घरातील झोका खेळताना भयानक धोका ; ९ वर्षांच्या चिमुकलीचा दुर्दैवी मृत्यू घरातील झोका खेळताना भयानक धोका ; ९ वर्षांच्या चिमुकलीचा दुर्दैवी मृत्यू.. लहान मुलांकडे केलेले क्षणिक दुर्लक्षही किती महागात पडू शकते याची जाणीव करून देणारी हृदयद्रावक घटना माजलगाव शहरात घडली आहे. घरात झोका खेळताना गळ्याला फास बसल्याने ९ वर्षांच्या चिमुकलीचा दुर्दैवी मृत्यू झाला. वृंदा समीर रुद्रवार असे मृत मुलीचे नाव असून या घटनेने शहरात हळहळ व्यक्त होत आहे. मिळालेल्या माहितीनुसार, शहरातील खंडोबा मैदान परिसरात प्रदीप रुद्रवार यांचे निवासस्थान आहे. मंगळवारी महावीर जयंतीची सुट्टी असल्याने वृंदा ही आपल्या लहान बहिणीसोबत घराच्या वरच्या मजल्यावर झोक्यावर खेळत होती. यावेळी खुर्चीवर चढून झोका पकडत असताना खुर्ची अचानक कलंडली आणि झोक्याचा दोर तिच्या गळ्याभोवती अडकून गळफास बसला. बराच वेळ झाला तरी मुलगी जेवण्यासाठी खाली न आल्याने तिची आई वर गेली असता हा प्रकार उघडकीस आला. मुलीला त्या अवस्थेत पाहून आईने हंबरडा फोडला. तिचा आवाज ऐकून कुटुंबीय तत्काळ वर धावले आणि वृंदाला तातडीने रुग्णालयात दाखल केले. मात्र, डॉक्टरांनी तिला मृत घोषित केले. वृंदा शाळेत दुसरी इयत्तेत शिक्षण घेत होती. तिच्या अकाली मृत्यूने रुद्रवार कुटुंबावर दुःखाचा डोंगर कोसळला असून परिसरात शोककळा पसरली आहे. अचानक घडलेल्या या दुर्दैवी घटनेने पालक व नागरिकांना मोठा धक्का बसला आहे. लहान मुलं खेळताना त्यांच्यावर सतत लक्ष ठेवणे किती गरजेचे आहे, याची जाणीव या घटनेतून पुन्हा एकदा झाली आहे.

पत्रकार ओमप्रकाश उढाण

घनसावंगी, जालना, महाराष्ट्र•

6 hrs ago

घरातील झोका खेळताना भयानक धोका ; ९ वर्षांच्या चिमुकलीचा दुर्दैवी मृत्यू घरातील झोका खेळताना भयानक धोका ; ९ वर्षांच्या चिमुकलीचा दुर्दैवी मृत्यू.. लहान मुलांकडे केलेले क्षणिक दुर्लक्षही किती महागात पडू शकते याची जाणीव करून देणारी हृदयद्रावक घटना माजलगाव शहरात घडली आहे. घरात झोका खेळताना गळ्याला फास बसल्याने ९ वर्षांच्या चिमुकलीचा दुर्दैवी मृत्यू झाला. वृंदा समीर रुद्रवार असे मृत मुलीचे नाव असून या घटनेने शहरात हळहळ व्यक्त होत आहे. मिळालेल्या माहितीनुसार, शहरातील खंडोबा मैदान परिसरात प्रदीप रुद्रवार यांचे निवासस्थान आहे. मंगळवारी महावीर जयंतीची सुट्टी असल्याने वृंदा ही आपल्या लहान बहिणीसोबत घराच्या वरच्या मजल्यावर झोक्यावर खेळत होती. यावेळी खुर्चीवर चढून झोका पकडत असताना खुर्ची अचानक कलंडली आणि झोक्याचा दोर तिच्या गळ्याभोवती अडकून गळफास बसला. बराच वेळ झाला तरी मुलगी जेवण्यासाठी खाली न आल्याने तिची आई वर गेली असता हा प्रकार उघडकीस आला. मुलीला त्या अवस्थेत पाहून आईने हंबरडा फोडला. तिचा आवाज ऐकून कुटुंबीय तत्काळ वर धावले आणि वृंदाला तातडीने रुग्णालयात दाखल केले. मात्र, डॉक्टरांनी तिला मृत घोषित केले. वृंदा शाळेत दुसरी इयत्तेत शिक्षण घेत होती. तिच्या अकाली मृत्यूने रुद्रवार कुटुंबावर दुःखाचा डोंगर कोसळला असून परिसरात शोककळा पसरली आहे. अचानक घडलेल्या या दुर्दैवी घटनेने पालक व नागरिकांना मोठा धक्का बसला आहे. लहान मुलं खेळताना त्यांच्यावर सतत लक्ष ठेवणे किती गरजेचे आहे, याची जाणीव या घटनेतून पुन्हा एकदा झाली आहे.