অসমৰ ব্যস্ত ৰাজপথত চলন্ত বাহন ৰখাই একাংশ লোক হাঁহ ধৰাত ব্যস্ত হৈ পৰে। হেলমেট পিন্ধি হাঁহৰ পাছে পাছে দৌৰাৰ ফলত ৰাজপথত এক হাহাকাৰময় পৰিস্থিতিৰ সৃষ্টি হয়।

মৰিগাঁও আৰক্ষীয়ে এক সফল অভিযান চলাই দীৰ্ঘদিন ধৰি সমগ্ৰ অঞ্চলটোত ধাৰাবাহিকভাৱে চুৰি কাণ্ড সংঘটিত কৰি এক আতংকময় পৰিৱেশ সৃষ্টি কৰি অহা এটা কুখ্যাত গভাইত চোৰক অৱশেষত জালত পেলায়। ধৃত চোৰটোক অজয় কুণ্ডু বুলি চিনাক্ত কৰা হৈছে। চোৰটোক আটক কৰাৰ পাছত বৰ্তমান আৰক্ষীয়ে অধিক তথ্য লাভৰ বাবে সোধা-পোছা অব্যাহত ৰাখিছে।

আদিবাসী ছাত্ৰ সন্থাৰ ঢেকীয়াজুলি আঞ্চলিক সমিতিয়ে কোকোৰাঝাৰ জিলাত সংঘটিত হোৱা এক নাৰকীয় ঘটনাৰ ওপৰত নিজৰ প্ৰতিক্ৰিয়া ব্যক্ত কৰিছে।

ঈদ-উল-আজহা উপলক্ষে দক্ষিণ গাঁও শ্বাহী জামা মছজিদে এক বিশেষ আহ্বান জনাইছে। মছজিদ কৰ্তৃপক্ষই কৈছে যে পৱিত্ৰ ঈদ-উল-আজহাৰ বলিদানৰ দিনা কোনো ধৰণৰ অবৈধ জন্তুৰ বলিদান নকৰিব। তেওঁলোকে স্পষ্টকৈ কৈছে যে কেৱল চৰকাৰৰ দ্বাৰা অনুমতিপ্ৰাপ্ত জন্তুৰহে বলিদান কৰা উচিত।

পলাশবাৰীৰ বজৰাপাৰাত মাজনিশা দুখন মটৰচাইকেলৰ মুখামুখি সংঘৰ্ষত এক ভয়ংকৰ পথ দুৰ্ঘটনা সংঘটিত হৈছে। এই দুৰ্ঘটনাত থিতাতে তিনিজন যুৱকৰ মৃত্যু হয়। পিছত গুৱাহাটী চিকিৎসা মহাবিদ্যালয় হাস্পতালত আন এজন যুৱকৰ মৃত্যু হোৱাত মুঠ মৃতকৰ সংখ্যা ৪ জনলৈ বৃদ্ধি পায়।

আজি ৰঙিয়াৰ কনিহাত কামৰূপ জিলা জ্যেষ্ঠ নাগৰিক সন্মিলনৰ নৱম দ্বি-বাৰ্ষিক অধিৱেশন অনুষ্ঠিত কৰা হয়। বড়িগোগ আঞ্চলিক জ্যেষ্ঠ নাগৰিক সন্মিলনৰ সৌজন্যত স্থানীয় তৰুণ সঙ্ঘ প্ৰেক্ষাগৃহত দিনযোৰা কাৰ্যসূচীৰে এই অধিৱেশন অনুষ্ঠিত হয়। কাৰ্যসূচী অনুসৰি পুৱা অৱসৰী অধ্যক্ষ সুৰেশ চন্দ্ৰ ভট্টাচাৰ্য, বড়িগোগ গাওঁ পঞ্চায়তৰ সভাপতি দীপাংকৰ শৰ্মা প্ৰমুখ্যে কেইবাগৰাকীও বিশিষ্ট ব্যক্তিয়ে বন্তি প্ৰজ্বলন কৰে। ইয়াৰ পিছতে কামৰূপ জিলা জ্যেষ্ঠ নাগৰিক সন্মিলনৰ সভাপতি নৰেন্দ্ৰ নৰ্মাই পতাকা উত্তোলন কৰে। এই কাৰ্যসূচীত অৱসৰী আৰক্ষী অধীক্ষক হেমন্ত কুমাৰ ভট্টাচাৰ্য আৰু আদৰণি সমিতিৰ কাৰ্যকৰী সভাপতি দীজেন্দ্ৰ মোহন শৰ্মা সহ আন কেইবাগৰাকীও বিশিষ্ট ব্যক্তিয়ে সহযোগ কৰে। সন্মিলনৰ কাৰ্যকৰী সভাপতি ৰমেন চৌধুৰীয়ে স্মৃতি তৰ্পণ কৰে। প্ৰতিনিধি পঞ্জীয়ন আৰু গছপুলি ৰোপণ কাৰ্যসূচী ৰূপায়নৰ অন্তত প্ৰতিনিধি সভা অনুষ্ঠিত কৰা হয়। বিয়লি কামৰূপ জিলা জ্যেষ্ঠ নাগৰিক সন্মিলনৰ সাধাৰণ সম্পাদক বীৰেন্দ্ৰ নাথ শৰ্মাৰ আদৰণি ভাষণৰে মুকলি অধিৱেশন শুভাৰম্ভ কৰা হয়। একেখন মঞ্চতে অধিৱেশন উপলক্ষে প্ৰকাশিত স্মৃতিগ্ৰন্থ 'অপৰাহ্ন' উন্মোচন কৰা হয়। এই অধিৱেশনত কামৰূপ জিলাৰ অন্তৰ্গত বিভিন্ন শাখা সমিতিৰ বিষয়ববীয়াসকল আৰু সদস্যসকলে উপস্থিত থাকি সৌষ্ঠৱ বৃদ্ধি কৰে।

হোজাইত দিন দুপৰতে চোৰে লুটপাত চলায়। এই চুৰিকাণ্ড পশ্চিম আমতলা গাঁৱৰ শ্ৰীৰাম ভগতৰ ঘৰত সংঘটিত হৈছে।

তামুলপুৰ জিলাৰ ভূটান সীমান্তৰ বগাজূলীত আজি আবেলি এটা মৰ্টাৰ চেল বোমা উদ্ধাৰ হোৱাক লৈ অঞ্চলজুৰি চাঞ্চল্যৰ সৃষ্টি হৈছে। ভূটান পাহাৰৰ পৰা বৈ অহা এটা ডোঙৰ পাৰত স্থানীয় লোকে এই মৰ্টাৰটো প্ৰত্যক্ষ কৰাৰ লগে লগে ভূটান সীমান্তত থকা সেনা আৰু এছ এছ বিৰ ছাউনীক খবৰ দিয়ে। খবৰ পোৱাৰ পিছতে সেনা আৰু এছ এছ বিৰ জোৱান ঘটনাস্থলীত উপস্থিত হৈ তত্পৰতাৰে মৰ্টাৰ চেল বোমটো উদ্ধাৰ কৰি নিৰাপদ স্থানলৈ লৈ যায়। উল্লেখ্য যে, দুবছৰ আগতেও পানীত ভাহি অহা তেনে ধৰণৰ এটা মৰ্টাৰ চেল পাই খেলি থাকোঁতে ই বিস্ফোৰিত হৈ এজন কিশোৰ নিহত হৈছিল। এই ঘটনাৰ পিছত বগাজূলীত মৰ্টাৰ চেল বোমা উদ্ধাৰ হোৱা বিষয়টোৱে অঞ্চলটোত নতুনকৈ চাঞ্চল্যৰ সৃষ্টি কৰিছে।

Post by Assam sangbad 24