नांदेड-लातूर राष्ट्रीय महामार्गावरील विष्णुपुरी येथे श्री गुरुगोबिंदसिंहजी अभियांत्रिकी महाविद्यालयासमोरील उड्डाणपुलाच्या बाजूचा खालचा भाग अचानक कोसळला. या घटनेची शासनाने गंभीर दखल घेतली असून, संपूर्ण प्रकरणाची उच्चस्तरीय तांत्रिक चौकशी करण्याचे आदेश देण्यात आले आहेत. बांधकामातील त्रुटी, निकृष्ट दर्जाचे साहित्य किंवा कामातील हलगर्जीपणा आढळल्यास संबंधित यंत्रणांवर कठोर कारवाई करण्याचे निर्देश पालकमंत्री अतुल सावे यांनी दिले आहेत. या तांत्रिक चौकशीसाठी दिल्लीहून केंद्रीय तज्ज्ञांची टीम उद्या नांदेडला दाखल होणार आहे. घटनेनंतर जिल्हाधिकारी राहुल कर्डिले यांनी उड्डाणपुलावरील वाहतूक तात्पुरती बंद करण्याचे आदेश दिले. प्रशासनाने तत्काळ पावले उचलत जेसीबीच्या सहाय्याने रस्त्यावरील मलबा हटविला असून, पोलीस आणि संबंधित विभागांच्या समन्वयातून पर्यायी मार्गाने वाहतूक सुरळीत केली आहे. सुदैवाने, या दुर्घटनेत कोणतीही जीवितहानी किंवा मोठी दुखापत झाली नाही. भविष्यात अशा घटना टाळण्यासाठी संपूर्ण उड्डाणपुलाच्या बांधकामाची तांत्रिक तपासणी करून त्याचा सविस्तर अहवाल सादर करण्यात येणार आहे. पालकमंत्री अतुल सावे यांनी स्पष्ट केले की, सार्वजनिक पायाभूत सुविधांच्या कामात दर्जाबाबत कोणतीही तडजोड केली जाणार नाही. चौकशी अहवालाच्या आधारे दोषी अधिकारी आणि कंत्राटदारांवर नियमानुसार कठोर कारवाई करण्यात येईल, असे त्यांनी नमूद केले.

Mohammad Rafikh

Graphic designer माहूर, नांदेड, महाराष्ट्र•

12 hrs ago

नांदेड-लातूर राष्ट्रीय महामार्गावरील विष्णुपुरी येथे श्री गुरुगोबिंदसिंहजी अभियांत्रिकी महाविद्यालयासमोरील उड्डाणपुलाच्या बाजूचा खालचा भाग अचानक कोसळला. या घटनेची शासनाने गंभीर दखल घेतली असून, संपूर्ण प्रकरणाची उच्चस्तरीय तांत्रिक चौकशी करण्याचे आदेश देण्यात आले आहेत. बांधकामातील त्रुटी, निकृष्ट दर्जाचे साहित्य किंवा कामातील हलगर्जीपणा आढळल्यास संबंधित यंत्रणांवर कठोर कारवाई करण्याचे निर्देश पालकमंत्री अतुल सावे यांनी दिले आहेत. या तांत्रिक चौकशीसाठी दिल्लीहून केंद्रीय तज्ज्ञांची टीम उद्या नांदेडला दाखल होणार आहे. घटनेनंतर जिल्हाधिकारी राहुल कर्डिले यांनी उड्डाणपुलावरील वाहतूक तात्पुरती बंद करण्याचे आदेश दिले. प्रशासनाने तत्काळ पावले उचलत जेसीबीच्या सहाय्याने रस्त्यावरील मलबा हटविला असून, पोलीस आणि संबंधित विभागांच्या समन्वयातून पर्यायी मार्गाने वाहतूक सुरळीत केली आहे. सुदैवाने, या दुर्घटनेत कोणतीही जीवितहानी किंवा मोठी दुखापत झाली नाही. भविष्यात अशा घटना टाळण्यासाठी संपूर्ण उड्डाणपुलाच्या बांधकामाची तांत्रिक तपासणी करून त्याचा सविस्तर अहवाल सादर करण्यात येणार आहे. पालकमंत्री अतुल सावे यांनी स्पष्ट केले की, सार्वजनिक पायाभूत सुविधांच्या कामात दर्जाबाबत कोणतीही तडजोड केली जाणार नाही. चौकशी अहवालाच्या आधारे दोषी अधिकारी आणि कंत्राटदारांवर नियमानुसार कठोर कारवाई करण्यात येईल, असे त्यांनी नमूद केले.