लातूर जिल्ह्यातील चाकूर नगरपंचायतीच्या रिक्त झालेल्या नगराध्यक्षपदाच्या निवडणुकीसाठी येत्या १७ जुलै २०२६ रोजी दुपारी १२ वाजता विशेष सभेचे आयोजन करण्यात आले आहे. जिल्हा प्रशासनाने या निवडणुकीचा सविस्तर कार्यक्रम जाहीर केला असून, उमेदवारांमध्ये आणि राजकीय वर्तुळात हालचालींना वेग आला आहे. जाहीर कार्यक्रमानुसार, नगराध्यक्षपदासाठी उमेदवारी अर्ज १३ जुलै रोजी सकाळी १० ते दुपारी २ वाजेपर्यंत स्वीकारले जातील आणि त्याच दिवशी दुपारी २ ते सायंकाळी ६ वाजेपर्यंत अर्जांची छाननी केली जाईल. नामनिर्देशनपत्रांवर अपील करण्यासाठी १३ जुलै सायंकाळी ५ वाजल्यापासून १५ जुलै सायंकाळी ५ वाजेपर्यंत मुदत देण्यात आली आहे. उमेदवारी अर्ज मागे घेण्याची अंतिम मुदत १६ जुलै रोजी दुपारी ४ वाजेपर्यंत असेल. त्यानंतर १७ जुलै रोजी विशेष सभेत अंतिम उमेदवारांची घोषणा केली जाईल. एकापेक्षा जास्त उमेदवार रिंगणात असल्यास त्याच दिवशी हात वर करून मतदान घेतले जाईल आणि मतदानानंतर लगेचच मतमोजणी करून निकाल जाहीर केला जाईल. माजी नगराध्यक्ष करीम गुळवे यांनी राजीनामा दिल्यामुळे हे नगराध्यक्षपद रिक्त झाले होते. महाराष्ट्र नगरपंचायत अधिनियमानुसार रिक्त झालेल्या पदाची २५ दिवसांच्या आत निवड करणे बंधनकारक असल्याने जिल्हाधिकारी डॉ. भारत बास्टेवाड यांनी विशेष सभा बोलावण्याचे आदेश दिले आहेत. ही विशेष सभा १७ जुलै रोजी दुपारी १२ वाजता चाकूर नगरपंचायत सभागृहात होणार असून उपविभागीय अधिकारी डॉ. मंजुषा लटपटे या पीठासीन अधिकारी म्हणून निवडणूक प्रक्रिया पार पाडतील. या निवडणुकीत कोणत्या पक्षाचा उमेदवार मैदानात उतरणार, सत्ताधारी गट आपले वर्चस्व कायम राखणार की विरोधक बाजी मारणार, याकडे संपूर्ण तालुक्याचे लक्ष लागले आहे.

संजय पाटील,पत्रकार

चाकूर, लातूर, महाराष्ट्र•

3 hrs ago

लातूर जिल्ह्यातील चाकूर नगरपंचायतीच्या रिक्त झालेल्या नगराध्यक्षपदाच्या निवडणुकीसाठी येत्या १७ जुलै २०२६ रोजी दुपारी १२ वाजता विशेष सभेचे आयोजन करण्यात आले आहे. जिल्हा प्रशासनाने या निवडणुकीचा सविस्तर कार्यक्रम जाहीर केला असून, उमेदवारांमध्ये आणि राजकीय वर्तुळात हालचालींना वेग आला आहे. जाहीर कार्यक्रमानुसार, नगराध्यक्षपदासाठी उमेदवारी अर्ज १३ जुलै रोजी सकाळी १० ते दुपारी २ वाजेपर्यंत स्वीकारले जातील आणि त्याच दिवशी दुपारी २ ते सायंकाळी ६ वाजेपर्यंत अर्जांची छाननी केली जाईल. नामनिर्देशनपत्रांवर अपील करण्यासाठी १३ जुलै सायंकाळी ५ वाजल्यापासून १५ जुलै सायंकाळी ५ वाजेपर्यंत मुदत देण्यात आली आहे. उमेदवारी अर्ज मागे घेण्याची अंतिम मुदत १६ जुलै रोजी दुपारी ४ वाजेपर्यंत असेल. त्यानंतर १७ जुलै रोजी विशेष सभेत अंतिम उमेदवारांची घोषणा केली जाईल. एकापेक्षा जास्त उमेदवार रिंगणात असल्यास त्याच दिवशी हात वर करून मतदान घेतले जाईल आणि मतदानानंतर लगेचच मतमोजणी करून निकाल जाहीर केला जाईल. माजी नगराध्यक्ष करीम गुळवे यांनी राजीनामा दिल्यामुळे हे नगराध्यक्षपद रिक्त झाले होते. महाराष्ट्र नगरपंचायत अधिनियमानुसार रिक्त झालेल्या पदाची २५ दिवसांच्या आत निवड करणे बंधनकारक असल्याने जिल्हाधिकारी डॉ. भारत बास्टेवाड यांनी विशेष सभा बोलावण्याचे आदेश दिले आहेत. ही विशेष सभा १७ जुलै रोजी दुपारी १२ वाजता चाकूर नगरपंचायत सभागृहात होणार असून उपविभागीय अधिकारी डॉ. मंजुषा लटपटे या पीठासीन अधिकारी म्हणून निवडणूक प्रक्रिया पार पाडतील. या निवडणुकीत कोणत्या पक्षाचा उमेदवार मैदानात उतरणार, सत्ताधारी गट आपले वर्चस्व कायम राखणार की विरोधक बाजी मारणार, याकडे संपूर्ण तालुक्याचे लक्ष लागले आहे.