Shuru
Apke Nagar Ki App…
କଣ୍ଟାମାଳ ବ୍ଲକର ଲମ୍ବସେରି ପଞ୍ଚାୟତ ଅନ୍ତର୍ଗତ ବେହେରାପଡ଼ା ଗ୍ରାମରେ କାଳବୈଶାଖୀ ପ୍ରଭାବରେ ପାଖାପାଖି ୮ ରୁ ୧୦ ପରିବାର ବହୁଳ ଭାବରେ କ୍ଷତିଗ୍ରସ୍ତ ହୋଇଛନ୍ତି। ଦାଶରଥି ଦିଗାଲ, ଉପିନ୍ଦ୍ର କୁମ୍ଭାର ଏବଂ ରହିତା ବଣ୍ଡକିଙ୍କ ଘର ସମ୍ପୂର୍ଣ୍ଣ ଭାଙ୍ଗି ଯାଇଥିବା ବେଳେ ଏହି ବ୍ୟକ୍ତିବିଶେଷମାନେ ବର୍ତ୍ତମାନ ଦରିପାଲ ସହାୟତାରେ ତମ୍ବୁ ତିଆରିକରି ରୌଦ୍ର ତାପରେ ଜୀବନଯାପନ କରୁଛନ୍ତି। ଦୁଃଖର ବିଷୟ ଯେ, ଏପର୍ଯ୍ୟନ୍ତ ପୀଡିତ ବ୍ୟକ୍ତିବିଶେଷଙ୍କ ପାଖକୁ କୌଣସି ପ୍ରକାର ସରକାରୀ ସହାୟତା ପହଞ୍ଚି ପାରିନାହିଁ। ଏହି ପରିସ୍ଥିତିରେ, ଡଃ ଆମ୍ବେଦକର ସୋସିଆଲ ଟ୍ରଷ୍ଟ କଣ୍ଟାମାଳର କର୍ମକର୍ତ୍ତା ଏବଂ ସକ୍ରିୟ ସଦସ୍ୟମାନେ ବେହେରାପଡ଼ା ଗ୍ରାମରେ ପହଞ୍ଚିଥିଲେ। ଟ୍ରଷ୍ଟ ତରଫରୁ ସଭାପତି ସୁନିଲ ହରିପାଲ, ସାଧାରଣ ସମ୍ପାଦକ ଲୁଭଧର ସୁନା, ସଂଗଠନ ସମ୍ପାଦକ ମୋନିତ କୁମାର ଭୋଈନା, କୋଷାଧ୍ୟକ୍ଷ ଚମରୁ ବାଘ, ସଂଯୁକ୍ତ ସଂଗଠନ ସମ୍ପାଦକ ବିଦ୍ୟାଭୂଷଣ ବେହେରା, ସକ୍ରିୟ ସଦସ୍ୟ ଅନିଲ ହରିପାଲ ଏବଂ କେନ୍ଦ୍ରୀୟ ସରକାରୀ କର୍ମଚାରୀ ତଥା ସମାଜପ୍ରେମୀ ବୈଷ୍ଣବ ମଲ୍ଲିକ, ଆଦର୍ଶ ଶିକ୍ଷକ ତଥା ସମାଜପ୍ରେମୀ ଜଳେଶ୍ଵର କୁମ୍ଭାର, ଉପଦେଷ୍ଟା ରାଜେନ୍ଦ୍ର ବାଘ, ସୁଶାନ୍ତ ଛତ୍ରିଆ, ବିଭୁଶଙ୍କର ରାଜହଂସ, ଆନନ୍ଦ ମହାନନ୍ଦ, ସୁଶାନ୍ତ ମହାନନ୍ଦ, ସୁରେଶ ମହାନନ୍ଦ, ମହେଶ୍ୱର କୁମ୍ଭାର, ମହାଦେବ କଲତା, ଦେବଦତ୍ତ ସାଗର ପ୍ରମୁଖ ସହଯୋଗ କରି ପୀଡ଼ିତ ବ୍ୟକ୍ତିଙ୍କୁ ଡାଲି, ଚାଉଳ, ଚୂଡା, ଚିନି, ଅଟା, ଆଳୁ, ପିଆଜ, ବିସ୍କୁଟ ଇତ୍ୟାଦି ଯୋଗାଇ ଦେଇଛନ୍ତି। ଡଃ ଆମ୍ବେଦକର ସୋସିଆଲ ଟ୍ରଷ୍ଟ କଣ୍ଟାମାଳ ତରଫରୁ ପ୍ରଶାସନ ନିକଟରେ ପୀଡିତ ବ୍ୟକ୍ତିବିଶେଷଙ୍କୁ ଉପଯୁକ୍ତ ସରକାରୀ ସହାୟତା ପ୍ରଦାନ କରିବାକୁ ଦାବି କରାଯାଇଛି।
Bansidhar Majhi
କଣ୍ଟାମାଳ ବ୍ଲକର ଲମ୍ବସେରି ପଞ୍ଚାୟତ ଅନ୍ତର୍ଗତ ବେହେରାପଡ଼ା ଗ୍ରାମରେ କାଳବୈଶାଖୀ ପ୍ରଭାବରେ ପାଖାପାଖି ୮ ରୁ ୧୦ ପରିବାର ବହୁଳ ଭାବରେ କ୍ଷତିଗ୍ରସ୍ତ ହୋଇଛନ୍ତି। ଦାଶରଥି ଦିଗାଲ, ଉପିନ୍ଦ୍ର କୁମ୍ଭାର ଏବଂ ରହିତା ବଣ୍ଡକିଙ୍କ ଘର ସମ୍ପୂର୍ଣ୍ଣ ଭାଙ୍ଗି ଯାଇଥିବା ବେଳେ ଏହି ବ୍ୟକ୍ତିବିଶେଷମାନେ ବର୍ତ୍ତମାନ ଦରିପାଲ ସହାୟତାରେ ତମ୍ବୁ ତିଆରିକରି ରୌଦ୍ର ତାପରେ ଜୀବନଯାପନ କରୁଛନ୍ତି। ଦୁଃଖର ବିଷୟ ଯେ, ଏପର୍ଯ୍ୟନ୍ତ ପୀଡିତ ବ୍ୟକ୍ତିବିଶେଷଙ୍କ ପାଖକୁ କୌଣସି ପ୍ରକାର ସରକାରୀ ସହାୟତା ପହଞ୍ଚି ପାରିନାହିଁ। ଏହି ପରିସ୍ଥିତିରେ, ଡଃ ଆମ୍ବେଦକର ସୋସିଆଲ ଟ୍ରଷ୍ଟ କଣ୍ଟାମାଳର କର୍ମକର୍ତ୍ତା ଏବଂ ସକ୍ରିୟ ସଦସ୍ୟମାନେ ବେହେରାପଡ଼ା ଗ୍ରାମରେ ପହଞ୍ଚିଥିଲେ। ଟ୍ରଷ୍ଟ ତରଫରୁ ସଭାପତି ସୁନିଲ ହରିପାଲ, ସାଧାରଣ ସମ୍ପାଦକ ଲୁଭଧର ସୁନା, ସଂଗଠନ ସମ୍ପାଦକ ମୋନିତ କୁମାର ଭୋଈନା, କୋଷାଧ୍ୟକ୍ଷ ଚମରୁ ବାଘ, ସଂଯୁକ୍ତ ସଂଗଠନ ସମ୍ପାଦକ ବିଦ୍ୟାଭୂଷଣ ବେହେରା, ସକ୍ରିୟ ସଦସ୍ୟ ଅନିଲ ହରିପାଲ ଏବଂ କେନ୍ଦ୍ରୀୟ ସରକାରୀ କର୍ମଚାରୀ ତଥା ସମାଜପ୍ରେମୀ ବୈଷ୍ଣବ ମଲ୍ଲିକ, ଆଦର୍ଶ ଶିକ୍ଷକ ତଥା ସମାଜପ୍ରେମୀ ଜଳେଶ୍ଵର କୁମ୍ଭାର, ଉପଦେଷ୍ଟା ରାଜେନ୍ଦ୍ର ବାଘ, ସୁଶାନ୍ତ ଛତ୍ରିଆ, ବିଭୁଶଙ୍କର ରାଜହଂସ, ଆନନ୍ଦ ମହାନନ୍ଦ, ସୁଶାନ୍ତ ମହାନନ୍ଦ, ସୁରେଶ ମହାନନ୍ଦ, ମହେଶ୍ୱର କୁମ୍ଭାର, ମହାଦେବ କଲତା, ଦେବଦତ୍ତ ସାଗର ପ୍ରମୁଖ ସହଯୋଗ କରି ପୀଡ଼ିତ ବ୍ୟକ୍ତିଙ୍କୁ ଡାଲି, ଚାଉଳ, ଚୂଡା, ଚିନି, ଅଟା, ଆଳୁ, ପିଆଜ, ବିସ୍କୁଟ ଇତ୍ୟାଦି ଯୋଗାଇ ଦେଇଛନ୍ତି। ଡଃ ଆମ୍ବେଦକର ସୋସିଆଲ ଟ୍ରଷ୍ଟ କଣ୍ଟାମାଳ ତରଫରୁ ପ୍ରଶାସନ ନିକଟରେ ପୀଡିତ ବ୍ୟକ୍ତିବିଶେଷଙ୍କୁ ଉପଯୁକ୍ତ ସରକାରୀ ସହାୟତା ପ୍ରଦାନ କରିବାକୁ ଦାବି କରାଯାଇଛି।
More news from ଓଡ଼ିଶା and nearby areas
- କାଳବୈଶାଖୀର ପ୍ରଭାବରେ ଅନେକ ଗଛ ଭାଙ୍ଗିଯାଇଛି, ଯାହାଫଳରେ ରାସ୍ତା ଅବରୋଧ ହେବା ସହ ବିଜୁଳି ସମସ୍ୟା ଦେଖାଦେଇଛି। ଏହି ଘଟଣା ଯୋଗୁଁ ଯାତାୟାତ ଏବଂ ବିଦ୍ୟୁତ୍ ଯୋଗାଣରେ ବାଧା ଉପୁଜିଛି।1Ram Shankar Bhoi
- ରାୟଗଡା ଜିଲ୍ଲା କାଶୀପୁର ବ୍ଲକ ଅନ୍ତର୍ଗତ ଅଣ୍ଡିରାକୋଞ୍ଚ ପୋଲିସ ଥାନା କ୍ଷେତ୍ରରେ ଏକ ଅଭାବନୀୟ ବାଇକ ଦୁର୍ଘଟଣାରେ ୨୦ ବର୍ଷୀୟ ଦିଗାମ୍ବର ନାଏକଙ୍କ ମୃତ୍ୟୁ ଘଟିଛି। ଏହି ଘଟଣାକୁ ନେଇ ମୃତକଙ୍କ ପରିବାର ଲୋକେ କ୍ଷତିପୂରଣ ଦାବିରେ ଅଣ୍ଡିରାକୋଞ୍ଚ ଥାନା ସମ୍ମୁଖରେ ଶବ ରଖି ରାଜରାସ୍ତାରେ ଅଟଳ ରହିଛନ୍ତି। ପୋଲିସର ସହଯୋଗ ଅଭାବକୁ ନେଇ ଅଞ୍ଚଳବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ମୃତ ଯୁବକ ଦିଗାମ୍ବର ନାଏକ କଳାହାଣ୍ଡି ଜିଲ୍ଲା ଥୁଆମୂଳ ରାମପୁରର ଦୁରଖାଲ ଗ୍ରାମର ଜଲଧର ନାଏକଙ୍କ ପୁଅ ବୋଲି ଜଣାପଡିଛି। ମାଇକଞ୍ଚ ଗ୍ରାମପଞ୍ଚାୟତର ଅଣ୍ଡିରାକୋଞ୍ଚ ଥାନା ଅଧୀନସ୍ଥ କୁପାଖାଳ ନିକଟରେ ଦୁଇଟି ବାଇକ ମୁହାଁମୁହିଁ ଧକ୍କା ହୋଇଥିଲା, ଯେଉଁଥିରେ ଜଣେ ଯୁବକ ଘଟଣାସ୍ଥଳରେ ଗୁରୁତର ଆହତ ହୋଇ ପଡିରହିଥିଲେ। ମୃତକଙ୍କ ପରିଜନ ଅଭିଯୋଗ କରିଛନ୍ତି ଯେ, ଅନ୍ୟ ଜଣେ ଡ଼ଙ୍ଗାସିଲର ବ୍ୟକ୍ତିଙ୍କୁ ଅଣ୍ଡିରାକୋଞ୍ଚ ପୋଲିସ ଏକ ବାଇକ ସହ ଥାନାରେ ଅଟକ ରଖିଥିଲେ ମଧ୍ୟ ପରେ ତାଙ୍କୁ ଛାଡି ଦିଆଯାଇଛି। ଦୁର୍ଘଟଣା ପରେ ଗୁରୁତର ଯୁବକଙ୍କୁ ପ୍ରଥମେ କାଶୀପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, ପରେ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବ୍ରହ୍ମପୁର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଉଥିବା ବେଳେ ବାଟରେ ତାଙ୍କର ମୃତ୍ୟୁ ଘଟିଥିଲା। ମୃତ୍ୟୁ ପରେ ପରିବାର ଲୋକେ ଅଣ୍ଡିରାକୋଞ୍ଚ ଥାନା ଅଧିକାରୀଙ୍କ ସହ ଯୋଗାଯୋଗ କରିଥିଲେ। ପୋଲିସ ନିର୍ଦ୍ଦେଶ ଦେଇଥିଲା ଯେ କ୍ଷତିପୂରଣ ଓ ଶବ ବ୍ୟବଛେଦ କାଶୀପୁରରେ କରାଯିବ। କିନ୍ତୁ, ପରିବାର ଲୋକେ ଅଧରାତିରୁ କାଶୀପୁରରେ ପହଞ୍ଚିବା ପରେ ଅଣ୍ଡିରାକୋଞ୍ଚ ଥାନା ଅଧିକାରୀ ସମସ୍ତ ଯୋଗାଯୋଗ ବନ୍ଦ କରିଦେଇଥିବା ଅସହାୟ ପରିବାର ଅଭିଯୋଗ କରି ପୋଲିସର ସହଯୋଗକୁ ନିନ୍ଦା କରିଛନ୍ତି। ପରିବାର ଲୋକେ ଦାବି କରିଛନ୍ତି ଯେ ଏହି ଘଟଣାରେ ନ୍ୟାୟ ମିଳୁ ଏବଂ କ୍ଷତିପୂରଣ ପ୍ରଦାନ କରାଯାଉ। ସେମାନେ ନିଜ ଦାବିରେ ଅଟଳ ରହି ଶବକୁ କାଶୀପୁରରୁ ଆଣି ଅଣ୍ଡିରାକୋଞ୍ଚ ଥାନା ଆଗରେ ରଖି ପ୍ରତିବାଦ କରୁଛନ୍ତି।1Santosh Nayak PRESS
- ଏକ ପୋଷ୍ଟରେ ଏହି ପ୍ରଶ୍ନ ଉଠାଯାଇଛି ଯେ ମୋଦି ସୁନା କିଣିବା ଏବଂ ବିଦେଶ ଯାତ୍ରା କରିବାକୁ କାହିଁକି ମନା କରୁଛନ୍ତି। ଏହି ପ୍ରମୁଖ ବିଷୟ ଉପରେ ଅଧିକ ଜାଣିବାକୁ ପୋଷ୍ଟରେ ଆହ୍ୱାନ କରାଯାଇଛି।1Ranjan hota
- Post by SONEPUR NEWS1SONEPUR NEWS
- ସୁବର୍ଣ୍ଣପୁର ଜିଲ୍ଲା ସଦର ବ୍ଲକ ଅନ୍ତର୍ଗତ ଖାରି ଗ୍ରାମ ପଞ୍ଚାୟତର ତରାଇକେଲା ଗ୍ରାମରେ ବାସ କରୁଥିବା ନାରାୟଣ ସାହୁଙ୍କ ପରିବାର ପାଇଁ ଆବାସ ଯୋଜନା ଏବେ ବି ଏକ ସାତ ସପନ ହୋଇ ରହିଛି। ବୃଦ୍ଧ ବ୍ୟକ୍ତି ହୋଇ ମଧ୍ୟ ତାଙ୍କ ପରିବାର ଏହି ଯୋଜନାର ସୁଫଳରୁ ବଞ୍ଚିତ ହୋଇଛନ୍ତି।1ସାମ୍ବାଦିକ Gurudeb Meher
- ଗତକାଲି ଗୁରୁବାର ରାତି ପ୍ରାୟ ୮.୧୫ ବେଳେ ସୁବର୍ଣ୍ଣପୁର ସହର ଓ ଆଖପାଖ ଅଞ୍ଚଳରେ ଏକ ପ୍ରବଳ କାଳବୈଶାଖୀ ଝଡ଼, ବର୍ଷା ଓ କିଛି ସ୍ଥାନରେ ଛୋଟ କୁଆପଥର ମାଡ଼ ହୋଇ ବ୍ୟାପକ କ୍ଷୟକ୍ଷତି ଘଟାଇଛି। ପ୍ରାୟ ୩୦ ମିନିଟ୍ ଧରି ଚାଲିଥିବା ଏହି ପ୍ରଳୟଙ୍କରୀ ଝଡ଼ରେ ଜନଜୀବନ ସମ୍ପୂର୍ଣ୍ଣ ଅସ୍ତବ୍ୟସ୍ତ ହୋଇପଡିଛି। ଘରର ଛାତ ସହ ରାସ୍ତାର ହୋଡ଼ିଂ, ଟ୍ରାଫିକ ପୋଷ୍ଟ ଏବଂ ବାଇକ ମଧ୍ୟ ଉଡ଼ାଇ ନେଇଥିବା ଦେଖିବାକୁ ମିଳିଛି। ସହରର ଜୟଗୁରୁ ମାର୍କେଟ ମେନ ରୋଡ, କଲେଜ ରୋଡ, ବସଷ୍ଟାଣ୍ଡ ଓ ଷ୍ଟେଟ ବ୍ୟାଙ୍କ ରାସ୍ତା ସମେତ ସହରର ସମସ୍ତ ୱାର୍ଡ ଏବଂ ଉଲୁଣ୍ଡା ବ୍ଲକର କିଛି ଅଞ୍ଚଳରେ ବଡ଼ ବଡ଼ ଗଛ ଉପୁଡି ପଡି ରାସ୍ତା ଅବରୋଧ କରିଛି। ବହୁ ସ୍ଥାନରେ ବିଦ୍ୟୁତ୍ ଖୁଣ୍ଟ ଭାଙ୍ଗିଯିବା ଓ ଗଛ ତାର ଉପରେ ପଡ଼ି ଛିଡିଯିବା ଯୋଗୁଁ ସମଗ୍ର ସହର ପ୍ରାୟ ୧୮ ଘଣ୍ଟା ଧରି ଅନ୍ଧାରରେ ରହିଛି। ବିଦ୍ୟୁତ ଯୋଗାଣ ବାଧାପ୍ରାପ୍ତ ହେତୁ ଜଳ ଯୋଗାଣ ମଧ୍ୟ ଠପ୍ ହୋଇଯାଇଛି। ଏହା ବ୍ୟତୀତ, ଗଛ ପଡ଼ି ଅନେକ ଘର ଓ ରାସ୍ତାକଡରେ ଥିବା କାର୍, ବାଇକ୍ କ୍ଷତିଗ୍ରସ୍ତ ହୋଇଛି। ଆଖପାଖ ଅଞ୍ଚଳରେ ଠିଆ ହୋଇଥିବା ଧାନ, ପନିପରିବା ଓ ଆମ୍ବ ଫସଲ ମଧ୍ୟ ନଷ୍ଟ ହୋଇ ଚାଷୀଙ୍କ ମୁଣ୍ଡରେ ଚଡ଼କ ପଡିଛି। ଘଟଣା ପରେ ତୁରନ୍ତ ଜିଲ୍ଲା ପ୍ରଶାସନ ପକ୍ଷରୁ ଅତିରିକ୍ତ ଜିଲ୍ଲାପାଳଙ୍କ ଉପସ୍ଥିତିରେ ଅଗ୍ନିଶମ ବିଭାଗ, ବିଦ୍ୟୁତ୍ ବିଭାଗ, ଓଡ୍ରାଫ ଟିମ୍ ସହ ଅନ୍ୟାନ୍ୟ ବିଭାଗୀୟ କର୍ମଚାରୀ ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଆଜି ମଧ୍ୟ ପୌର ପରିଷଦ କର୍ମଚାରୀ ସଫେଇ କାର୍ଯ୍ୟରେ ନିୟୋଜିତ ଅଛନ୍ତି। ସୋନପୁର ଜିଲ୍ଲାବାସୀ ପ୍ରବଳ ଗୁଳୁଗୁଳିରେ ଭାଜି ହେଉଥିବା ବେଳେ କେବେ ବିଦ୍ୟୁତ୍ ଆସିବ, ସେନେଇ ଅନିଶ୍ଚିତତା ଦେଖାଦେଇଛି। ବୁଦ୍ଧିଜୀବିମାନେ ତୁରନ୍ତ ବାହାର ଜିଲ୍ଲାରୁ ବିଦ୍ୟୁତ୍ ବିଭାଗର ଟିପିଡବ୍ଲୁଓଡିଏଲ୍ କର୍ମଚାରୀ ନିଯୁକ୍ତ କରି ଯୁଦ୍ଧକାଳୀନ ଭିତ୍ତିରେ ପୁନରୁଦ୍ଧାର କାର୍ଯ୍ୟ କରିବାକୁ ଦାବୀ କରିଛନ୍ତି। ଏହାସହ, କ୍ଷତିଗ୍ରସ୍ତ ପରିବାରଙ୍କୁ ତୁରନ୍ତ କ୍ଷତିପୂରଣ ଓ ରିଲିଫ୍ ପ୍ରଦାନ କରିବା ସହ ଚାଷୀଙ୍କ ଫସଲ କ୍ଷତିର ଆକଳନ କରି ଏକ ସ୍ୱତନ୍ତ୍ର ପ୍ୟାକେଜ ଘୋଷଣା କରିବା ପାଇଁ ମଧ୍ୟ ଦାବୀ ହେଉଛି।1Sonepur news khulasa
