कर्मयथार्थ फाउंडेशनचा स्तुत्य उपक्रम नवे भामपूर जि.प. शाळेला क्रीडा साहित्याची भेट. दोंडाईचा :- शिक्षण आणि खेळ या एकाच नाण्याच्या दोन बाजू असून विद्यार्थ्यांच्या सर्वांगीण विकासासाठी खेळाचे अनन्यसाधारण महत्त्व आहे.' याच उदात्त विचारांतून आणि सामाजिक बांधिलकीच्या जाणिवेतून 'कर्मयथार्थ फाउंडेशन'तर्फे शिरपूर तालुक्यातील नवे भामपूर येथील जिल्हा परिषद शाळेला नुकतीच क्रीडा साहित्याची भेट देण्यात आली. मुंबई येथील पोलीस निरीक्षक महेश श्रीराव साहेब यांच्या वाढदिवसाचे औचित्य साधून या प्रेरणादायी सामाजिक उपक्रमाचे आयोजन करण्यात आले होते. नवनवीन खेळणी आणि क्रीडा साहित्य हाती पडताच शाळेतील चिमुकल्या विद्यार्थ्यांच्या चेहऱ्यावरील आनंद ओसंडून वाहत होता. यामुळे शालेय परिसरात कमालीचे उत्साही वातावरण पाहायला मिळाले. या दिमाखदार कार्यक्रमाच्या अध्यक्षस्थानी विकास कोळी उपस्थित होते. तर प्रमुख अतिथी म्हणून राहुल बागुल, जगन्नाथ कोळी, आबाजी हरकलाल महाजन आणि रविंद्र पेंढारकर यांनी उपस्थित राहून विद्यार्थ्यांचे कौतुक केले व त्यांना प्रोत्साहन दिले. याप्रसंगी मनोगत व्यक्त करताना शाळेच्या मुख्याध्यापिका श्रीमती चंद्रकला रविंद्र महाजन म्हणाल्या, शिक्षण हाच धर्म आणि एकच ध्यास, समाजाचा विकास या ध्येयाने प्रेरित होऊन आमची शाळा कार्य करत आहे. समाजातील समविचारी आणि दानशूर व्यक्तींनी एकत्र येत विद्यार्थ्यांसाठी तुम्ही फक्त शिका, आम्ही तुमची काळजी घेऊ हा जो आश्वासक दृष्टिकोन ठेवला आहे, तो अत्यंत कौतुकास्पद आणि दिशादर्शक आहे. या सुंदर सोहळ्याचे खुमासदार सूत्रसंचालन ज्ञानेश्वर भाऊराव पाटील सर यांनी केले, तर उपस्थित मान्यवरांचे आभार शामकांत पंढरीनाथ नेरकर सर यांनी मानले. हा उपक्रम यशस्वी करण्यासाठी 'कर्मयथार्थ फाउंडेशन'चे पदाधिकारी विवेक ईशी, विनय कोळी, हर्षल ईशी, मनोज ईशी, राज कुंवर, राजा थोरात, योगेश ईशी आणि संदीप ईशी यांनी विशेष परिश्रम घेतले. ग्रामस्थांकडून फाउंडेशनच्या या उपक्रमाचे सर्वत्र कौतुक होत आहे.

4 hrs ago

दोंडाईचा एक्सप्रेस,संजय कोळी

Carpenter सिंदखेडा, धुळे, महाराष्ट्र•

4 hrs ago

कर्मयथार्थ फाउंडेशनचा स्तुत्य उपक्रम नवे भामपूर जि.प. शाळेला क्रीडा साहित्याची भेट. दोंडाईचा :- शिक्षण आणि खेळ या एकाच नाण्याच्या दोन बाजू असून विद्यार्थ्यांच्या सर्वांगीण विकासासाठी खेळाचे अनन्यसाधारण महत्त्व आहे.' याच उदात्त विचारांतून आणि सामाजिक बांधिलकीच्या जाणिवेतून 'कर्मयथार्थ फाउंडेशन'तर्फे शिरपूर तालुक्यातील नवे भामपूर येथील जिल्हा परिषद शाळेला नुकतीच क्रीडा साहित्याची भेट देण्यात आली. मुंबई येथील पोलीस निरीक्षक महेश श्रीराव साहेब यांच्या वाढदिवसाचे औचित्य साधून या प्रेरणादायी सामाजिक उपक्रमाचे आयोजन करण्यात आले होते. नवनवीन खेळणी आणि क्रीडा साहित्य हाती पडताच शाळेतील चिमुकल्या विद्यार्थ्यांच्या चेहऱ्यावरील आनंद ओसंडून वाहत होता. यामुळे शालेय परिसरात कमालीचे उत्साही वातावरण पाहायला मिळाले. या दिमाखदार कार्यक्रमाच्या अध्यक्षस्थानी विकास कोळी उपस्थित होते. तर प्रमुख अतिथी म्हणून राहुल बागुल, जगन्नाथ कोळी, आबाजी हरकलाल महाजन आणि रविंद्र पेंढारकर यांनी उपस्थित राहून विद्यार्थ्यांचे कौतुक केले व त्यांना प्रोत्साहन दिले. याप्रसंगी मनोगत व्यक्त करताना शाळेच्या मुख्याध्यापिका श्रीमती चंद्रकला रविंद्र महाजन म्हणाल्या, शिक्षण हाच धर्म आणि एकच ध्यास, समाजाचा विकास या ध्येयाने प्रेरित होऊन आमची शाळा कार्य करत आहे. समाजातील समविचारी आणि दानशूर व्यक्तींनी एकत्र येत विद्यार्थ्यांसाठी तुम्ही फक्त शिका, आम्ही तुमची काळजी घेऊ हा जो आश्वासक दृष्टिकोन ठेवला आहे, तो अत्यंत कौतुकास्पद आणि दिशादर्शक आहे. या सुंदर सोहळ्याचे खुमासदार सूत्रसंचालन ज्ञानेश्वर भाऊराव पाटील सर यांनी केले, तर उपस्थित मान्यवरांचे आभार शामकांत पंढरीनाथ नेरकर सर यांनी मानले. हा उपक्रम यशस्वी करण्यासाठी 'कर्मयथार्थ फाउंडेशन'चे पदाधिकारी विवेक ईशी, विनय कोळी, हर्षल ईशी, मनोज ईशी, राज कुंवर, राजा थोरात, योगेश ईशी आणि संदीप ईशी यांनी विशेष परिश्रम घेतले. ग्रामस्थांकडून फाउंडेशनच्या या उपक्रमाचे सर्वत्र कौतुक होत आहे.

More news from महाराष्ट्र and nearby areas