লখিমপুৰ জিলাৰ বগীনদীৰ বৃহৎ অঞ্চলটোত যোৱা দুদিন ধৰি বিদ্যুৎ যোগান প্ৰায় সম্পূৰ্ণৰূপে বিকল হৈ আছে। এই অসহনীয় গৰমত সাধাৰণ জনতা অতিষ্ঠ হৈ পৰিছে, যাৰ ফলত ৰাইজৰ ধৈৰ্য্যৰ সীমা অতিক্ৰম কৰিছে। এই পৰিস্থিতিত চাউলধোৱা বগীনদী আঞ্চলিক ছাত্র সন্থাই তৎকালীন ব্যৱস্থা গ্ৰহণৰ দাবী জনাইছে। বিদ্যুৎ বিভাগৰ দায়িত্বশীল বিষয়াসকলৰ ফালৰ পৰা কোনো স্পষ্ট উত্তৰ বা তৎপৰতা দেখা পোৱা নাই। অভিযোগ জনালে কোনো সঁহাৰি নোপোৱা আৰু ফোন কৰিলে সংযোগ বন্ধ পোৱা এনে অৱস্থাই ৰাইজক গভীৰভাৱে হতাশ কৰিছে। জনসাধাৰণে নিয়মীয়াভাৱে বিদ্যুৎ বিল পৰিশোধ কৰি আহিছে আৰু তেওঁলোকৰ বাবে বিদ্যুৎ সেৱা কোনো দয়া বা অনুগ্রহ নহয়, বৰঞ্চ এক ন্যায্য অধিকাৰ। কিন্তু সমস্যা হোৱাৰ পিছতো যদি কর্তৃপক্ষৰ কোনো খবৰ নাথাকে, তেন্তে ইয়াক জনমুখী সেৱা বুলি ক'ব নোৱাৰি। আটাইতকৈ দুখৰ বিষয়টো হ'ল যে প্ৰতি বছৰে গ্ৰীষ্মকাল আহিলেই একেধৰণৰ সমস্যা পুনৰাবৃত্তি হয়, আৰু স্থায়ী সমাধানৰ সলনি কেৱল অজুহাত আৰু নীৰৱতাইহে নিয়ম হৈ পৰিছে। বগীনদী অঞ্চলৰ ৰাইজে কেৱল এটা প্ৰশ্নৰ উত্তৰ বিচাৰিছে যে বিদ্যুৎ সেৱা কেতিয়া স্বাভাৱিক হ'ব। সাধাৰণ জনতাৰ এই গুৰুত্বপূৰ্ণ সমস্যাত এনেধৰণৰ অৱহেলা কোনো দায়িত্বশীল বিভাগৰ বাবে গ্ৰহণযোগ্য নহয়। সেয়েহে, চাউলধোৱা বগীনদী আঞ্চলিক ছাত্র সন্থাই সংশ্লিষ্ট কর্তৃপক্ষক অতি শীঘ্ৰে এই বিষয়ত হস্তক্ষেপ কৰি বিদ্যুৎ যোগান স্বাভাৱিক কৰিবলৈ আৰু দায়িত্বহীনতাৰ বিৰুদ্ধে উচিত ব্যৱস্থা ল'বলৈ দাবী জনাইছে।

Dip Pratim borah

Media Consultant কদম, লখিমপুৰ, অসম•

8 hrs ago

লখিমপুৰ জিলাৰ বগীনদীৰ বৃহৎ অঞ্চলটোত যোৱা দুদিন ধৰি বিদ্যুৎ যোগান প্ৰায় সম্পূৰ্ণৰূপে বিকল হৈ আছে। এই অসহনীয় গৰমত সাধাৰণ জনতা অতিষ্ঠ হৈ পৰিছে, যাৰ ফলত ৰাইজৰ ধৈৰ্য্যৰ সীমা অতিক্ৰম কৰিছে। এই পৰিস্থিতিত চাউলধোৱা বগীনদী আঞ্চলিক ছাত্র সন্থাই তৎকালীন ব্যৱস্থা গ্ৰহণৰ দাবী জনাইছে। বিদ্যুৎ বিভাগৰ দায়িত্বশীল বিষয়াসকলৰ ফালৰ পৰা কোনো স্পষ্ট উত্তৰ বা তৎপৰতা দেখা পোৱা নাই। অভিযোগ জনালে কোনো সঁহাৰি নোপোৱা আৰু ফোন কৰিলে সংযোগ বন্ধ পোৱা এনে অৱস্থাই ৰাইজক গভীৰভাৱে হতাশ কৰিছে। জনসাধাৰণে নিয়মীয়াভাৱে বিদ্যুৎ বিল পৰিশোধ কৰি আহিছে আৰু তেওঁলোকৰ বাবে বিদ্যুৎ সেৱা কোনো দয়া বা অনুগ্রহ নহয়, বৰঞ্চ এক ন্যায্য অধিকাৰ। কিন্তু সমস্যা হোৱাৰ পিছতো যদি কর্তৃপক্ষৰ কোনো খবৰ নাথাকে, তেন্তে ইয়াক জনমুখী সেৱা বুলি ক'ব নোৱাৰি। আটাইতকৈ দুখৰ বিষয়টো হ'ল যে প্ৰতি বছৰে গ্ৰীষ্মকাল আহিলেই একেধৰণৰ সমস্যা পুনৰাবৃত্তি হয়, আৰু স্থায়ী সমাধানৰ সলনি কেৱল অজুহাত আৰু নীৰৱতাইহে নিয়ম হৈ পৰিছে। বগীনদী অঞ্চলৰ ৰাইজে কেৱল এটা প্ৰশ্নৰ উত্তৰ বিচাৰিছে যে বিদ্যুৎ সেৱা কেতিয়া স্বাভাৱিক হ'ব। সাধাৰণ জনতাৰ এই গুৰুত্বপূৰ্ণ সমস্যাত এনেধৰণৰ অৱহেলা কোনো দায়িত্বশীল বিভাগৰ বাবে গ্ৰহণযোগ্য নহয়। সেয়েহে, চাউলধোৱা বগীনদী আঞ্চলিক ছাত্র সন্থাই সংশ্লিষ্ট কর্তৃপক্ষক অতি শীঘ্ৰে এই বিষয়ত হস্তক্ষেপ কৰি বিদ্যুৎ যোগান স্বাভাৱিক কৰিবলৈ আৰু দায়িত্বহীনতাৰ বিৰুদ্ধে উচিত ব্যৱস্থা ল'বলৈ দাবী জনাইছে।