टँकरचा प्रस्ताव पाठवूनही प्रशासनाचे दुर्लक्ष पिण्याच्या पाण्यासाठी बोलठाणवासीयांची 'भटकंती '.! गंगापूर तालुक्यातील बोलठाण गावात तीव्र पाणी टंचाई निर्माण झाली असून, ग्रामस्थांना पिण्याच्या पाण्यासाठी वणवण भटकंती करावी लागत आहे. दरम्यान, बोलठाण गावाला टँकरने पाणीपुरवठा करावा या मागणीसाठी प्रस्ताव पाठवून देखील प्रशासनाने दुर्लक्ष केल्याने ग्रामस्थांमध्ये संताप व्यक्त केला जात आहे. तसेच शासनाने तात्काळ बोलठाण गावाला टँकरने पाणीपुरवठा करावा अशी मागणी ग्रामस्थांनी केली आहे.गेल्या काही आठवड्यांपासून बोलठाण गावातील विहिरींमध्ये असलेले पाणी आटले असून, काही ठिकाणी अत्यल्प पाणीसाठा उरला आहे. परिणामी महिलांना आणि लहान मुलांना लांब अंतरावर जाऊन पाणी भरावे लागत आहे. गावात पाण्यासाठी रानवनात फिरुन पाणी आणावे लागत आहे. पिण्याच्या पाण्यासाठी लवकरात लवकर टँकर सुरू करावे अशी मागणी गट ग्रामपंचायत तांदुळवाडीतर्फे गटविकास अधिकारी यांच्याकडे १ मार्च रोजी करण्यात आली होती. परंतु अद्यापही त्यांनी या मागणीची दखल घेतली नाही त्यामुळे गावकऱ्यांना पाण्यासाठी भटकण्याची वेळ आली आहे.दरम्यान, ग्रामपंचायतीने टँकरच्या पुरवठ्यासाठी तालुका प्रशासन टंचाई विभागाचे अरुण राऊत यांना प्रस्ताव पाठवला होता. मात्र, अद्याप कोणतीही कारवाई झालेली नाही. उन्हाळा सुरू होताच गावात पाणीटंचाई वाढत जाते, त्यामुळे वेळेत उपाययोजना झाली नाही तर परिस्थिती आणखी गंभीर होऊ शकते असे ग्रामपंचायत समिती सदस्य करीमा हारुण पठाण यांनी सांगितले.

शेख अजहर ताहेर (पत्रकार)

गंगापूर, औरंगाबाद, महाराष्ट्र•

1 day ago

टँकरचा प्रस्ताव पाठवूनही प्रशासनाचे दुर्लक्ष पिण्याच्या पाण्यासाठी बोलठाणवासीयांची 'भटकंती '.! गंगापूर तालुक्यातील बोलठाण गावात तीव्र पाणी टंचाई निर्माण झाली असून, ग्रामस्थांना पिण्याच्या पाण्यासाठी वणवण भटकंती करावी लागत आहे. दरम्यान, बोलठाण गावाला टँकरने पाणीपुरवठा करावा या मागणीसाठी प्रस्ताव पाठवून देखील प्रशासनाने दुर्लक्ष केल्याने ग्रामस्थांमध्ये संताप व्यक्त केला जात आहे. तसेच शासनाने तात्काळ बोलठाण गावाला टँकरने पाणीपुरवठा करावा अशी मागणी ग्रामस्थांनी केली आहे.गेल्या काही आठवड्यांपासून बोलठाण गावातील विहिरींमध्ये असलेले पाणी आटले असून, काही ठिकाणी अत्यल्प पाणीसाठा उरला आहे. परिणामी महिलांना आणि लहान मुलांना लांब अंतरावर जाऊन पाणी भरावे लागत आहे. गावात पाण्यासाठी रानवनात फिरुन पाणी आणावे लागत आहे. पिण्याच्या पाण्यासाठी लवकरात लवकर टँकर सुरू करावे अशी मागणी गट ग्रामपंचायत तांदुळवाडीतर्फे गटविकास अधिकारी यांच्याकडे १ मार्च रोजी करण्यात आली होती. परंतु अद्यापही त्यांनी या मागणीची दखल घेतली नाही त्यामुळे गावकऱ्यांना पाण्यासाठी भटकण्याची वेळ आली आहे.दरम्यान, ग्रामपंचायतीने टँकरच्या पुरवठ्यासाठी तालुका प्रशासन टंचाई विभागाचे अरुण राऊत यांना प्रस्ताव पाठवला होता. मात्र, अद्याप कोणतीही कारवाई झालेली नाही. उन्हाळा सुरू होताच गावात पाणीटंचाई वाढत जाते, त्यामुळे वेळेत उपाययोजना झाली नाही तर परिस्थिती आणखी गंभीर होऊ शकते असे ग्रामपंचायत समिती सदस्य करीमा हारुण पठाण यांनी सांगितले.