యువత రాజకీయాల్లోకి రావాలి.. దేశ భవిష్యత్తును యువతే నిర్ణయించాలి: ఈటీ నర్సింహా దేశ భవిష్యత్తును యువతే నిర్ణయించగలదని, అందుకే యువత రాజకీయాల్లోకి వచ్చి ప్రజా సమస్యల పరిష్కారానికి ముందుండాలని సీపీఐ తెలంగాణ రాష్ట్ర సహాయ కార్యదర్శి, ఏఐవైఎఫ్ రాష్ట్ర నిర్మాణ బాధ్యులు ఈటీ నర్సింహా పిలుపునిచ్చారు. సెప్టెంబర్ 8, 9, 10 తేదీల్లో యాదాద్రి భువనగిరి జిల్లా యాదగిరిగుట్టలో జరగనున్న ఏఐవైఎఫ్ తెలంగాణ రాష్ట్ర 3వ మహాసభల లోగోను హిమాయత్ నగర్ లోని కార్యాలయంలో శుక్రవారం ఆవిష్కరించారు. ఈ సందర్భంగా మాట్లాడుతూ కేంద్ర ప్రభుత్వ విధానాలు యువతకు ఉపాధి, నాణ్యమైన విద్య, భద్రత కల్పించే దిశగా కాకుండా ప్రైవేటీకరణ, కాంట్రాక్టీకరణ, ఔట్‌సోర్సింగ్‌కు ప్రాధాన్యం ఇస్తున్నాయని విమర్శించారు. ఎన్నికల సమయంలో మాత్రమే యువతను గుర్తు చేసుకోవడం సరికాదని, రాజ్యాంగ విలువలు, ప్రజాస్వామ్యం, లౌకికవాదం, సామాజిక న్యాయం పరిరక్షణలో యువత కీలక పాత్ర పోషించాలని అన్నారు. ఉద్యోగ హక్కు, విద్య హక్కు, వైద్య హక్కు, కార్మిక హక్కులు, మహిళల భద్రత, రైతుల సంక్షేమం వంటి అంశాలపై ఉద్యమాలను బలోపేతం చేయాల్సిన అవసరం ఉందన్నారు. ఏఐవైఎఫ్ రాష్ట్ర అధ్యక్షుడు వలి ఉల్లా ఖాద్రీ, ప్రధాన కార్యదర్శి కల్లూరు ధర్మేంద్ర మాట్లాడుతూ యాదగిరిగుట్టలో జరిగే రాష్ట్ర మహాసభలు యువతకు దిశానిర్దేశం చేసే వేదికగా నిలుస్తాయని తెలిపారు. మహాసభల్లో నిరుద్యోగం, ప్రభుత్వ ఉద్యోగాల భర్తీ, విద్య, వైద్య రంగాల పరిరక్షణ, ప్రజాస్వామ్య హక్కులు, సామాజిక న్యాయం తదితర అంశాలపై చర్చించి భవిష్యత్ ఉద్యమ కార్యాచరణ రూపొందిస్తామని వెల్లడించారు. రాష్ట్రవ్యాప్తంగా యువత పెద్ద సంఖ్యలో పాల్గొని మహాసభలను విజయవంతం చేయాలని పిలుపునిచ్చారు. కార్యక్రమంలో ఏఐవైఎఫ్ రాష్ట్ర నాయకులు, రాష్ట్ర కమిటీ సభ్యులు పాల్గొన్నారు.

Sravan Ss

సికింద్రాబాద్, హైదరాబాద్, తెలంగాణ•

3 hrs ago

యువత రాజకీయాల్లోకి రావాలి.. దేశ భవిష్యత్తును యువతే నిర్ణయించాలి: ఈటీ నర్సింహా దేశ భవిష్యత్తును యువతే నిర్ణయించగలదని, అందుకే యువత రాజకీయాల్లోకి వచ్చి ప్రజా సమస్యల పరిష్కారానికి ముందుండాలని సీపీఐ తెలంగాణ రాష్ట్ర సహాయ కార్యదర్శి, ఏఐవైఎఫ్ రాష్ట్ర నిర్మాణ బాధ్యులు ఈటీ నర్సింహా పిలుపునిచ్చారు. సెప్టెంబర్ 8, 9, 10 తేదీల్లో యాదాద్రి భువనగిరి జిల్లా యాదగిరిగుట్టలో జరగనున్న ఏఐవైఎఫ్ తెలంగాణ రాష్ట్ర 3వ మహాసభల లోగోను హిమాయత్ నగర్ లోని కార్యాలయంలో శుక్రవారం ఆవిష్కరించారు. ఈ సందర్భంగా మాట్లాడుతూ కేంద్ర ప్రభుత్వ విధానాలు యువతకు ఉపాధి, నాణ్యమైన విద్య, భద్రత కల్పించే దిశగా కాకుండా ప్రైవేటీకరణ, కాంట్రాక్టీకరణ, ఔట్‌సోర్సింగ్‌కు ప్రాధాన్యం ఇస్తున్నాయని విమర్శించారు. ఎన్నికల సమయంలో మాత్రమే యువతను గుర్తు చేసుకోవడం సరికాదని, రాజ్యాంగ విలువలు, ప్రజాస్వామ్యం, లౌకికవాదం, సామాజిక న్యాయం పరిరక్షణలో యువత కీలక పాత్ర పోషించాలని అన్నారు. ఉద్యోగ హక్కు, విద్య హక్కు, వైద్య హక్కు, కార్మిక హక్కులు, మహిళల భద్రత, రైతుల సంక్షేమం వంటి అంశాలపై ఉద్యమాలను బలోపేతం చేయాల్సిన అవసరం ఉందన్నారు. ఏఐవైఎఫ్ రాష్ట్ర అధ్యక్షుడు వలి ఉల్లా ఖాద్రీ, ప్రధాన కార్యదర్శి కల్లూరు ధర్మేంద్ర మాట్లాడుతూ యాదగిరిగుట్టలో జరిగే రాష్ట్ర మహాసభలు యువతకు దిశానిర్దేశం చేసే వేదికగా నిలుస్తాయని తెలిపారు. మహాసభల్లో నిరుద్యోగం, ప్రభుత్వ ఉద్యోగాల భర్తీ, విద్య, వైద్య రంగాల పరిరక్షణ, ప్రజాస్వామ్య హక్కులు, సామాజిక న్యాయం తదితర అంశాలపై చర్చించి భవిష్యత్ ఉద్యమ కార్యాచరణ రూపొందిస్తామని వెల్లడించారు. రాష్ట్రవ్యాప్తంగా యువత పెద్ద సంఖ్యలో పాల్గొని మహాసభలను విజయవంతం చేయాలని పిలుపునిచ్చారు. కార్యక్రమంలో ఏఐవైఎఫ్ రాష్ట్ర నాయకులు, రాష్ట్ర కమిటీ సభ్యులు పాల్గొన్నారు.