ठाण्यातील नौपाडा परिसरातील एका प्रसिद्ध फूड आउटलेटमध्ये सडलेले दुग्धजन्य पदार्थ आणि बुरशी आलेली शिळी पाव विकली जात असल्याचा धक्कादायक प्रकार समोर आल्यानंतर अन्न व औषध प्रशासनाने (FDA) हे दुकान तात्काळ सील केले आहे. एफडीए आयुक्त तुकाराम मुंडे यांच्या कडक आदेशानंतर ही धडक कारवाई करण्यात आली असून, यामुळे नागरिकांच्या आरोग्याशी खेळणाऱ्या आणि भेसळ करणाऱ्या व्यापाऱ्यांचे धाबे दणाणले आहेत. या कारवाईची पार्श्वभूमी स्थानिक रहिवाशांच्या त्रासाशी जोडलेली आहे. नौपाड्यातील उच्चभ्रू भागातील शिवानंद बिल्डिंग परिसरात गेल्या काही दिवसांपासून सडलेल्या अन्नाची तीव्र आणि असह्य दुर्गंधी पसरली होती. यामुळे हैराण झालेल्या नागरिकांनी अखेर भाजप नगरसेवक संजय वाघुले यांच्याकडे तक्रार केली. गांभीर्य ओळखून नगरसेवक संजय वाघुले आणि शिवसेना अधिकारी किरण नक्ती यांनी तात्काळ घटनास्थळी धाव घेतली. तेथील भयानक आणि अस्वच्छ परिस्थिती पाहून लोकप्रतिनिधीही अवाक झाले आणि त्यांनी तातडीने याची माहिती एफडीए प्रशासनाला दिली. माहिती मिळताच एफडीएच्या पथकाने या दुकानावर छापा टाकला. या छाप्यादरम्यान अत्यंत अस्वच्छ वातावरणात साठवून ठेवलेली सडलेली दुग्ध उत्पादने, बुरशी लागलेली पाव आणि इतर खाद्यपदार्थ जप्त करण्यात आले. तपासणीत हे अन्नपदार्थ मानवी आरोग्यासाठी अत्यंत विषारी आणि प्राणघातक असल्याचे स्पष्ट झाले आहे. याप्रकरणी संबंधित दुकानदारावर कायदेशीर कारवाई सुरू करण्यात आली असून, नियमांचे उल्लंघन करून लोकांच्या जिवाशी खेळणाऱ्या कोणत्याही व्यापाऱ्याची गय केली जाणार नाही आणि त्यांच्यावर कठोर फौजदारी कारवाई केली जाईल, असा कडक इशारा एफडीए अधिकाऱ्यांनी दिला आहे. अन्न सुरक्षेच्या बाबतीत एफडीए आयुक्त तुकाराम मुंडे सध्या पूर्णपणे 'ॲक्शन मोड'मध्ये आहेत. काही दिवसांपूर्वीच त्यांनी मुंबईतील प्रसिद्ध 'रुस्तम आईस्क्रीम'चा परवाना रद्द केला होता, तसेच उंदीर व माशांच्या उपद्रवात अन्न तयार केले जाणाऱ्या १६ ठिकाणांवर छापे टाकून मोठी कारवाई केली होती. त्यानंतर ठाण्यात झालेली ही ताजी कारवाई म्हणजे नफेखोरीसाठी लोकांच्या आरोग्याशी खेळणाऱ्यांसाठी एक मोठा इशारा मानला जात असून, नौपाड्यातील रहिवाशांनी या कारवाईनंतर प्रशासनाचे आभार मानले आहेत.

जनहित न्यूज महाराष्ट्र

Newspaper distribution कल्याण, ठाणे, महाराष्ट्र•

10 hrs ago

ठाण्यातील नौपाडा परिसरातील एका प्रसिद्ध फूड आउटलेटमध्ये सडलेले दुग्धजन्य पदार्थ आणि बुरशी आलेली शिळी पाव विकली जात असल्याचा धक्कादायक प्रकार समोर आल्यानंतर अन्न व औषध प्रशासनाने (FDA) हे दुकान तात्काळ सील केले आहे. एफडीए आयुक्त तुकाराम मुंडे यांच्या कडक आदेशानंतर ही धडक कारवाई करण्यात आली असून, यामुळे नागरिकांच्या आरोग्याशी खेळणाऱ्या आणि भेसळ करणाऱ्या व्यापाऱ्यांचे धाबे दणाणले आहेत. या कारवाईची पार्श्वभूमी स्थानिक रहिवाशांच्या त्रासाशी जोडलेली आहे. नौपाड्यातील उच्चभ्रू भागातील शिवानंद बिल्डिंग परिसरात गेल्या काही दिवसांपासून सडलेल्या अन्नाची तीव्र आणि असह्य दुर्गंधी पसरली होती. यामुळे हैराण झालेल्या नागरिकांनी अखेर भाजप नगरसेवक संजय वाघुले यांच्याकडे तक्रार केली. गांभीर्य ओळखून नगरसेवक संजय वाघुले आणि शिवसेना अधिकारी किरण नक्ती यांनी तात्काळ घटनास्थळी धाव घेतली. तेथील भयानक आणि अस्वच्छ परिस्थिती पाहून लोकप्रतिनिधीही अवाक झाले आणि त्यांनी तातडीने याची माहिती एफडीए प्रशासनाला दिली. माहिती मिळताच एफडीएच्या पथकाने या दुकानावर छापा टाकला. या छाप्यादरम्यान अत्यंत अस्वच्छ वातावरणात साठवून ठेवलेली सडलेली दुग्ध उत्पादने, बुरशी लागलेली पाव आणि इतर खाद्यपदार्थ जप्त करण्यात आले. तपासणीत हे अन्नपदार्थ मानवी आरोग्यासाठी अत्यंत विषारी आणि प्राणघातक असल्याचे स्पष्ट झाले आहे. याप्रकरणी संबंधित दुकानदारावर कायदेशीर कारवाई सुरू करण्यात आली असून, नियमांचे उल्लंघन करून लोकांच्या जिवाशी खेळणाऱ्या कोणत्याही व्यापाऱ्याची गय केली जाणार नाही आणि त्यांच्यावर कठोर फौजदारी कारवाई केली जाईल, असा कडक इशारा एफडीए अधिकाऱ्यांनी दिला आहे. अन्न सुरक्षेच्या बाबतीत एफडीए आयुक्त तुकाराम मुंडे सध्या पूर्णपणे 'ॲक्शन मोड'मध्ये आहेत. काही दिवसांपूर्वीच त्यांनी मुंबईतील प्रसिद्ध 'रुस्तम आईस्क्रीम'चा परवाना रद्द केला होता, तसेच उंदीर व माशांच्या उपद्रवात अन्न तयार केले जाणाऱ्या १६ ठिकाणांवर छापे टाकून मोठी कारवाई केली होती. त्यानंतर ठाण्यात झालेली ही ताजी कारवाई म्हणजे नफेखोरीसाठी लोकांच्या आरोग्याशी खेळणाऱ्यांसाठी एक मोठा इशारा मानला जात असून, नौपाड्यातील रहिवाशांनी या कारवाईनंतर प्रशासनाचे आभार मानले आहेत.