ಚಿಕ್ಕೋಡಿ ಪಟ್ಟಣದ ರಾಘವೇಂದ್ರ ಹೊಟೇಲ್ ಪಕ್ಕದಲ್ಲಿ ಪಾನ-ಬೀಡಿ ಅಂಗಡಿ ನಡೆಸುತ್ತಿರುವ ರಾಜೀವ್ ಶೆಟ್ಟಿ ಅವರು ಅಪೂರ್ವ ಪ್ರಾಮಾಣಿಕತೆ ಮೆರೆದಿದ್ದಾರೆ. 2026ರ ಜೂನ್ 14ರ ಭಾನುವಾರ ಸಂಜೆ ಅವರ ಅಂಗಡಿಗೆ ಬಂದಿದ್ದ ಒಬ್ಬ ಅಪರಿಚಿತ ವಿದ್ಯಾವಂತ ಯುವಕ ವ್ಯಾಪಾರ ಮುಗಿಸಿ ತೆರಳಿದಾಗ, ಆತನ ಮನಿ ಪರ್ಸ್ ಅಂಗಡಿಯ ಮುಂದೆ ಜಾರಿ ಬಿದ್ದಿತ್ತು. ಈ ವಿಷಯ ಆರಂಭದಲ್ಲಿ ಯಾರ ಗಮನಕ್ಕೂ ಬಂದಿರಲಿಲ್ಲ. ಸ್ವಲ್ಪ ಸಮಯದ ನಂತರ ರಾಜೀವ್ ಶೆಟ್ಟಿ ಅವರಿಗೆ ಪಾಕೀಟ್ ಸಿಕ್ಕಿದ್ದು, ಯಾರದ್ದೆಂದು ತಿಳಿದುಬಾರದಿದ್ದಾಗ ಅದನ್ನು ತೆರೆದು ನೋಡಿದ್ದಾರೆ. ಅದರಲ್ಲಿದ್ದ ಸುಮಾರು ₹10,000 ನಗದು ಮತ್ತು ಮಹತ್ವದ ಕಾರ್ಡ್‌ಗಳನ್ನು ಕಂಡು ಅವರು ಆಶ್ಚರ್ಯಚಕಿತರಾಗಿದ್ದಾರೆ. ಆ ಪಾಕೀಟ್‌ನಲ್ಲಿ ವ್ಹಿ ಆರ್ ಎಲ್ ಬಸ್ ಟಿಕೆಟ್ ಸಹ ಇದ್ದು, ಅದನ್ನು ಹುಡುಕಿಕೊಂಡು ಬಂದ ಯುವಕನಿಗೆ ತಕ್ಷಣ ರಾಜೀವ್ ಅವರು ಪಾಕೀಟನ್ನು ಹಿಂದಿರುಗಿಸಿ ಮಾನವೀಯತೆ ಮೆರೆದರು. ರಾಜೀವ್ ಅವರ ಪ್ರಾಮಾಣಿಕ ನಡತೆಯನ್ನು ಕಂಡು ಯುವಕ ₹1,000 ಬಹುಮಾನ ನೀಡಲು ಮುಂದಾದಾಗ, ಸದಾ ಆರ್ಥಿಕ ತೊಂದರೆಯಲ್ಲಿರುವ ರಾಜೀವ್ ಅವರು, “ಪರರ ಹಣ ನಮಗೆ ಬೇಕಿಲ್ಲ ಸರ್, ಧನ್ಯವಾದಗಳು” ಎಂದು ಹೇಳಿ ನಗುಮುಖದಿಂದ ಅದನ್ನು ನಿರಾಕರಿಸಿದರು. ರಾಜೀವ್ ಶೆಟ್ಟಿ ಅವರ ಬಡತನದಲ್ಲೂ ಪ್ರಾಮಾಣಿಕ ಬದುಕು ಸಾಗಿಸುವ ಗುಣವನ್ನು ಮೆಚ್ಚಿ, ಸಂಯುಕ್ತ ಕರ್ನಾಟಕ ಕನ್ನಡ ದಿನಪತ್ರಿಕೆಯ ವರದಿಗಾರ ಸುಧೀರ ಕುಂಭೋಜಕರ ಮತ್ತು ಸಮಾನ ಮನಸ್ಕರು ರಾಜೀವ್ ಅವರಿಗೆ ಶಾಲು ಹೊದಿಸಿ, ಹಾರ ಹಾಕಿ, ಸಿಹಿ ನೀಡಿ ಸನ್ಮಾನಿಸಿದರು. ಈ ಸಂದರ್ಭದಲ್ಲಿ ಚಂದ್ರಕಾಂತ ಹುಕ್ಕೇರಿ, ಅಶೋಕ ಶೆಟ್ಟಿ, ಸಂಯುಕ್ತ ಕ್ರಾಂತಿ ದಿನಪತ್ರಿಕೆಯ ವರದಿಗಾರ ನದೀಮ್ ನಾಯಿಕವಾಡಿ, ಸುಭಾಷಿತ ದಿನಪತ್ರಿಕೆಯ ವರದಿಗಾರ ಶಿವಾನಂದ ಭಂಡಾರಿ ಸೇರಿದಂತೆ ರಾಘವೇಂದ್ರ ಹೊಟೇಲ್ ಸಿಬ್ಬಂದಿಯವರು ಉಪಸ್ಥಿತರಿದ್ದರು.

R R Kalyanakar

Building consultant ಚಿಕ್ಕೋಡಿ, ಬೆಳಗಾವಿ, ಕರ್ನಾಟಕ•

1 hr ago

ಚಿಕ್ಕೋಡಿ ಪಟ್ಟಣದ ರಾಘವೇಂದ್ರ ಹೊಟೇಲ್ ಪಕ್ಕದಲ್ಲಿ ಪಾನ-ಬೀಡಿ ಅಂಗಡಿ ನಡೆಸುತ್ತಿರುವ ರಾಜೀವ್ ಶೆಟ್ಟಿ ಅವರು ಅಪೂರ್ವ ಪ್ರಾಮಾಣಿಕತೆ ಮೆರೆದಿದ್ದಾರೆ. 2026ರ ಜೂನ್ 14ರ ಭಾನುವಾರ ಸಂಜೆ ಅವರ ಅಂಗಡಿಗೆ ಬಂದಿದ್ದ ಒಬ್ಬ ಅಪರಿಚಿತ ವಿದ್ಯಾವಂತ ಯುವಕ ವ್ಯಾಪಾರ ಮುಗಿಸಿ ತೆರಳಿದಾಗ, ಆತನ ಮನಿ ಪರ್ಸ್ ಅಂಗಡಿಯ ಮುಂದೆ ಜಾರಿ ಬಿದ್ದಿತ್ತು. ಈ ವಿಷಯ ಆರಂಭದಲ್ಲಿ ಯಾರ ಗಮನಕ್ಕೂ ಬಂದಿರಲಿಲ್ಲ. ಸ್ವಲ್ಪ ಸಮಯದ ನಂತರ ರಾಜೀವ್ ಶೆಟ್ಟಿ ಅವರಿಗೆ ಪಾಕೀಟ್ ಸಿಕ್ಕಿದ್ದು, ಯಾರದ್ದೆಂದು ತಿಳಿದುಬಾರದಿದ್ದಾಗ ಅದನ್ನು ತೆರೆದು ನೋಡಿದ್ದಾರೆ. ಅದರಲ್ಲಿದ್ದ ಸುಮಾರು ₹10,000 ನಗದು ಮತ್ತು ಮಹತ್ವದ ಕಾರ್ಡ್‌ಗಳನ್ನು ಕಂಡು ಅವರು ಆಶ್ಚರ್ಯಚಕಿತರಾಗಿದ್ದಾರೆ. ಆ ಪಾಕೀಟ್‌ನಲ್ಲಿ ವ್ಹಿ ಆರ್ ಎಲ್ ಬಸ್ ಟಿಕೆಟ್ ಸಹ ಇದ್ದು, ಅದನ್ನು ಹುಡುಕಿಕೊಂಡು ಬಂದ ಯುವಕನಿಗೆ ತಕ್ಷಣ ರಾಜೀವ್ ಅವರು ಪಾಕೀಟನ್ನು ಹಿಂದಿರುಗಿಸಿ ಮಾನವೀಯತೆ ಮೆರೆದರು. ರಾಜೀವ್ ಅವರ ಪ್ರಾಮಾಣಿಕ ನಡತೆಯನ್ನು ಕಂಡು ಯುವಕ ₹1,000 ಬಹುಮಾನ ನೀಡಲು ಮುಂದಾದಾಗ, ಸದಾ ಆರ್ಥಿಕ ತೊಂದರೆಯಲ್ಲಿರುವ ರಾಜೀವ್ ಅವರು, “ಪರರ ಹಣ ನಮಗೆ ಬೇಕಿಲ್ಲ ಸರ್, ಧನ್ಯವಾದಗಳು” ಎಂದು ಹೇಳಿ ನಗುಮುಖದಿಂದ ಅದನ್ನು ನಿರಾಕರಿಸಿದರು. ರಾಜೀವ್ ಶೆಟ್ಟಿ ಅವರ ಬಡತನದಲ್ಲೂ ಪ್ರಾಮಾಣಿಕ ಬದುಕು ಸಾಗಿಸುವ ಗುಣವನ್ನು ಮೆಚ್ಚಿ, ಸಂಯುಕ್ತ ಕರ್ನಾಟಕ ಕನ್ನಡ ದಿನಪತ್ರಿಕೆಯ ವರದಿಗಾರ ಸುಧೀರ ಕುಂಭೋಜಕರ ಮತ್ತು ಸಮಾನ ಮನಸ್ಕರು ರಾಜೀವ್ ಅವರಿಗೆ ಶಾಲು ಹೊದಿಸಿ, ಹಾರ ಹಾಕಿ, ಸಿಹಿ ನೀಡಿ ಸನ್ಮಾನಿಸಿದರು. ಈ ಸಂದರ್ಭದಲ್ಲಿ ಚಂದ್ರಕಾಂತ ಹುಕ್ಕೇರಿ, ಅಶೋಕ ಶೆಟ್ಟಿ, ಸಂಯುಕ್ತ ಕ್ರಾಂತಿ ದಿನಪತ್ರಿಕೆಯ ವರದಿಗಾರ ನದೀಮ್ ನಾಯಿಕವಾಡಿ, ಸುಭಾಷಿತ ದಿನಪತ್ರಿಕೆಯ ವರದಿಗಾರ ಶಿವಾನಂದ ಭಂಡಾರಿ ಸೇರಿದಂತೆ ರಾಘವೇಂದ್ರ ಹೊಟೇಲ್ ಸಿಬ್ಬಂದಿಯವರು ಉಪಸ್ಥಿತರಿದ್ದರು.