ଦେବଗଡ଼ ପୌର ପରିଷଦ ପକ୍ଷରୁ ଜୁନ ୨୧, ୨୦୨୬ ରେ ପ୍ରଧାନ ପାଟ ରୋଡ କଲ୍ୟାଣ ମଣ୍ଡପ ଠାରେ ରାଜ୍ୟ ସରକାରଙ୍କ ଦୁଇ ବର୍ଷ ପୂର୍ତ୍ତି ଉପଲକ୍ଷେ 'ବିକାଶ ଧାରା ଓଡ଼ିଶା ସାରା' ପ୍ରଦର୍ଶନୀ ମେଳା ଆୟୋଜିତ ହୋଇଯାଇଛି। ଏହି କାର୍ଯ୍ୟକ୍ରମ ଭାରପ୍ରାପ୍ତ ପୌର ପରିଷଦ ନିର୍ବାହୀ ଅଧିକାରୀ କଳିଙ୍ଗ ଆଶିଷ ଶତପଥୀଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ରେବେକା ବିଲୁଙ୍ଗ, ବରନ୍ୟ ଅତିଥି ଭାବେ ଅତିରିକ୍ତ ନିର୍ବାହୀ ଅଧିକାରୀ (ଜିଲ୍ଲା ପରିଷଦ) ଦିଲ୍ଲୀପ କୁମାର ପ୍ରଧାନ ଏବଂ ସମ୍ବଲପୁର ସଂସଦ ପ୍ରତିନିଧି ସୁଧୀର କୁମାର କପରଦାର ଯୋଗ ଦେଇଥିଲେ। ପ୍ରଥମେ ଅତିଥିମାନେ ଫିତା କାଟି ପ୍ରଦର୍ଶନୀ ମେଳାକୁ ଶୁଭ ଉଦ୍‌ଘାଟନ କରିଥିଲେ। ପରେ ଏକ ସାଧାରଣ ସଭାରେ ଜଗତର ନାଥ ଜଗନ୍ନାଥଙ୍କ ନିକଟରେ ପ୍ରଦୀପ ପ୍ରଜ୍ୱଳନ କରି ସଭା କାର୍ଯ୍ୟକୁ ଆରମ୍ଭ କରାଯାଇଥିଲା। ଏହି ଅବସରରେ ମୁଖ୍ୟ ଓ ବରନ୍ୟ ଅତିଥି ଜିଲ୍ଲାରେ ହୋଇଥିବା ବିକାଶ ଏବଂ ଆଗାମୀ ଦିନରେ ଅଧିକ ବିକାଶର ସମ୍ଭାବନା ଉପରେ ମତ ପ୍ରକାଶ କରିଥିଲେ। ପ୍ରଦର୍ଶନୀ ମେଳାରେ ମୋଟ ୮ଟି ଷ୍ଟଲ ଖୋଲାଯାଇଥିଲା। ଏଥିରେ ଦେବଗଡ଼ ପୌରପାଳିକାର ନଗର ପରିମଳ ଓ ସ୍ୱଚ୍ଛତା (ମୋ ସହର ମୋ ଦାୟିତ୍ୱ), ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ, ପିଏମ ସେବା ନିଧି, ସ୍ୱତନ୍ତ୍ର ସଘନ ସଂଶୋଧନ (SIR), ମୋ ଖତ, ପ୍ରଧାନମନ୍ତ୍ରୀ ଆବାସ ଯୋଜନା, ରାସନ କାର୍ଡ, ଆୟୁଷ୍ମାନ କାର୍ଡ, ପିଏମ ବିଶ୍ୱକର୍ମା ଯୋଜନା, ମଧୁ ବାବୁ ପେନସନ ଯୋଜନା, ସୁକନ୍ୟା ସମୃଦ୍ଧି ଯୋଜନା, ପିଏମ ସୁରକ୍ଷା ବୀମା ଯୋଜନା, PWD ପରିଚୟ ପତ୍ର, ସୁଭଦ୍ରା ଯୋଜନା, ଶ୍ରମିକ କାର୍ଡ, ଇ-ଶ୍ରମ କାର୍ଡ ଏବଂ ଗରିମା ଯୋଜନା ସମ୍ବନ୍ଧୀୟ ପ୍ରଦର୍ଶନୀ ମଣ୍ଡପ ସ୍ଥାପିତ ହୋଇଥିଲା। ଏହା ପରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଏହି କାର୍ଯ୍ୟକ୍ରମରେ ପୌର ପରିଷଦର କାଉନସିଲର, କର୍ମଚାରୀ, ସ୍ୱୟଂ ସହାୟକ ଗୋଷ୍ଠୀ ଏବଂ ଜନସାଧାରଣ ପ୍ରମୁଖ ଉପସ୍ଥିତ ଥିଲେ। କାର୍ଯ୍ୟକ୍ରମକୁ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ମନୋରଞ୍ଜନ ସୂତାର ସଂଯୋଜନା କରିଥିଲେ।

ବାରକୋଟ ଖବର

Court reporter ବରକୋଟ, ଦେବଗଡ଼, ଓଡ଼ିଶା•

1 hr ago

ଦେବଗଡ଼ ପୌର ପରିଷଦ ପକ୍ଷରୁ ଜୁନ ୨୧, ୨୦୨୬ ରେ ପ୍ରଧାନ ପାଟ ରୋଡ କଲ୍ୟାଣ ମଣ୍ଡପ ଠାରେ ରାଜ୍ୟ ସରକାରଙ୍କ ଦୁଇ ବର୍ଷ ପୂର୍ତ୍ତି ଉପଲକ୍ଷେ 'ବିକାଶ ଧାରା ଓଡ଼ିଶା ସାରା' ପ୍ରଦର୍ଶନୀ ମେଳା ଆୟୋଜିତ ହୋଇଯାଇଛି। ଏହି କାର୍ଯ୍ୟକ୍ରମ ଭାରପ୍ରାପ୍ତ ପୌର ପରିଷଦ ନିର୍ବାହୀ ଅଧିକାରୀ କଳିଙ୍ଗ ଆଶିଷ ଶତପଥୀଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ରେବେକା ବିଲୁଙ୍ଗ, ବରନ୍ୟ ଅତିଥି ଭାବେ ଅତିରିକ୍ତ ନିର୍ବାହୀ ଅଧିକାରୀ (ଜିଲ୍ଲା ପରିଷଦ) ଦିଲ୍ଲୀପ କୁମାର ପ୍ରଧାନ ଏବଂ ସମ୍ବଲପୁର ସଂସଦ ପ୍ରତିନିଧି ସୁଧୀର କୁମାର କପରଦାର ଯୋଗ ଦେଇଥିଲେ। ପ୍ରଥମେ ଅତିଥିମାନେ ଫିତା କାଟି ପ୍ରଦର୍ଶନୀ ମେଳାକୁ ଶୁଭ ଉଦ୍‌ଘାଟନ କରିଥିଲେ। ପରେ ଏକ ସାଧାରଣ ସଭାରେ ଜଗତର ନାଥ ଜଗନ୍ନାଥଙ୍କ ନିକଟରେ ପ୍ରଦୀପ ପ୍ରଜ୍ୱଳନ କରି ସଭା କାର୍ଯ୍ୟକୁ ଆରମ୍ଭ କରାଯାଇଥିଲା। ଏହି ଅବସରରେ ମୁଖ୍ୟ ଓ ବରନ୍ୟ ଅତିଥି ଜିଲ୍ଲାରେ ହୋଇଥିବା ବିକାଶ ଏବଂ ଆଗାମୀ ଦିନରେ ଅଧିକ ବିକାଶର ସମ୍ଭାବନା ଉପରେ ମତ ପ୍ରକାଶ କରିଥିଲେ। ପ୍ରଦର୍ଶନୀ ମେଳାରେ ମୋଟ ୮ଟି ଷ୍ଟଲ ଖୋଲାଯାଇଥିଲା। ଏଥିରେ ଦେବଗଡ଼ ପୌରପାଳିକାର ନଗର ପରିମଳ ଓ ସ୍ୱଚ୍ଛତା (ମୋ ସହର ମୋ ଦାୟିତ୍ୱ), ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ, ପିଏମ ସେବା ନିଧି, ସ୍ୱତନ୍ତ୍ର ସଘନ ସଂଶୋଧନ (SIR), ମୋ ଖତ, ପ୍ରଧାନମନ୍ତ୍ରୀ ଆବାସ ଯୋଜନା, ରାସନ କାର୍ଡ, ଆୟୁଷ୍ମାନ କାର୍ଡ, ପିଏମ ବିଶ୍ୱକର୍ମା ଯୋଜନା, ମଧୁ ବାବୁ ପେନସନ ଯୋଜନା, ସୁକନ୍ୟା ସମୃଦ୍ଧି ଯୋଜନା, ପିଏମ ସୁରକ୍ଷା ବୀମା ଯୋଜନା, PWD ପରିଚୟ ପତ୍ର, ସୁଭଦ୍ରା ଯୋଜନା, ଶ୍ରମିକ କାର୍ଡ, ଇ-ଶ୍ରମ କାର୍ଡ ଏବଂ ଗରିମା ଯୋଜନା ସମ୍ବନ୍ଧୀୟ ପ୍ରଦର୍ଶନୀ ମଣ୍ଡପ ସ୍ଥାପିତ ହୋଇଥିଲା। ଏହା ପରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଏହି କାର୍ଯ୍ୟକ୍ରମରେ ପୌର ପରିଷଦର କାଉନସିଲର, କର୍ମଚାରୀ, ସ୍ୱୟଂ ସହାୟକ ଗୋଷ୍ଠୀ ଏବଂ ଜନସାଧାରଣ ପ୍ରମୁଖ ଉପସ୍ଥିତ ଥିଲେ। କାର୍ଯ୍ୟକ୍ରମକୁ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ମନୋରଞ୍ଜନ ସୂତାର ସଂଯୋଜନା କରିଥିଲେ।