தேனி மாவட்டம் பெரியகுளம் அருகே எண்டபுளி பகுதியில் உள்ள ஒரு தனியார் திருமண மண்டபத்தில், தமிழக வெற்றிக் கழக பெரியகுளம் சட்டமன்ற உறுப்பினர் க. சபரி ஐங்கரன், தமிழ்நாடு முதலமைச்சர் சி. ஜோசப் விஜயின் 52வது பிறந்தநாளை முன்னிட்டு ஒரு மாபெரும் இரத்ததான முகாமை ஏற்பாடு செய்திருந்தார். நேற்று நடைபெற்ற இந்த முகாமை தவெக தேனி தெற்கு மாவட்டக் கழகச் செயலாளர் லெப்ட் பாண்டி துவக்கி வைத்தார். ஆனால், பெரியகுளம் சட்டமன்றத் தொகுதியின் தேனி வடக்கு மாவட்டச் செயலாளராக உள்ள பிரகாஷ் இந்த முகாமில் கலந்துகொள்ளாதது, தவெக நிர்வாகிகள் மத்தியில் பெரும் சலசலப்பை ஏற்படுத்தியுள்ளது. இது தேனி மாவட்டத்தில் ஹாட் டாபிக்காக பேசப்பட்டு வருகிறது. இந்த முகாமில் ஏராளமான ஆண்கள் மற்றும் பெண்கள் கலந்துகொண்டு குருதி வழங்கினர். குருதி வழங்கியவர்களுக்கு ஜூஸ் மற்றும் பழங்கள் அடங்கிய தொகுப்பு வழங்கப்பட்டது. பெரியகுளம் அரசு மாவட்டத் தலைமை மருத்துவமனை கண்காணிப்பாளர் குமார், தேவதானப்பட்டி அரசு ஆரம்ப சுகாதார நிலைய வட்டார மருத்துவ அலுவலர் கோமதி உள்ளிட்ட மருத்துவர்கள், மருத்துவக் குழுவினர், தன்னார்வலர்கள் மற்றும் தமிழக வெற்றிக் கழக நிர்வாகிகள் பலரும் இதில் கலந்துகொண்டனர். இது குறித்து தவெக கட்சியைச் சார்ந்த நபர்கள் பேசுகையில், மாவட்டச் செயலாளர் பிரகாஷ் மற்றும் பெரியகுளம் சட்டமன்ற உறுப்பினர் தரப்பினருக்கும் இடையே சிறு சிறு கருத்து மோதல்கள் ஏற்பட்டு வருவதாகவும் தெரிவித்தனர். விரைவில் பெரியகுளம் சட்டமன்றத் தொகுதிக்கு எம்எல்ஏவின் நெருங்கிய நண்பர் ஒருவர் மாவட்டச் செயலாளராக தவெக தலைமை அறிவிக்கும் என்றும், அதற்காக சட்டமன்ற உறுப்பினர் தரப்பினர் தேனி தெற்கு மாவட்டச் செயலாளர் லெப்ட் பாண்டி மூலம் தவெக இரண்டாம் கட்ட தலைவர்களை சந்தித்து முயற்சிகளை எடுத்து வருவதாகவும் தகவல் பரவலாக பேசப்பட்டு வருகிறது. தமிழக வெற்றிக் கழகத்தில் பெரியகுளம் பகுதியில் மாவட்டச் செயலாளர் பிரகாஷ் தலைமையில் ஒரு குழுவும், எம்எல்ஏ தரப்பில் ஒரு குழுவும், மாவட்டச் செயலாளர் லெப்ட் பாண்டி தரப்பிற்கு ஆதரவாக ஒரு குழுவுமாக பல குழுக்களாக தவெகவினர் பிரிந்து செயல்படுவது, விஜய் மக்கள் இயக்கத்திலிருந்து தொடர்ந்து பயணிக்கக் கூடிய தமிழக வெற்றிக் கழகத் தொண்டர்களிடையே பெரிதும் வருத்தத்தை ஏற்படுத்துவதாக தகவல்கள் தெரிவிக்கின்றன.

Theni Godwin

பத்திரிகையாளர் தேனி, தேனி, தமிழ்நாடு•

1 hr ago

தேனி மாவட்டம் பெரியகுளம் அருகே எண்டபுளி பகுதியில் உள்ள ஒரு தனியார் திருமண மண்டபத்தில், தமிழக வெற்றிக் கழக பெரியகுளம் சட்டமன்ற உறுப்பினர் க. சபரி ஐங்கரன், தமிழ்நாடு முதலமைச்சர் சி. ஜோசப் விஜயின் 52வது பிறந்தநாளை முன்னிட்டு ஒரு மாபெரும் இரத்ததான முகாமை ஏற்பாடு செய்திருந்தார். நேற்று நடைபெற்ற இந்த முகாமை தவெக தேனி தெற்கு மாவட்டக் கழகச் செயலாளர் லெப்ட் பாண்டி துவக்கி வைத்தார். ஆனால், பெரியகுளம் சட்டமன்றத் தொகுதியின் தேனி வடக்கு மாவட்டச் செயலாளராக உள்ள பிரகாஷ் இந்த முகாமில் கலந்துகொள்ளாதது, தவெக நிர்வாகிகள் மத்தியில் பெரும் சலசலப்பை ஏற்படுத்தியுள்ளது. இது தேனி மாவட்டத்தில் ஹாட் டாபிக்காக பேசப்பட்டு வருகிறது. இந்த முகாமில் ஏராளமான ஆண்கள் மற்றும் பெண்கள் கலந்துகொண்டு குருதி வழங்கினர். குருதி வழங்கியவர்களுக்கு ஜூஸ் மற்றும் பழங்கள் அடங்கிய தொகுப்பு வழங்கப்பட்டது. பெரியகுளம் அரசு மாவட்டத் தலைமை மருத்துவமனை கண்காணிப்பாளர் குமார், தேவதானப்பட்டி அரசு ஆரம்ப சுகாதார நிலைய வட்டார மருத்துவ அலுவலர் கோமதி உள்ளிட்ட மருத்துவர்கள், மருத்துவக் குழுவினர், தன்னார்வலர்கள் மற்றும் தமிழக வெற்றிக் கழக நிர்வாகிகள் பலரும் இதில் கலந்துகொண்டனர். இது குறித்து தவெக கட்சியைச் சார்ந்த நபர்கள் பேசுகையில், மாவட்டச் செயலாளர் பிரகாஷ் மற்றும் பெரியகுளம் சட்டமன்ற உறுப்பினர் தரப்பினருக்கும் இடையே சிறு சிறு கருத்து மோதல்கள் ஏற்பட்டு வருவதாகவும் தெரிவித்தனர். விரைவில் பெரியகுளம் சட்டமன்றத் தொகுதிக்கு எம்எல்ஏவின் நெருங்கிய நண்பர் ஒருவர் மாவட்டச் செயலாளராக தவெக தலைமை அறிவிக்கும் என்றும், அதற்காக சட்டமன்ற உறுப்பினர் தரப்பினர் தேனி தெற்கு மாவட்டச் செயலாளர் லெப்ட் பாண்டி மூலம் தவெக இரண்டாம் கட்ட தலைவர்களை சந்தித்து முயற்சிகளை எடுத்து வருவதாகவும் தகவல் பரவலாக பேசப்பட்டு வருகிறது. தமிழக வெற்றிக் கழகத்தில் பெரியகுளம் பகுதியில் மாவட்டச் செயலாளர் பிரகாஷ் தலைமையில் ஒரு குழுவும், எம்எல்ஏ தரப்பில் ஒரு குழுவும், மாவட்டச் செயலாளர் லெப்ட் பாண்டி தரப்பிற்கு ஆதரவாக ஒரு குழுவுமாக பல குழுக்களாக தவெகவினர் பிரிந்து செயல்படுவது, விஜய் மக்கள் இயக்கத்திலிருந்து தொடர்ந்து பயணிக்கக் கூடிய தமிழக வெற்றிக் கழகத் தொண்டர்களிடையே பெரிதும் வருத்தத்தை ஏற்படுத்துவதாக தகவல்கள் தெரிவிக்கின்றன.