাৰ মাজতে কলগাছিয়াৰ সাংবাদিক মোমিনে অসমত ইয়াৰ প্ৰযোজ্যতা সন্দৰ্ভত বিতংভাৱে বিশ্লেষণ কৰিছে। তেওঁ কয় যে অসমৰ দৰে সংবেদনশীল ৰাজ্যত জনজাতীয় আৰু সংখ্যালঘু সম্প্ৰদায়ৰ পৰম্পৰাগত আইনৰ ওপৰত ইয়াৰ প্ৰভাৱ সাৱধানে বিবেচনা কৰিব লাগিব। সাংবাদিকে সজাগতা আৰু সঠিক আলোচনা অবিহনে UCC প্ৰয়োগ নকৰিবলৈ চৰকাৰক আহ্বান জনাইছে।

কামৰূপ জিলাৰ বকোৰ ছাত্ৰ জ্ঞানদ্বীপ ৰাভা যোৱা ১১ দিন ধৰি সন্ধানহীন হৈ আছে। ছাত্ৰজনৰ সন্ধান নাপাওঁৱাত পৰিয়ালৰ মাজত গভীৰ উদ্বেগ আৰু অঞ্চলটোত চাঞ্চল্য বিয়পি পৰিছে। এই সন্দৰ্ভত বকো থানাত এজাহাৰ দাখিল কৰা হৈছে।