महाराष्ट्र राज्य आयटीआय निदेशक संघटना, नागपूर विभागाच्या वतीने रविवार, 31 मे रोजी सकाळी 10 वाजता नागपूरमधील श्रद्धानंद पेठ येथील मुंडले पब्लिक स्कूल परिसरात, शासकीय आयटीआय समोर विभागीय मेळाव्याचे आयोजन करण्यात आले आहे. या मेळाव्यात नागपूर विभागातील सहाही जिल्ह्यांतील आयटीआय निदेशक मोठ्या संख्येने उपस्थित राहणार असल्याची माहिती संघटनेच्या पदाधिकाऱ्यांनी दिली आहे. या मेळाव्याचे उद्घाटन शिक्षक आमदार सुधाकर अडबाले यांच्या हस्ते होणार असून, पदवीधर आमदार अभिजीत वंजारी प्रमुख अतिथी म्हणून उपस्थित राहतील. कार्यक्रमाच्या अध्यक्षस्थानी संघटनेचे माजी सरचिटणीस भोजराज काळे असतील, तर व्यवसाय शिक्षण व प्रशिक्षण विभागाचे सहसंचालक पुरुषोत्तम देवतळे यांच्यासह अन्य मान्यवरही उपस्थित राहतील. संघटनेने दिलेल्या माहितीनुसार, सध्या नागपूर विभागात 78 शासकीय आयटीआय कार्यरत आहेत, तर राज्यभरात शासनाच्या एकूण 419 आयटीआय संस्था सुरू आहेत. कौशल्य विकासाला राष्ट्रीय स्तरावर महत्त्व मिळत असताना, आयटीआय संस्था कुशल मनुष्यबळ निर्मितीची प्रमुख केंद्रे म्हणून उदयास आल्याचे आणि औद्योगिक क्षेत्रातील वाढती मागणी लक्षात घेता त्यांचे महत्त्व अधोरेखित होत असल्याचे संघटनेने नमूद केले आहे. या मेळाव्यात आयटीआय शिक्षक व निदेशकांच्या विविध समस्या, प्रलंबित मागण्या, त्यांचे हक्क व जबाबदाऱ्या, तसेच व्यवसाय शिक्षण विभागाशी संबंधित विविध विषयांवर सविस्तर चर्चा केली जाणार आहे. संघटनेकडून शिक्षक व कर्मचाऱ्यांचे प्रश्न सातत्याने संचालनालय, मंत्रालय आणि शासन स्तरावर मांडले जात असून, या मेळाव्यात पुढील दिशा ठरवण्याचे कामही होणार आहे. शिक्षक आमदार सुधाकर अडबाले यांचे मार्गदर्शन आणि पदवीधर आमदार अभिजीत वंजारी यांचे संबोधन ऐकण्यासाठी निदेशकांमध्ये विशेष उत्सुकता असल्याचे संघटनेने सांगितले आहे. विभाग संपर्कप्रमुख व राज्य सहचिटणीस शिवाजी ढुमणे, राज्य सदस्य साहेबराव गूडधे, विभागीय अध्यक्ष प्रेमानंद भैसारे आणि जिल्हाध्यक्ष जयंत टालाटुले यांनी सर्व निदेशकांना मोठ्या संख्येने उपस्थित राहण्याचे आवाहन केले आहे.

SATISH BHALERAO

नागपूर (ग्रामीण), नागपूर, महाराष्ट्र•

1 hr ago

महाराष्ट्र राज्य आयटीआय निदेशक संघटना, नागपूर विभागाच्या वतीने रविवार, 31 मे रोजी सकाळी 10 वाजता नागपूरमधील श्रद्धानंद पेठ येथील मुंडले पब्लिक स्कूल परिसरात, शासकीय आयटीआय समोर विभागीय मेळाव्याचे आयोजन करण्यात आले आहे. या मेळाव्यात नागपूर विभागातील सहाही जिल्ह्यांतील आयटीआय निदेशक मोठ्या संख्येने उपस्थित राहणार असल्याची माहिती संघटनेच्या पदाधिकाऱ्यांनी दिली आहे. या मेळाव्याचे उद्घाटन शिक्षक आमदार सुधाकर अडबाले यांच्या हस्ते होणार असून, पदवीधर आमदार अभिजीत वंजारी प्रमुख अतिथी म्हणून उपस्थित राहतील. कार्यक्रमाच्या अध्यक्षस्थानी संघटनेचे माजी सरचिटणीस भोजराज काळे असतील, तर व्यवसाय शिक्षण व प्रशिक्षण विभागाचे सहसंचालक पुरुषोत्तम देवतळे यांच्यासह अन्य मान्यवरही उपस्थित राहतील. संघटनेने दिलेल्या माहितीनुसार, सध्या नागपूर विभागात 78 शासकीय आयटीआय कार्यरत आहेत, तर राज्यभरात शासनाच्या एकूण 419 आयटीआय संस्था सुरू आहेत. कौशल्य विकासाला राष्ट्रीय स्तरावर महत्त्व मिळत असताना, आयटीआय संस्था कुशल मनुष्यबळ निर्मितीची प्रमुख केंद्रे म्हणून उदयास आल्याचे आणि औद्योगिक क्षेत्रातील वाढती मागणी लक्षात घेता त्यांचे महत्त्व अधोरेखित होत असल्याचे संघटनेने नमूद केले आहे. या मेळाव्यात आयटीआय शिक्षक व निदेशकांच्या विविध समस्या, प्रलंबित मागण्या, त्यांचे हक्क व जबाबदाऱ्या, तसेच व्यवसाय शिक्षण विभागाशी संबंधित विविध विषयांवर सविस्तर चर्चा केली जाणार आहे. संघटनेकडून शिक्षक व कर्मचाऱ्यांचे प्रश्न सातत्याने संचालनालय, मंत्रालय आणि शासन स्तरावर मांडले जात असून, या मेळाव्यात पुढील दिशा ठरवण्याचे कामही होणार आहे. शिक्षक आमदार सुधाकर अडबाले यांचे मार्गदर्शन आणि पदवीधर आमदार अभिजीत वंजारी यांचे संबोधन ऐकण्यासाठी निदेशकांमध्ये विशेष उत्सुकता असल्याचे संघटनेने सांगितले आहे. विभाग संपर्कप्रमुख व राज्य सहचिटणीस शिवाजी ढुमणे, राज्य सदस्य साहेबराव गूडधे, विभागीय अध्यक्ष प्रेमानंद भैसारे आणि जिल्हाध्यक्ष जयंत टालाटुले यांनी सर्व निदेशकांना मोठ्या संख्येने उपस्थित राहण्याचे आवाहन केले आहे.