पिंपरी चिंचवडच्या मोशी येथील कचरा डेपोत झालेल्या दुर्घटनेच्या चौथ्या दिवशी इमारतीत अडकलेल्या आणखी ७ नागरिकांचे मृतदेह हाती आले असून, दुर्घटनेतील एकूण मृतांची संख्या आता ८ वर पोहोचली आहे. ८ जुलै रोजी दुपारी दीड वाजेच्या सुमारास कचऱ्याचा मोठा ढीग 'वेस्ट टू एनर्जी' प्रकल्पाच्या प्रशासकीय इमारतीवर कोसळल्याने ही गंभीर दुर्घटना घडली होती. या दुर्घटनेवेळी इमारतीमध्ये २२ आणि इमारतीशेजारी कचऱ्याच्या ढिगाखाली १ असे एकूण २३ नागरिक अडकले होते. त्यापैकी ५ नागरिक स्वतः सुखरूप बाहेर पडले, तर पहिल्याच दिवशी भारतीय लष्कर, एनडीआरएफ, पिंपरी चिंचवड महानगरपालिका, पीएमआरडीए अग्निशमन दल आणि पोलिसांनी संयुक्त मोहीम राबवून ९ जणांना सुरक्षित बाहेर काढले होते. यानंतर ९ जुलै रोजी इमारतीतून बाहेर काढण्यात आलेल्या भावेश वाणी यांचा रुग्णालयात मृत्यू झाला होता. तर काल रात्री एनडीआरएफच्या तांत्रिक मार्गदर्शनाखाली अत्याधुनिक डिमोलीशन एक्सकॅव्हेटर मशीनच्या साहाय्याने इमारतीचा अस्थिर आणि धोकादायक भाग नियंत्रित पद्धतीने हटवण्यात आला. त्यानंतर इमारतीत सुरू असलेल्या शोधमोहिमेदरम्यान अक्षय सावंत (वय ३५, मोशी), सुनील कोरके (वय ४०, आळंदी), सन्नी माने (वय ३९, गंधर्वनगरी, मोशी), महेश कुंभार (वय ३३, छत्रपती संभाजीनगर), नागेश गायकवाड (वय २६, संजय गांधी नगर, मोशी), रणजीत पाटील (वय २२, मोशी) आणि राहुल गायकवाड (वय ३५, मोशी) यांचे मृतदेह हाती आले. पिंपरी येथील वायसीएम रुग्णालयात दाखल केले असता वैद्यकीय अधिकारी डॉ. लक्ष्मण गोफणे यांनी तपासणीअखेर त्यांना मृत घोषित केले. सध्या इमारतीशेजारी असलेल्या कचऱ्याच्या ढिगाखाली अडकलेल्या एका नागरिकाचा युद्धपातळीवर शोध सुरू आहे. एनडीआरएफच्या श्वान पथकाची मदत घेऊन विविध यंत्रणांच्या साहाय्याने ही शोधमोहीम अविरतपणे सुरू ठेवण्यात येत आहे.

जनता न्यूज

Local News Reporter पिंपरी चिंचवड, पुणे, महाराष्ट्र•

5 hrs ago

पिंपरी चिंचवडच्या मोशी येथील कचरा डेपोत झालेल्या दुर्घटनेच्या चौथ्या दिवशी इमारतीत अडकलेल्या आणखी ७ नागरिकांचे मृतदेह हाती आले असून, दुर्घटनेतील एकूण मृतांची संख्या आता ८ वर पोहोचली आहे. ८ जुलै रोजी दुपारी दीड वाजेच्या सुमारास कचऱ्याचा मोठा ढीग 'वेस्ट टू एनर्जी' प्रकल्पाच्या प्रशासकीय इमारतीवर कोसळल्याने ही गंभीर दुर्घटना घडली होती. या दुर्घटनेवेळी इमारतीमध्ये २२ आणि इमारतीशेजारी कचऱ्याच्या ढिगाखाली १ असे एकूण २३ नागरिक अडकले होते. त्यापैकी ५ नागरिक स्वतः सुखरूप बाहेर पडले, तर पहिल्याच दिवशी भारतीय लष्कर, एनडीआरएफ, पिंपरी चिंचवड महानगरपालिका, पीएमआरडीए अग्निशमन दल आणि पोलिसांनी संयुक्त मोहीम राबवून ९ जणांना सुरक्षित बाहेर काढले होते. यानंतर ९ जुलै रोजी इमारतीतून बाहेर काढण्यात आलेल्या भावेश वाणी यांचा रुग्णालयात मृत्यू झाला होता. तर काल रात्री एनडीआरएफच्या तांत्रिक मार्गदर्शनाखाली अत्याधुनिक डिमोलीशन एक्सकॅव्हेटर मशीनच्या साहाय्याने इमारतीचा अस्थिर आणि धोकादायक भाग नियंत्रित पद्धतीने हटवण्यात आला. त्यानंतर इमारतीत सुरू असलेल्या शोधमोहिमेदरम्यान अक्षय सावंत (वय ३५, मोशी), सुनील कोरके (वय ४०, आळंदी), सन्नी माने (वय ३९, गंधर्वनगरी, मोशी), महेश कुंभार (वय ३३, छत्रपती संभाजीनगर), नागेश गायकवाड (वय २६, संजय गांधी नगर, मोशी), रणजीत पाटील (वय २२, मोशी) आणि राहुल गायकवाड (वय ३५, मोशी) यांचे मृतदेह हाती आले. पिंपरी येथील वायसीएम रुग्णालयात दाखल केले असता वैद्यकीय अधिकारी डॉ. लक्ष्मण गोफणे यांनी तपासणीअखेर त्यांना मृत घोषित केले. सध्या इमारतीशेजारी असलेल्या कचऱ्याच्या ढिगाखाली अडकलेल्या एका नागरिकाचा युद्धपातळीवर शोध सुरू आहे. एनडीआरएफच्या श्वान पथकाची मदत घेऊन विविध यंत्रणांच्या साहाय्याने ही शोधमोहीम अविरतपणे सुरू ठेवण्यात येत आहे.